විමල්-නාමල් එක්වෙති..

February 19, 2021 at 8:40 am | lanka C news
විමල්-නාමල් එක්වෙති..

“සෞභාග්‍යයේ දැක්ම” ප්‍රතිපත්ති ප්‍රකාශය අනුව යමින් කර්මාන්ත ගමට ගෙන යාමේ වැඩසටහන යටතේ දිවයිනේ සියලු ප්‍රදේශීය ලේකම් කොට්ඨාස ආවරණය වන පරිදි එක් ප්‍රාදේශීය ලේකම් කොට්ඨාසයකට එක් කර්මාන්ත ශාලාවක් බැගින් පිහිටුවීමේ වැඩසටහන පිළිබදව කර්මාන්ත අමාත්‍ය විමල් වීරවංශ සහ තරුණ හා ක්‍රීඩා අමාත්‍ය නාමල් රාජපක්ෂ යන මහත්වරු අතර විශේෂ සාකච්ජාවක් (18) කර්මාන්ත අමාත්‍යාංශයේදී පැවැත්විණි.

කර්මාන්ත අමාත්‍යවරයා සහ තරුණ හා ක්‍රීඩා අමාත්‍යවරයා අතර කැබිනට් මණ්ඩලයේදී පැවති සාකච්ජාවක ප්‍රතිඑලයක් ලෙස මෙම ව්‍යාපෘතිය සදහා අවශ්‍ය කටයුතු පිළිබද සාකච්ජා කිරීමට මෙම හමුව පැවැත්වෙන බව අමාත්‍යවරු දෙපළ සදහන් කළහ. ග්‍රාමීය මට්ටමේ විරැකියාවෙන් පෙළෙන රටේ තරුණ ප්‍රජාව වෙනුවෙන් මෙම ව්‍යාපෘතිය සිදු කිරීමට අදහස් කරන බව තරුණ හා ක්‍රීඩා අමාත්‍යවරයා ප්‍රකාශ කරනු ලැබූ අතර ඒ වෙනුවෙන් කර්මාන්ත අමාත්‍යාංශය වශයෙන් දිය හැකි උපරිම සහයෝගය ලබාදෙමින් එම ව්‍යාපෘතිය සාර්ථක කර ගැනීමට කැපවන බව කර්මාන්ත අමාත්‍ය විමල් වීරවංශ මහතා ප්‍රකාශ කළේය.

කර්මාන්ත අමාත්‍යාංශය යටතේ ක්‍රියාත්මක ලංකා කාර්මික සංවර්ධන මණ්ඩලය (IDB) දැනටමත් සමස්ත දිවයිනම පදනම් කර ගනිමින් කර්මාන්ත සදහා අවශ්‍ය පසුබිම අධ්‍යයනය කර ඇති බවටත් ඉදිරියේදී ප්‍රාදේශීය ලේකම් කොට්ඨාස මට්ටමින් එම ප්‍රදේශවලට ආවේණික, වඩා සුදුසු, අමුද්‍රව්‍ය සපයා ගත හැකි සහ විරුකියාව යන කරුණු පදනම් කර ගනිමින් සුදුසු කර්මාන්ත හදුනාගෙන මෙම ව්‍යාපෘතිය ක්‍රියාත්මක කිරීමට සුදානම් බවටත් අදහස් පළ විය. තරුණ කටයුතු අමාත්‍යාංශය යටතේ ක්‍රියාත්මක කුඩා ව්‍යාපාර අංශය දැනටමත් කර ඇති අධ්‍යයනයන් ද ඒ සදහා යොදා ගන්නා ලෙස තරුණ හා ක්‍රීඩා අමාත්‍යවරයා සහ කර්මාන්ත අමාත්‍යවරයා නිලධාරීන්ට උපදෙස් ලබා දුන්හ.

එසේ හදුනාගන්නා යෝජනා පිළිබඳ සාකච්ඡා කොට ඉදිරියේදී කර්මාන්ත අමාත්‍යාංශය, තරුණ හා ක්‍රීඩා අමාත්‍යාංශය, ශ්‍රී ලංකා ආයෝජන මණ්ඩලය (BOI) , ලංකා කාර්මික සංවර්ධන මණ්ඩලය (IDB) , ජාතික ව්‍යවසාය සංවර්ධන අධිකාරිය (NEDA) එක්ව අවසන් යෝජනා ඇතුළත් වාර්තාවක් ලබාදෙන ලෙස අමාත්‍යවරු දෙපළ නිලධාරීන්ට උපදෙස් ලබා දුන්හ. එහිදී එම ව්‍යාපෘතියට අදාළ බාධාවන්, අභියෝග මෙන්ම යටිතල පහසුකම් ඇති කිරීමේ ක්‍රමවේදයන් පිළිබවදවත් අවධානය යොමු කරන ලෙස උපදෙස් ලබාදුන් අතර මෙම ව්‍යාපෘතියේ ප්‍රධාන අරමුණ විය යුත්තේ සුළු පරිමාණයේ කර්මාන්තකරුවන් මධ්‍ය පරිමාණය දක්වා ඔසවා තැබීම බව අමාත්‍යවරු දෙපළ අවධාරණය කළහ.

මෙම අවස්ථාවට කර්මාන්ත අමාත්‍යාංශයේ ලේකම් අනූෂ පැල්පිට, කර්මාන්ත අමාත්‍යාංශයේ අතිරේක ලේකම්වරු වන චමින්ද පතිරාජ, එස්. එල්. නසීර්, තරුණ හා ක්‍රීඩා අමාත්‍යාශයේ අතිරේක ලේකම් සමන් පී වඩුගේ, ගුවන් සේවා හා අපනයන සැකසුම් කලාප රාජ්‍ය අමාත්‍යංශයේ අතිරේක ලේකම් සුනිල් ගුණවර්ධන, ශ්‍රී ලංකා ආයෝජන මණ්ඩලයේ අධ්‍යක්ෂ ජනරාල් පසන් වනිගසේකර, ජාතික ව්‍යවසාය සංවර්ධන අධිකාරියේ සභාපති අනුෂ්ක ගුණසිංහ, ලංකා කාර්මික සංවර්ධන මණ්ඩලයේ අධ්‍යක්ෂ ජේ.එච් හේමචන්ද්‍ර යන මහත්වරු ඇතුළු පිරිසක් සහභාගී වූහ.

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය

59,061 views

8 Comments to “විමල්-නාමල් එක්වෙති..”

  1. Aurora says:

    ඇමතිතුමනි ග්‍රාමීයව ස්ථාපිත කරනවිට එම කර්මාන්තවලින් අවම හානියක් පරිසරයට සිදුවීම යන සාධකයත් සලක බලන්න. එසේ නැතිනම් දැනට ඉදිකර තියන සියලුම කර්මාන්ත උද්‍යාන පානීය ජලය ලබාගන්නා පොම්පාගාර වලට ඉහලින් ඉදිකිරීමේ මෝඩ සහ දුෂ්ඨ ක්‍රියාව තව තවත් ඉදිරියට යනවා ඇත. දැනට නගරවල මිනිස්සු බොන්නේ එම කර්මාන්තවලින් පිටකරන දුෂිත ජලය මිශ්‍රවූ ජලයයි.

  2. hela-01 says:

    Beware open regarding government own factory when building rualral area,since when changing ministor or government they will be going loss. so better to motivate privet sector to begin these type factory, because they try to maintain good efficiency and profitable company.

  3. Samitha himi says:

    Hi wimalo rajapaksala ekunoth prawesam wenna.kalpanakari wenna ul ethi gasawala pelada thiyunu ul sahithayi kumantranayak
    wage obawa winasama karayi

  4. මෝලංගිරියා says:

    නාමල් කිසිම වෙලාවක විමල්ව විවේචනය කලේ නෑ. බැසිල්ගෙ ඇම්බැට්ටයෝ විතරයි කෑ ගහන්නේ!

  5. පොහොට්ටු පාක්ෂිකයා says:

    appa kakka walata guu ekathu una wage

  6. Genaral says:

    Narmal will be our NEXT president… Wow young blood😍

  7. Nammbee says:

    Please save the young generation from bad web sites, u both can do it

Main News