‘විමල් වහා නිදහස් කරනු’.. නුවරඑළියේ ජනතාව වීදි බසිති..

February 15, 2017 at 8:02 am | lanka C news
‘විමල් වහා නිදහස් කරනු’.. නුවරඑළියේ ජනතාව වීදි බසිති..

ආණ්ඩුවිරෝධී සටනේ අභීත සෙන්පතියකු වූ ජාතික නිදහස් පෙරමුණේ නායක, විමල් වීරවංශ මහතා සිරගත කොට තමන්ට එරෙහි ජනතා නැගිටීම යටපත් කිරීමට ආණ්ඩුව සිතනවානම් එය මුලාවක් බව ඒකාබද්ධ විපක්ෂයේ නුවරඑළිය දිස්ත්‍රික් නායක, පාර්ලිමේන්තු මන්ත්‍රී, සී.බී. රත්නායක මහතා පැවසීය.

‘දේශපාලන දඩයම නවතනු!- විමල් වීරවංශ වහා නිදහස් කරනු!’ යන තේමාව යටතේ  නුවරඑළිය නගරයේ පැවැති පොදුජන විරෝධතාව අවසානයේ ඒ මහතා මෙසේ පැවසීය.
එහිදී වැඩිදුරටත් අදහස් දැක්වූ ඒ මහතා මෙසේද සදහන් කළේය.

‘ජාතික නිදහස් පෙරමුණේ නායක, විමල් වීරවංශ මහතාට බොරු චෝදනා එල්ල කරලා අත්අඩංගවට අරන් දැන් මාසයකට වැඩි කාලයක් තිස්සේ සිරගතකොට තිබෙනවා. ඒකාබද්ධ විපක්ෂයේ නායකයන් දඩයම් කරලා මේ ආණ්ඩුවට එරෙහිව නැගී සිටින ජනතා බලවේගය යටපත් කරන්න හිතනවානම් ඒක මුලාවක්. ඉතාමත් නුදුරේදීම අපි මේ ආණ්ඩුව ගෙදර යවලා මහින්ද රාජපක්ෂ මැතිතුමාගේ නායකත්වයෙන් ආණ්ඩුවක් පිහිටුවීමට බලාපොරොත්තු වෙනවා. ඊට අදාළ නුවරඑළිය දිස්ත්‍රික් මෙහෙයුමට මමත් ජානිපෙ නුවරඑළිය දිස්ත්‍රික් නායක නිමල් පියතිස්ස මැතිතුමාත් දැඩි සහෝදරත්වයෙන් උරදෙන බව සහතිකයක් දෙනවා’

– අනුරුද්ධ බණ්ඩාර

22 views
Main News