විමල් වීරවංශගේ නිවසේදී මියගිය තරුණයාගේ මරණ පරීක්‍ෂණ වාර්තාව එයි..

October 27, 2016 at 6:48 pm | lanka C news
විමල් වීරවංශගේ නිවසේදී මියගිය තරුණයාගේ මරණ පරීක්‍ෂණ වාර්තාව එයි..

ජාතික නිදහස් පෙරමුණු නායක පාර්ලාමේන්තු මන්ත‍්‍රී විමල් විරවංශ මහතාගේ නිවසේ සිටියදී මියගිය 24 හැවිරිදි තරුණයාගේ මරණය හදිසියේ ඇති වූ හෘදයාබාධයක් නිසා සිදු වූ ස්වභාවික මරණයක් බව ඒ සම්බන්දයෙන් පැවැත්වූ පශ්චාත්ම රණ පරීක්‍ෂණයේ වාර්තාව සදහන් කරයි.

කිසිදු පහර දීමක් හෝ සැක සහිත සීරීම් සලකුණක් සිරුරේ නැතැයිද එහි සදහන්ය.

මියගිය තරුණයාගේ පවුලේ ඥාතීන්ද එම පරීක්‍ෂ වාර්තාව සම්බන්ධයෙන් සෑහීමකට පත්ව ඇති අතර මියගිය තරැණයාගේ මව ඊයේ දිනයේ කියා සිටියේ තරැණයාගේ පියාද මිය ගියේ මේ ආකාරයෙන්ම බවයි.

කෙසේ වෙතත් තරුණයාට හෘදයාබාදයක් ඇති වූයේ කෙසේදැයි පරීක්‍ෂණයක් සිදුකිරීමට සිරුරේ කොටස් රජයේ රස පරීක්‍ෂකවරයා වෙතද යවා ඇති බව වාර්තා වෙයි.

3 views

2 Comments to “විමල් වීරවංශගේ නිවසේදී මියගිය තරුණයාගේ මරණ පරීක්‍ෂණ වාර්තාව එයි..”

  1. අද දවසේ වැදගත් පුවත UNP පාක්ෂිකයා පෙරමුනේ පාක්ෂිකයා

    යාපනෙ හර්තාල් යහපාලනය සුරකිමු රටේ නීතිය අස්ථාවර

    දහම්ගේ පහරදීම බෙංගාල්ල බොක්ක වැසි නීතිය අතට ගැනීමක්

    බැදුම්කර පාර්ලිමේන්තුවට විමල්ගේ ගෙදර මිනියක් අර්ජුන සිංගප්පූරුවට

    රංගගේ රිය අනතුර ලොකු ළූනු මිල පහතට නීතිය අතට ගැනීමක්

  2. දසුන් වානගුරු says:

    මියගිය දයාබර මිත්‍රයාව නැවත නොමරන්න !!!
    ————————————————–
    දයාබර මිත්‍රයා ළහිරු ජනිත්ගේ මේ ජායාරූපය මගේ කැමරා කාචයේ සටහන් වන්නේ හරියටම මිට මසකට පෙර ඔහු මියගිය නිවසේදිමය,බොහෝවිට මෙය ළහිරු පෙනී සිටි අවසාන ජායාරූපයද විය හැකිය.ළහිරුගේ අවසාන ජායාරූපය ලබාගන්නට පවා අවසානාවන්තවූ මා මේ සටහන ලියන්න අදහස් කරන්නේ ළහිරු ගැන බොහෝ මඩ වෙබ් අඩවිවල,සමහර අමනයින්ගේ ෆේස්බුක් ගිණුම් වල දුටු හදවත කම්පා කරන අදහස් දැකීමෙන් උපන් මහත් සංවේගයෙන් යුතුවය…
    ළහිරුගේ හදිසි මරණය පිළිබද ඔහුගේ පවුලේ අය මෙන්ම ගමේ ජනතාවත් දැඩි ලෙස කණගාටුවන මොහොතක ඔහුගේ මිත්‍රයන් වශයෙන් ඔහුගේ මරණය සමහරුන් ඉතා නින්දිත ලෙස විවිධ කරුණු හුවා දක්වමින් වාර්තා කරන ආකාරය සහ ඒවාට අදහස් පලකරන ආකාරය දුටුවිට මනුෂත්වය පිළිබද ඇතිවන්නේද දැඩි කණගාටුවකි ! ළහිරු අනතුරකින් හෝ වෙනයම් ස්වාභාවික සිද්ධියකින් මිය ගියේනම් එවැනි අමන කතා කියන බොහෝදෙනා ළහිරුව දශමෙකට ගණන් නොගනු ඇත.නමුත් මිය යෑමෙන් පසු මෙවැනි අමන කතා කියන නෝනා මහත්වරු ඔහුගේ මරණය සමග විවිධ කතා ඈදා අපහාස කරන්නේ ඒ අහිංසක තරුණයාටය.දේශපාලනිකව ගහන්නට පොටක් පාදගන්න අපේ මිත්‍රයා ඔවුනට මනා ඉල්ලමක් වී ඇතිබව ඔවුන්ගේ වෙබ් සහ ෆේස්බුක් ගිණුම් හැසිරීම් වලින් පෙනීයයි.
    ළහිරු ස්වාභාවයෙන්ම කා අතරත් හිතවත් අහිංසක තරුණයෙකි.ළහිරුට ගමේ බොහෝ මිත්‍රයන් සිටින්නේ ඔහුගේ ඇති මේ කුලුපගුකම නිසාය.විමල් විරවංශයේ පුත්‍රයාද ලහිරුගේ හොදම මිත්‍රයෙකි.ලහිරු මියගිය දිනයේ සවස,දින කිහිපයක් නිදිවර්ජිතව ඔහු සේවය කල හෝටලයෙන් නිවාඩු ලබා පැමිණ තම මිත්‍රයන් හමුවී සතුටුවීම පිණිස එම නිවසට පැමිණ ඇත.ළහිරු සමග තවත් මිත්‍රයෙක් සිව් දෙනෙකුත් එදා එම නිවසේ රාත්‍රිය පහන් කල අතර බොහෝ දිනවල මිත්‍රයන් එකට එක්ව ක්‍රීඩාකිරීම,චිත්‍රපටි නැරබීම සුලභ සිද්ධියකි.එදිනත් ඔවුන් චිත්‍රපටිය නරබා රාත්‍රියේ නින්දට ගිය අතර උදෑසන අනෙක් මිත්‍රයින් අවදි වුවද ළහිරු අවදිනොවිම නිසා එම නිවසට නිවාස කිහිපයක් එහායින් තිබෙන ලහිරුගේ නිවසේ සිටි ඔහුගේ මවටද ඒ බව දැනුම්දී සියලු දෙනා එක්ව ඔහුව ජයවර්ධනපුර රෝහලට රැගෙන යනවිටත් ලහිරු ජිවිතයෙන සමුගෙන තිබුණි. රාත්‍රියේ එකට චිත්‍රපටිය නරබා එකම තැන නිදාසිටි මිත්‍රයා උදේ මියාගොස් තිබීම නිසා අනෙක් මිතුරන් කිහිපදෙනා මේ මොහොත වනවිටත් දැඩි සංවේගයෙන් සිටියි.එවන් මොහොතක විවිධ මඩ,අවළාද නිර්මාණය කරමින් ළහිරුට අපහාස කරන්නට බොහෝ මඩ වෙබ් අඩවි සහ නෝනා මහත්වරු කටයුතු කිරීම ඉතා නින්දිතය !!
    අද පැවැත්වූ මුලික මරණ පරික්ෂණයන් අනාවරණය වුයේ ලහිරුගේ මරණය හදිසි හෘදයාබාධයක් නිසා ඇතිවූ මරණයක් බවයි.ඔහුගේ පියාත් මිට වසර කිහිපයකට පෙර මෙලෙසම රාත්‍රී නිදි ඇදේදී හෘදයාබාධයක් වැළදීම නිසා මෙලොව හැර ගියේය.ළහිරුගේ මවත්,සහෝදරියත් ලහිරුගේ මරණය සැක සහිත නොවන බව පවසත්දී ළහිරුගේ මරණය ගැන වෙබ් අඩවි සහ අමන මිනිසුන්ගේ වෝල් වල පල වූ අදහස් අතර,ළහිරු අධික ලෙස මත්පැන් පානය කිරීම නිසා මියයෑම,ළහිරු අධික ලෙස වයග්‍රා පෙති පානය කිරීම නිසා මියයෑම,විමල් වීරවංශයේ දුවණිය සහ බිරිද ඈදා ගොතන බොහෝ ව්‍යාජ පුවත් වලින් අපහාසයට ලක් වන්නේ වෙන කිසිවෙක් නොව අපේ මිත්‍රයාය.මරණයක් වවාගෙන කන්නට දක්ෂ බොහෝදෙනා මෙයද ඒ ආකාරයෙන් වවාගෙන කමින් සිටියි.ඔවුනට කියන්නට ඇති එකම දේ නම් ඔබටත් දිනක මෙවැනි සෝචනීය ඉරණමකට මුහුණ දෙන්නට සිදු වුවහොත් ඔබවත් මේ රටේ මාධ්‍ය පඩංගු,මඩ වෙබ් අඩවි සහ අමන ෆේස්බුක් ගිණුම් සලකන්නේ මේ ලෙසටම බව මතක තබා ගන්න…!!!
    අනේ මිනිසුනේ මියගිය මිත්‍රයා නැවත නොමරන්න
    ඔහුට ගෞරවණිය ලෙස සමුගන්න ඉඩ දෙන්න !!!
    —————————————————–
    – දසුන් වානගුරු – අවමංගල නිවසේ සිට –

Main News