විමුක්ති දේශපාලනයටද..- චන්ද‍්‍රිකාගෙන් නිවේදනයක්…

August 7, 2021 at 6:47 pm | lanka C news
විමුක්ති දේශපාලනයටද..- චන්ද‍්‍රිකාගෙන් නිවේදනයක්…

තම පුත්‍රයා දේශපාලනයට පිවිසෙන බවට පැතිර යන වාර්තා අසත්‍ය බව හිටපු ජනාධිපතිනි චන්ද්‍රිකා කුමාරතුංග මහත්මිය සඳහන් කරයි.

ඇය තම සමාජ ජාලා ගිණුමේ සටහනක් තබමින් මේ බව පවසා තිබේ.

එම සම්පූර්ණ සටහන මෙසේය.

—-

මාධ්‍ය නිවේදනයයි

විමුක්ති කුමාරතුංග දේශපාලනයට පිවිසෙන බවට මේ දිනවල ජනමාධ්‍ය සහ සමාජ මාධ්‍යවල පැතිර යන අසත්‍ය ප්‍රචාරය සම්බන්ධවයි.

විමුක්ති කුමාරතුංග ක්‍රියාකාරී දේශපාලනයට පිවිසෙන බවට මේ දිනවල අසත්‍ය ප්‍රචාරයක් ජනමාධ්‍ය සහ සමාජ මාධ්‍ය හරහා පැතිරෙන පුවත සම්පූර්ණයෙන් අසත්‍ය ප්‍රකාශයක් වන අතර එය සම්පූර්ණයෙන් ප්‍රතික්ශේප කරමි.

ඔහුට දේශපාලනයට පැමිණීමේ කිසිදු අවශ්‍යතාවක් හෝ ආසාවක් නොමැති අතර දේශපාලනය වෙනුවෙන් බණ්ඩාරනායකවරුන් සිදු කළ කැපකිරීම් සහ ලද පීඩාවන් ඔහුට ද උරුම කරවීමේ කිසිදු අදහසක් මට ද නොමැත.

ඔහු අප රටට බෙහෙවින් ආදරය කළද, රට වෙනුවෙන් සේවය කළහැකි එකම ක්‍රමය දේශපාලනය නොවන බව ද පවසනු කැමැත්තෙමි.

එබැවින් මෙවැනි අසත්‍ය ප්‍රචාරවලට නොරැවටෙන මෙන් සියලු ජනතාවගෙන් ඉතා ඕනෑකමින් ඉල්ලා සිටිමි.

මෙයට
හිතවත්
චන්ද්‍රිකා බණ්ඩාරනායක කුමාරතුංග

53,511 views

29 Comments to “විමුක්ති දේශපාලනයටද..- චන්ද‍්‍රිකාගෙන් නිවේදනයක්…”

  1. Ratnamalala says:

    ආවත් වැඩක් නැහැ.අම්මට දිනාගන්න බැරිඋන අත්තනගල්ල මේ හරක් දොස්තරට දිනන්න කොහොමටත් බැහැ.මොවුන්ගෙන් රටට වෙන සෙතකුත් නැහැ.

Main News