වියලි කාලගුණයත් සමග රෝග පැතිරේ.. වමනය, පාචනය, උදර රෝග, වෛරස් පැතිරේ..

පවතින වියළි කාලගුණයත් සමග වෛරසයක් පැතිර යාමෙන් තම රෝහලේ බාහිර රෝගි අංශයට ප්‍රතිකාර ලබා ගැනිමට කුඩා ළමුන්  සහ වැඩිහිටියන් දිනපතා විශාල පිරිසක් පැමිණෙන බව බගවන්තලාව දිස්ත්‍රික් රෝහලේ දිස්ත්‍රික් වෛද්‍ය නිලධාරින් එ.එස්.කේ ජයසුරිය මහතා පැවසිය.

වමනය , පාචනය සහ උදරයේ වේදනාව යන රෝග ලක්ෂණ සහිතව එම පිරිස් රෝහලට පැමිණෙන බවත්, ඉන් කිහිපදෙනෙක් රෝහලේ නේවාසිකවද ප්‍රතිකාර ලබන බව දිස්ත්‍රික් වෛද්‍යය නිලධාරිවරයා කියා සිටියේය.

පවතින වියළි කාලගුණයත් සමග තේ වතු අශ්‍රිතව වතු කම්කරුවන් ලබා ගන්නා පානිය ජලය පිරිපහදු නොකර පානය කිරිම නිසා මෙම වෛරසය පැතිර යන්නට ඇති බව වෛද්‍යවරුන් සැකකරයි.

පවතින වියළි කාලගුණය හමුවේ ජලය හොදින් රත් කර නිවා පෙරා පානය කරන ලෙසත් , වැසිකිලි යාමෙන් පසු දැත් සබන් යොදා හොදින් සෝදන ලෙසත් දිස්ත්‍රික් වෛද්‍ය නිලධාරිවරයා ප්‍රදේශවාසින්ගෙන් ඉල්ලා සිටියි.

වෛරසය පැතිර යාම විම හේතුවෙන් රෝහලේ නේවාසිකව ප්‍රතිකාර ලබන රෝගින්ගේ තත්ත්වය බරපතල නොවන බවද දිස්ත්‍රික් වෛද්‍යය නිලධාරිවරයා වැඩි දුරටත් කියා සිටිහ.

– හැටන් රංජිත් රාජපක්ෂ