විශ්වවිද්‍යාලවලින් බිහිවන උපාධිධාරීක් රැකියා වෙළඳපොලට ගැලපෙන්නේ නෑ..- ජනපති 28 වසරක පසු අලුත්ම ඉසව්වුකට අත තියමින් කියයි..

March 6, 2020 at 8:02 am | lanka C news
විශ්වවිද්‍යාලවලින් බිහිවන උපාධිධාරීක් රැකියා වෙළඳපොලට ගැලපෙන්නේ නෑ..- ජනපති 28 වසරක පසු අලුත්ම ඉසව්වුකට අත තියමින් කියයි..

වත්මන් ශ්‍රී ලංකාව මුහුණ දී සිටින ප්‍රධානතම අභියෝගය කඩිනම් ආර්ථික සංවර්ධනයක් අත් කර ගැනීම බවත් පසුගිය කාලයේ අප මුහුණ දුන් ආරක්ෂාව සම්බන්ධ ගැටලු බොහොමයක් උද්ගත වූයේ වරප්‍රසාද රහිත ජන කොටස් ආර්ථික සූරාකෑමට ලක්වීම නිසා බවත් ජනාධිපති ගෝඨාභය රාජපක්ෂ මැතිතුමා කියා සිටී.

ජාතිය, ආගම, භාෂාව හෝ ජීවත්වන ප්‍රදේශය නොසලකා සමාජයේ සියලු දෙනාට සම ආර්ථික ඉඩ ප්‍රස්තා සැලැසිය හැකිනම් මෙවන් භේද යලි ශ්‍රී ලංකාව තුළ මතු නොවනු ඇතැයි එතුමා විශ්වාසය පළකරයි.

තමා යෝජනා කර ඇති ජනතා කේන්ද්‍රීය ආකෘතිය මේ සාධකය සැලකිල්ලට ගෙන සකස් වූවකැයි තොරතුරු සන්නිවේදන තාක්ෂණ නියෝජිතයන් සමග ජනාධිපති කාර්යාලයේ පැවති සංවාදයකදී ජනාධිපතිතුමා සඳහන් කළේය.

“ආර්ථික ප්‍රගතියේ ප්‍රතිලාභ සමාජයේ සියළු දෙනාට, විශේෂයෙන් දිළිඳු ප්‍රජාව වෙත ළඟා වන බවට අප විසින් සහතික කරගත යුතුයි. ඔවුන් දිළිඳු බවින් මුදාගෙන ආර්ථිකයේ සාධනීය දායකයන් බවට පත් කොට ඔවුන්ගේ ජීවන තත්ත්වය කඩිනම් හා තිරසාර ලෙස වර්ධනය කළ යුතුය” ජනාධිපතිතුමා පැවසීය. නවීන ඩිජිටල් යුගයේ අවශ්‍යතාවන්ට සරිලන පරිදි ඉහළ මට්ටමේ නිපුණතාවන්ගෙන් සන්නද්ධ පිරිසක් නිර්මාණය කළ යුතු බව පෙන්වා දුන් රාජපක්ෂ මැතිතුමා තාක්ෂණය පාදක කරගත් ආර්ථිකයක වඩා ප්‍රශස්ත රැකියා අවස්ථා සඳහා අවශ්‍ය නිපුණතා සංවර්ධනය ජනතාවට පහසු කිරීමේ අභියෝගය තම රජය භාරගෙන තිබෙන බවත් කීය.

“අපේ පාසල්, පුහුණු ආයතන හා විශ්වවිද්‍යාලවලින් බිහිවන ශ්‍රම බලකාය සහ රැකියා වෙළඳපොල ඉල්ලුම අතර ඇත්තේ සැලකිය යුතු නොගැලපීමක්. අද තොරතුරු තාක්ෂණ ක්ෂේත්‍රය මුහුණ දී සිටින පුහුණු ශ්‍රමිකයන්ගේ හිඟය එය පෙන්නුම් කරන එක් අවස්ථාවක්. එබැවින් අපේ අධ්‍යාපන පද්ධතියට ආවේණික ගැටලු සඳහා කෙටිකාලීන හා මධ්‍ය කාලීන විසඳුම් සෙවීම හදිසි අවශ්‍යතාවක්”, ජනාධිපතිතුමා පෙන්වා දුන්නේය.

රාජ්‍ය අංශයේ ගුණාත්මක පරිහානිය ගැන සඳහන් කළ ජනාධිපතිතුමා අනවශ්‍ය සීමා ලිහිල් කර හෝ ඉවත් කර බාධා විරහිත ආර්ථික ක්‍රියාකාරීත්වයට ඉවහල් වන පරිසරයක් නිර්මාණය කිරීම තම රජයේ ප්‍රමුඛතාවක් බවත් මේ අරමුණ කරා ළඟාවීම සඳහා නූතන තාක්ෂණය ආර්ථිකයට බද්ධ කළයුතු බවත් පෙන්වා දුන්නේ ය.

කතිකාවට එක් වූ තොරතුරු සන්නිවේදන තාක්ෂණ නිපුණතා කවුන්සිලයේ සභාපති චින්තක විජේවික්‍රම මහතා තොරතුරු තාක්ෂණ ක්ෂේත්‍රය බෙහෙවින් ගතික අංශයක් බවත් වසර 28 කට පසු මේ ක්ෂේත්‍රය ආමන්ත්‍රණය කළ පළමු ජනාධිපතිවරයා ගෝඨාභය රාජපක්ෂ මැතිතුමා බවත් සඳහන් කළේය.

අපගේ මෘදුකාංග සඳහා ලොව පුරා ඉහළ ඉල්ලුමක් පවතින බව පෙන්වා දුන් කවුන්සිලයේ මහ ලේකම් ශාන්ත යාපා මහතා ක්ෂේත්‍රයේ දේශීය ප්‍රවර්ධනයට ප්‍රමුඛතාව දෙන ලෙස ජනාධිපතිතුමාගෙන් ඉල්ලා සිටියේය.

Global Sourcing Association විසින් ශ්‍රී ලංකා මෘදුකාංග සහ සේවා සංගමයට පිරිනමන ලද ‟The Delivery Destination of the Year” සම්මානය සංගමයේ සභාපති රනිල් රාජපක්ෂ මහතා විසින් ජනාධිපතිතුමාට පිළිගන්වනු ලැබීය.

තොරතුරු සන්නිවේදන තාක්ෂණ ක්ෂේත්‍රයේ නියෝජිතයෝ රැසක් සහ ජනාධිපති උපදේශක ලලිත් වීරතුංග මහතා ද කතිකාවට එක්ව සිටියහ.

– ජනාධිපති මාධ්‍ය අංශය

365 views

37 Comments to “විශ්වවිද්‍යාලවලින් බිහිවන උපාධිධාරීක් රැකියා වෙළඳපොලට ගැලපෙන්නේ නෑ..- ජනපති 28 වසරක පසු අලුත්ම ඉසව්වුකට අත තියමින් කියයි..”

  1. Aurora says:

    නමුත් ඔවුන්ට භාෂාවන් පිළිබඳව දැනීමක් තියනවා. ඔවුන් බොහෝ දෙනෙක් හොඳ ආර්ථික තත්වයක් සහ සමාජීය තත්වයක් පවත්වාගනිමින් ජීවත් වෙනවා. නමුත් ඉතිහාසය හෝ භූගෝල විද්‍යාව පිළිබඳව හෝ සමාජ විද්‍යාව ගැන හොඳින් දන්න ඒ විෂයන්ට උපාධි තියන නමුත් ජාත්‍යන්තර භාෂාවන් පිළිබඳව දැනීමක් නැති යටත් පිරිසෙයින් ජාත්‍යන්තර භාෂාවන් 1 හෝ කතාකරන්න බැරි තරුණ ප්‍රජාවක් රැකියා ඉල්ලමින් උද්ඝෝෂණය කරමින් වයසට යමින් ඉන්නවා. වරද කාගේද? පිළිතුර මොකක්ද? පෙන්ෂන් වහලෙක් වීමේ කැමැත්ත නේද මේ?

    • Aurora says:

      ශ්‍රී ලංකාවේ සංචාරක මඟ පෙන්වන්නෝ පිළිබඳව මම ටිකක් දන්නවා. ඔවුන් ඉතිහාසය හෝ භූගෝල විද්‍යාව පිළිබඳව හෝ සමාජ විද්‍යාව ගැන දන්නේ නැහැ. නමුත් ඔවුන්ට භාෂාවන් පිළිබඳව දැනීමක් තියනවා. ඔවුන් බොහෝ දෙනෙක් හොඳ ආර්ථික තත්වයක් සහ සමාජීය තත්වයක් පවත්වාගනිමින් ජීවත් වෙනවා. නමුත් ඉතිහාසය හෝ භූගෝල විද්‍යාව පිළිබඳව හෝ සමාජ විද්‍යාව ගැන හොඳින් දන්න ඒ විෂයන්ට උපාධි තියන නමුත් ජාත්‍යන්තර භාෂාවන් පිළිබඳව දැනීමක් නැති යටත් පිරිසෙයින් ජාත්‍යන්තර භාෂාවන් 1 හෝ කතාකරන්න බැරි තරුණ ප්‍රජාවක් රැකියා ඉල්ලමින් උද්ඝෝෂණය කරමින් වයසට යමින් ඉන්නවා. වරද කාගේද? පිළිතුර මොකක්ද? පෙන්ෂන් වහලෙක් වීමේ කැමැත්ත නේද මේ?

  2. Saradiel says:

    දෙවැනි ලෝක යුද්දයෙන් පසු ජර්මනිය දියුණු උනේ සැම කෙනෙක්ම තමන්ගේ රට වෙනුවෙන් සේවය සේවය කල බැවිනි වැඩි දෙනෙක් තමන්ගේ උපාදිය ගැන බැලුවේ නැහැ.

  3. 77 UNP says:

    කලින් හිටපු මොකෙක් හෝ අධ්‍යාපන ඇමතියෙක් කවකටුවේ තුඩ මොට්ටකලා ළමයි ඇනගන්නව කියල. ඒ මොට්ටයා දන්නේ නැහැ වෘතයක මධ්‍ය ලක්ෂය ස්ථාවරව පිහිටුවන්නේ නැතිව කවකටුව පාවිච්චි කරල වෘතයක් අඳින්න බැහැ කියල. තුඩ නැතිනිසා කවකටුව කොළේ පුරාම යනවා. ඒ වගේමයි බෙදුම් කට්ටත්. තුඩ නැති බෙදුම් කට්ටකින් මොන මිම්මක්ද ගන්න පුළුවන්. කට මිස මොළ නැති අධ්‍යාපන ඇමති. ඒ නිසා විභාගවලට එන අනුමාන ප්‍රශ්ණ වල උත්තර ළමයින්ට උගන්නවල ගොඩ යන ටියුෂන් ගුරුවරු අධ්‍යාපන ඇමතිලා වුණාම වෙන සන්තැසිය තමයි ඒ.

  4. අක්බාර් ලොක්කා says:

    අලයා දැනගෙන කතා කරහං . අක්බාර් ලොක්කත් යාන්තං 8 පාස් කැම්පස් යන්න බැරිවූ එකෙක් බං

  5. Fredrick Rodrigo says:

    Universities and technical colleges must include workplace training for short periods as a part of the education curriculum. Each of the last two years must include a minimum of 3 months in industry to gain industrial experience in the relevant field. Work places need not be asked to pay them during this period.

Main News