වෙනත් පක්‍ෂවල, රටවල ජනාධිපති අපේක්‍ෂක තෝරන්නේ මධ්‍යම කාරක සභාවෙන්.. පොහොට්ටුවේ තෝරන්නේ රාජපක්ෂ පවුලෙන්.. මේක පුදුම වහල්කමක්..
March 21, 2019 at 6:24 am | lanka C news
වෙනත් රටවල නම් ජනාධිපති අපේක්ෂකයන් දේශපාලන පක්ෂ විසින් තෝරාගන්නේ සෙනෙට් සභාවෙන්, මධ්‍යම කාරක සභාවෙන් හෝ උත්තරීතර මණ්ඩලය යන දේශපාලන ආයතන තුළින් බව පාර්ලිමේන්තු මන්ත්රී විජිත් විජයමුණි සොයිසා මහතා පවසයි.
නමුත් පොහොට්ටුවේ ජනාධිපති අපේක්ෂකයා තෝරනු ලබන්නේ රාජපක්ෂ පවුල විසින් බවත් මෙය දැඩි වහල්භාවයක් බවත් ඒ මහතා කියා සිටී.
තමන් නැවත කිසිදිනක රාජපක්ෂ පවුල් සමාගමට වැඩ නොකරන බවත් පවසන ඔහු පසුගියදා මහින්ද රාජපක්ෂ මහතා අගමැති කිරීමට සහාය දැක්වූයේ රාජපක්ෂවරුන්ට කළ අවසාන වැඩ කිරීම වශයෙන් බවත් පවසයි.
ජනහමුවක් අමතමින් පාර්ලිමේන්තු මන්ත්‍රීවරයා මෙම අදහස් පළ කලේය.
214 views
