ශ්‍රි පාද වන්දනා වාරය අවසන්.. සදාතුක කරඩුව, සමන් දේව ප්‍රතිමාව, දේවාභරණ ආපසු වැඩම කෙරේ…

May 19, 2019 at 5:30 pm | lanka C news
ශ්‍රි පාද වන්දනා වාරය අවසන්.. සදාතුක කරඩුව, සමන් දේව ප්‍රතිමාව, දේවාභරණ ආපසු වැඩම කෙරේ…

2018-2019 ශ්‍රි පාද වන්දනා වාරය අද (19) අලුයම ශ්‍රි පාද උඩ මළුවේ පැවති විශේෂ පුජාවන් ගණනාවකින් අනතුරුව අවසන් කල බව ශ්‍රි පාදස්ථානාධිපති බෙන්ගමුවේ ධම්මදින්න නායක ස්වාමින් වහන්සේ පැවසිය.

ශ්‍රි පාද උඩ මළුවේ තැන්පත් කර තිබු සදාතුක කරඩුව , සමන්දේව ප්‍රතිමාවන් සහ දේවාභරණ වලින් කොටසක් රත්නපුර රජ මාවත ඔස්සේ පැල්මඩුල්ල රජමහ විහාරස්ථානය දක්වා වැඩම කිරිම අද උදැසන 7.15 ට ආරම්භ කලා.

තවත් පෙරහැරක් අද පෙරවරුවේ ශ්‍රි පාද උඩ මළුවේ  සිට නල්ලතන්නිය බෞද්ධ මධ්‍යස්ථානය දක්වා ගමන් කර නල්ලතන්නියේ සිට රිය පෙරහැරවල් දෙකක් වශයෙන් ශ්‍රි පාද උඩ මළුවේ සිට නල්ල්තන්නිය දක්වා වැඩ කෙරු  සමන්දේව ප්‍රතිමාව , දේවාභරණ සහ නල්ලතන්නිය බෞද්ධ මධ්‍යස්ථානයේ තැන්පත් කර තිබෙන කරුඩුන් වහන්සේ පැල්මඩුල්ල රජමහවිහාරස්ථානය දක්වා වැඩ කිරිමට නියමිතය.

එක් රිය පෙරහැරක් බගවන්තලාව , බලංගොඩ හරහා පැල්මඩුල්ල රජ මහ විහාරස්ථානය දක්වා  තවත් පෙරහැරක් නල්ලතන්නිය , ලක්ෂපාන , අවිස්සාවේල්ල රත්නපුර හරහා පැල්මඩුල්ල රජමහ විහාරස්ථානය දක්වා වැඩම කිරිමට නියමිතය.

මාර්ග තුනක් ඔස්සේ වැඩම කරවන සදාතුක කරඩුව , සමන් දේව ප්‍රතිමාවන් සහ දේවාභරණ අද රාත්‍රියේ සිට හෙට (20) අලුයම තෙක් පැල්මඩුල්ල රජ මහාවිහාරස්ථානයේ ගමන් මාලිගාව තුල තැන්පත් කර හෙට අලුයම තවත් රිය පෙරහැරක් මගින් එසේ වැඩම වු සදාතුක කරඩුව සමන්දේව ප්‍රතිමාවන් සහ දේවාභරණ පැල්මඩුල්ල ගල්පොත්තාවෙල රජමහ විහාරස්ථානය වෙත වඩම්මවා ශ්‍රි පාද අවාරය අවසන් වන තෙක් එහි තැන්පත් කර තැබේ.

වෙසක් පොහෝ දිනයේ සිල් සමාදන් විම ඇතුළු ශ්‍රි පාද උඩ මළුවේ පැවැත්වු ආගමික වතාවන් වලට සහභාගි විමට දිවියිනේ විවිධ ප්‍රදේශවල සිට විශාල වන්දනාකරුවන් පිරිසක් ශ්‍රි පාද උඩ මළුව වෙත පැමිණ සිටිහ.

6,520 Viewers

One Comment to “ශ්‍රි පාද වන්දනා වාරය අවසන්.. සදාතුක කරඩුව, සමන් දේව ප්‍රතිමාව, දේවාභරණ ආපසු වැඩම කෙරේ…”

  1. Aurora says:

    එහෙම කොහොමද ශ්‍රීපාද වන්දනා වාරය අවසාන කරන්නේ?. ජාත්‍යන්තරය දිනූ අපේ අගමැති තුමා අගෝස්තු වෙනකොට නල්ලතන්නිය, මස්කෙළිය, නොර්ටන්බ්‍රිජ් ප්‍රදේශවලට සංචාරකයෝ ගෙනැල්ල සංචාරක ව්‍යාපාරය දියුණු කරන්න වැඩ පිළිවෙලක් පටන් අරන් තියෙන්නේ. එම සංචාරකයන්ට නවාතැන් ගන්න නල්ලතන්නිය, මස්කෙළිය, නොර්ටන්බ්‍රිජ් ප්‍රදේශවල තරු 3-5 දක්වා හෝටල් කාමර 2000 වත් හදන්න පටන් අරන්. මේ සංචාරකයන්ගෙන් අපට USD බිලියන් 5 කවත් ආදායමක් ලබාගන්න පුළුවන්.එහෙම තියෙද්දී ශ්‍රීපාද වන්දනා වාරය අවසාන කලොත් මහම අපරාදයක්.

Main News