ශ්‍රී ලංකාවේ කාබනික ගොවිතැනට ඔ්නෑම සහයක් දීමට සූදානම්..- යුරෝපා සංගමය

September 24, 2021 at 8:02 am | lanka C news
ශ්‍රී ලංකාවේ කාබනික ගොවිතැනට ඔ්නෑම සහයක් දීමට සූදානම්..- යුරෝපා සංගමය

ශ්‍රී ලංකාවේ කාබනික වගාව සඳහා අවශ්‍ය ඕනෑම සහයෝගයක් ලබා දීමට සූදානමින් සිටින බව යුරෝපා සංගමයේ ශ්‍රී ලංකා නියෝජිත ජෙනි කොරියා නියුනස් (Jenny Correia Nunes) මහත්මිය කෘෂිකර්ම අමාත්‍ය මහින්දානන්ද අලුත්ගමගේ මහතා හමුවේ සඳහන් කළාය.

යුරෝපා සංගමය, ලෝක බැංකුව, ලෝක ආහාර සංවිධානය යන සංවිධානවල නියෝජිතයන් කෘෂිකර්ම අමාත්‍යාංශයේදී කෘෂිකර්ම අමාත්‍යවරයා හමු වූ අවස්ථාවේදී මේ බව සඳහන් කළාය.

“යුරෝපා සංගමයට අයත් රටවල් කාබනික වගාව සඳහා යොමුව සිටිනවා. ශ්‍රී ලංකාවත් ඊට යොමුවීම ඉතා සුභ කටයුත්තක් විදියටයි අප දකින්නේ. එය සාර්ථක කරගන්න අවශ්‍ය උපකාර කරන්න අපි කැමැත්තෙන් ඉන්නවා.” යැයිද නියුනස් මහත්මිය සඳහන් කළාය.

මෙහිදී අදහස් දැක්වු අමාත්‍ය මහින්දානන්ද අලුත්ගමගේ මහතා පෙන්වා දුන්නේ දිවයින පුරා ගොවීන් කාබනික ගොවිතැනට සූදානම්ව කටයුතු කරමින් සිටියදී ඔවුන් තුළ කාබනික පොහොර භාවිතය පිළිබඳ බියක් ඇති කරවීමට සංවිධානාත්මකව පිරිසක් උත්සාහ දරමින් සිටින බවයි.

ජනාධිපති ගෝඨාභය රාජපක්ෂ මහතා කාබනික ගොවිතැන පිළිබඳව එතුමාගේ මැතිවරණ ප්‍රකාශනයේ සඳහන් කරලා තිබෙනවා. ඒ අනුව මේක දැන් රජයේ ප්‍රතිපත්තියක් බවට පත්ව තිබෙනවා. පිළිගත් ටෙන්ඩර් ප්‍රතිපත්තියෙන් පිට මෙරටට ලබා ගෙන ඇති කාබනික පොහොර සාම්පලයක් සම්බන්ධයෙන් පැළැටි නිරෝධායන මධ්‍යස්ථානය නිකුත් කර තිබෙන රසායනාගාර වාර්තාව පදනම් කරගෙන ඇතැම් පිරිස් ගොවී ජනතාව නොමඟ යවමින් වැරදි තොරතුරු සමාජ ගත කරන්න උත්සාහ කරන බවද අමාත්‍යවරයා සඳහන් කළේය.

“ගොවීන් කාබනික ගොවිතැනට සූදානමින් සිටින්නේ. මේ වනවිටත් විශාල ගොවීන් පිරිසක් පෞද්ගලිකව තම වගාවට අවශ්‍ය කාබනික පොහොර නිෂ්පාදනය කර ගැනීමට පෙළඹී සිටිනවා. ගොවීන්ගේ අස්වැන්න ඉහළ නංවා ගැනීමට උපකාරී වන කාබනික නයිට්‍රජන් සහ පොටෑසියම් මෙන්ම දියර පොහෙර සහ කාබනික දිලීරනාශක ආනයනය කිරීමට රජය පියවර ගෙන තිබෙනවා. තේ, පොල්, රබර් ඇතුළු අනෙකුත් බෝග සඳහා ද කාබනික පොහොර ආනයනය කිරීමට රජයේ පොහොර සමාගම් දෙකට අවසර ලබාදී තිබෙනවා.” යැයිද අමාත්‍යවරයා පෙන්වා දුන්නේය.

මෙහිදී ලෝක ආහාර සංවිධානයේ නියෝජිත විම්ලෙන්ද්‍ර සරාන් මහතා අදහස් දක්වමින් මෙම වැඩපිළිවෙල තුළ රටේ ආහාර සුරක්ෂිතතාවය පිළිබඳ අමාත්‍යවරයාගේ අවධානය යොමු කළේය. ලෝක බැංකුවේ නියෝජිත ඇන්ඩෲ ඩී. ගුඩ්ලන්ඩ් මහතා සඳහන් කළේ ලෝක බැංකු ආධාර යටතේ ක්‍රියාත්මක වන ව්‍යාපෘති සාර්ථකව ක්‍රියාත්මක කිරීම පිළිබඳ සතුට පළ කරන බව මෙහිදී සඳහන් කළේය.

ජයසූරිය උඩුකුඹුර
මාධ්‍ය ලේකම්

21,393 views

7 Comments to “ශ්‍රී ලංකාවේ කාබනික ගොවිතැනට ඔ්නෑම සහයක් දීමට සූදානම්..- යුරෝපා සංගමය”

  1. Gamaraala says:

    ……පිළිගත් ටෙන්ඩර් ප්‍රතිපත්තියෙන් පිට මෙරටට ලබා ගෙන ඇති කාබනික පොහොර සාම්පලයක් සම්බන්ධයෙන් පැළැටි නිරෝධායන මධ්‍යස්ථානය නිකුත් කර තිබෙන රසායනාගාර වාර්තාව….????

  2. SAMAN says:

    මෙහිදී අදහස් දැක්වු අමාත්‍ය මහින්දානන්ද අලුත්ගමගේ මහතා පෙන්වා දුන්නේ දිවයින පුරා ගොවීන් කාබනික ගොවිතැනට සූදානම්ව කටයුතු කරමින් සිටියදී ඔවුන් තුළ කාබනික පොහොර භාවිතය පිළිබඳ බියක් ඇති කරවීමට සංවිධානාත්මකව පිරිසක් උත්සාහ දරමින් සිටින බවයි

    මූ කට ඇරියොත් නැටිටෙ ඉඳන් ගොම තමයි.

    • LalithM says:

      මහින්දානන්ද පහකරන්නේ ගොම තමා. කන්නේ තණකොළ බොන්නේ හොඳ පුන්නක්කු. ගෙදර උන්දැත් ඉතින් පලපුරුදු වැස්සියක්. ඒකනේ ඌ ඔය විදිහට හැසිරෙන්නේ.

  3. බූරු පුතානෝ says:

    චීනයේ කකුස්සි වල අසූචි දැනටමත් ලන්කාවට ගෙනැවිත් ඉවර නිසා දැන් අඩු වෙලා තියෙන්නේ යුරෝපයේ අසූචි විතරයි. මුන්ට ඉවත් කරන්නට තැනක් නොතිබුණු නිසා දැන් සල්ලි වලට විකුණා ගන්න අවස්ථාවක් ලැබිලා.

    • නියම කෑම says:

      නෑ නෑ ඔයා ඕනේ මේ හදන හොඳ ඵලදාව හිටගෙන ගන්න. එහෙ තියෙන ජරාව මෙහෙට එවන්න. ලංකාවේ උන්ට ජරාව කවල පුරුදු කරල තියෙන්නෙ. එහේ උන්ට ඒවා පුරුදු නෑ

  4. baමුනා says:

    ගහෙන් ගෙඩි එන්නා වගේ එක පාරටම රටම කාබනික පොහොර කරන්න පුලුවන් කමක් නෑ. අන්තිම්ට වෙන්නේ පෝරනැතුව බඩ ගින්නේ ඉන්න​….

  5. ගෞමි ඊයාරාජ් says:

    අනෙ අපිව අමාරුවෙ දාන්න එපා සර්ලා මඩම්ලා .අපිමොනවද ලියන්නෙ මෙවගෙ අපෙම සර්ලා කිව්වාම .මෙරටෙ මිනිස්සු කොච්චර රසායනික විශ වලින් මලත් මෙ ආන්ඩුවට විරුද්දව අපි පාවිච්චි කරපු ප්‍රදාන සටන් පාටය “අපිට විශ රසායන දියවු “කියල අපෙ කොල අලි සහ සජිත් බබා එක්ක කොහොමශ අපි උද්ගොශන කරන්නෙ.
    මිට දවසට ඩොලර් 10ට ලියන ගෞමි ඊයාරාජ්