ශ්‍රී ලංකාව ඩිජිටල් සංචාරකයින්ට සූදානම් කරයි..

July 12, 2021 at 6:48 pm | lanka C news
ශ්‍රී ලංකාව ඩිජිටල් සංචාරකයින්ට සූදානම් කරයි..

ශ්‍රි ලංකාව ඩිජිටල් සංචාරකයින්ට හිතකර ගමනාන්තයක් ලෙස ප්‍රවර්ධනය කිරීම සඳහා දීර්ඝ කාලීන වීසා බලපත්‍ර කාණ්ඩයක් හඳුන්වාදීම  සහ බදු සහන ලබාදීම සම්බන්ධයෙන් සංචාරක අමාත්‍ය ප්‍රසන්න රණතුංග මහතා අමාත්‍ය මණ්ඩල සංදේශයක් ඉදිරිපත්කොට ඇත.

කොවිඩ් තත්වය හේතුවෙන් ලොව පුරා ගොඩනැගෙන නව සංචාරක අංශයක් ලෙස ඩිජිටල් සංචාරක කර්මාන්තය හැඳින්වෙන අතර ඩිජිටල් සංචාරකයින් ශ්‍රී ලංකාවට ආකර්ෂණය කර ගැනීමට සංචාරක අමාත්‍යාංශය මගින් ක්‍රියාත්මක කෙරෙන ශ්‍රී ලංකා සංචාරක ප්‍රවර්ධන කාර්යාංශය  යෝජනා කර තිබේ.

දැනට අර්බුදයට ලක්ව ඇති සංචාරක කර්මාන්තය නංවාලීම සහ වැඩි විදේශ විනිමය ප්‍රමාණයක් ඉපයීම තුළින් ජාතික ආර්ථිකයට විශාල වශයෙන් දායක වීම සඳහා නව සංචාරක මාර්ගයක් ලෙස  ශ්‍රි ලංකාවද ඩිජිටල් සංචාරක කර්මාන්තය ප්‍රවර්ධනය කිරීමට අපේක්ශා කරන බව සංචාරක අමාත්‍ය ප්‍රසන්න රණතුංග මහතා සඳහන් කරයි.

ජීවනෝපාය සඳහා ඩිජිටල් තාක්ෂණය භාවිතා කරමින් සංචාරකයන් ලෙස සැරිසරමින් ජීවිතය ගතකරන පුද්ගලයින් ඩිජිටල් සංචාරකයින් ලෙස හඳුන්වනු ලැබේ.

ඩිජිටල් සංචාරකයින් බොහෝ විට මූල්‍යමය වශයෙන් ස්ථාවරත්වයක් ඇති ඉහළ මට්ටමේ ස්වයං විශ්වාසයක් සහ විනයක් සහිතව කටයුතු කරනු ලබයි.

මෙම ඩිජිටල් සංචාරකයින් මාස කීපයක්, අවුරුදු ගණනක් ආදී වශයෙන් රට අභ්‍යන්තරයේ රැඳී සිටිම නිසා ඉහළ විදේශ විනිමය ප්‍රමාණයක් රට තුළ සංසරණය කරනු ලබයි.

ඩිජිටල් සංචාරක කර්මාන්තය ප්‍රවර්ධනය කිරීමට ලෝකයේ බොහෝ සංචාරක ආකර්ශණීය රටවල් පියවර ගෙන ඇති අතර තායිලන්තයේ-චියැංමායි, පෘතුගාලයේ-ලිස්බන්  කොලොම්බියාවේ -මෙඩලින් සහ ඉන්දුනීසියාවේ- බාලි යන සංචාරක ආකර්ශණීය ප්‍රදේශ දැනට ඩිජිටල් සංචාරකයින්ගේ ප්‍රකට ගමනාන්ත ලෙස හැදින්වේ.

වසංගත තත්වය හමුවේ සෞඛ්‍යය නියාමනයන්ට අනුකූලව ක්‍රියාත්මක කළ හැකි ප්‍රධාන ප්‍රවර්ධන ක්‍රියාමාර්ග වලින් එකක් ලෙස ඩිජිටල් සංචාරකයින් ආකර්ෂණීය කර ගැනීම හඳුන්වාදිය හැකි අතර ශ්‍රී ලංකා සංචාරක සංවර්ධන අධිකාරිය විසින් තක්සේරු කිරීමෙන් හා නිර්දේශ කිරීමෙන් අනතුරුව ආගමන හා විගමන දෙපාර්තමේන්තුව විසින් මෙම දීර්ඝකාලීන වීසා බලපත්‍ර නිකුත් කිරීම සහ බදු සහන ලබාදීමට පියවර ගනු ඇතැයි සංචාරක අමාත්‍ය ප්‍රසන්න රණතුංග මහතා වැඩිදුරටත් සඳහන් කළේය

– ප්‍රදීප් අනුර කුමාර

20,285 views

5 Comments to “ශ්‍රී ලංකාව ඩිජිටල් සංචාරකයින්ට සූදානම් කරයි..”

  1. නීති විරෝධී ඇමති says:

    20 වැනි ව්‍යවස්ථා සංශෝධනය සමග අමාත්‍යවරුන් දිව්රුම් දී නැති නිසා අගමැති සහ කැබිනට් මණ්ඩලය නීති විරෝධීයි….
    ආචාර්ය පූජ්‍ය ඕමල්පේ සෝභිත හිමි
    (2021.07.12 දිවයින 13 පිටුව)

    • ඩිජිටල් says:

      ඩිජිටල් ඇමති පත් වුණේ 20 න් බව දන්නේ නැද්ද? විමලසිරියි ගොම්බන්පිලගෙයි ඇමති කට්ට 19 න් නිසා වැඩේ අල…

  2. Jude perera says:

    Plastic bola werala balanna wenna athi

  3. Nimal says:

    Digital sancharakayan genwanta kalin crypto currency walata rata hurukaranta

  4. 🤣🤣🤣🤬 says:

    ඩිජිටල් සංචාරකයින්ට හඳුනල දෙන්න
    එරට සිටම ඔවුනට එතැන බලා ගන්න
    දැරියන් නෝට්ටුවලටම විකුණල ඔන්න
    ලමයි දූෂන වුනාම විස්තර බැහැ ගන්න

Main News