ශ‍්‍රිපාද මායිමේ ඉදිකරන හෝටලය කාගේද.. – ශ‍්‍රිපාදස්ථානාධිපති හිමියෝ සියල්ල හෙලි කරති..

October 29, 2016 at 1:02 am | lanka C news
ශ‍්‍රිපාද මායිමේ ඉදිකරන හෝටලය කාගේද.. – ශ‍්‍රිපාදස්ථානාධිපති හිමියෝ සියල්ල හෙලි කරති..

ශ්‍රී පාද පුදබිමට අයත් අක්කර 99 ක භූමිය තුළ කිසිදු සංචාරක හෝටලයක් හෝ නිවාඩු නිකේතනයක් ඉදිනොවන බව ශ්‍රී පාදස්ථානාධිපති සහ ඌව වෙල්ලස්ස විශ්ව විද්‍යාලයේ කුලපති අතිපූජ්‍ය බෙංගමුවේ ධම්මදින්න නාහිමියෝ පැවසූහ.

එළැඹෙන ශ්‍රී පාද වන්දනා සමය සම්බන්ධයෙන් නල්ලතන්නිය ග්‍රාම නිලධාරී කාර්යාලයේ දී මාධ්‍ය දැනුවත් කරන අතරේදී උන්වහන්සේ පෙන්වා දුන්නේ , ශ්‍රී පාද පුදබිමේ හෝටල සංකීරණයක් ඉදිකිරීමට යන බවට සමාජ මාධ්‍ය ඔස්සේ දැඩි ආන්දෝලනයක් ඇතිවී තිබෙන බවය.

ඒ පිළිබඳව සොයා බැලීමේදී දැනගන්නට ලැබුනේ ශ්‍රී පාදස්ථානයට පහළින් ඇති ප්‍රදේශයක පෞද්ගලික සමාගමකට අයත් ඉඩමක සංචාරක නිකේතනයක් ඉදිකිරිම සඳහා අවසරගෙන ඉදිකිරීම් කිරීමට යන බව යැයි කී උන්වහන්සේ එම ඉඩම සහ ශ්‍රී පාදස්ථානය අතර කිසිදු සබඳතාවක් නැතැයි පෙන්වා දුන්හ.

“හැමතැනම සිරිපාදේ නෙවෙයි නේ, මම දෙන්නෙකුට තුන්දෙනෙකුට කිව්වා එහෙනම් මස්කෙළිය නගරයත් ප්‍රශ්නයක් නේ කියලා” යැයි පැවසූ අතිපූජ්‍ය බෙංගමුවේ ධම්මදින්න නාහිමි මහසෝන් කල්ලිය නම් වූ පිරිසක් මෙම අසත්‍ය තොරතුරු පතුරුවා හරින බව කීහ.

– BBC

1,939 views
Main News