ශ‍්‍රී ලංකාවේ FCID නීති විරෝධීයි.. එංගලන්තයේ රැජින නීතීඥ ස්ටීවන් හාර්වී වෘත්තිමය ලෙස කියයි..

June 22, 2018 at 12:02 am | lanka C news
ශ‍්‍රී ලංකාවේ FCID නීති විරෝධීයි.. එංගලන්තයේ රැජින නීතීඥ ස්ටීවන් හාර්වී වෘත්තිමය ලෙස කියයි..

මහා බ්‍රිතාන්‍යයේ ප්‍ර‍වීණ නීති විශාරදයෙකු වන රැජින නීතීඥ (Queen’s Counsel) ස්ටීවන් හාර්වී මහතා, 2018 මැයි 20 වැනිදා නිකුත් කර ඇති විශේෂ මතයෙන් පෙන්වා දී ඇත්තේ, ශ්‍රී ලංකාවේ මූල්‍ය වංචා විමර්ශන අංශය (FCID ආයතනය) පිහිටුවා ඇත්තේ නෛතික බලය ඉක්මවා යෑමෙන් නිසා, එම දෙපාර්තමේන්තුවට නීත්‍යානුකුල පැවැත්මක් නොමැති බවය.

තවද, FCID ආයතනයට කිසිදු පැමිණිල්ලක් විභාග කිරීමට බලයක් නැති බවද ඔහු ප්‍ර‍කාශ කොට ඇත. එපමණක් නොව, දේශපාලකයින් විසින් එම ආයතනයට ලබා දී ඇති පැමිණිළි විභාග කිරීම සදහා එහි නිලධාරීන් අනුගමනය කර ඇති ක්‍රියා පටිපාටියද නීති විරෝධී යයි, හාර්වී මහතා පෙන්වා දි ඇත.

මෙම තත්ත්වය ඔස්සේ, ඉකුත් වසර 3 කට අධික කාලයක් තුළ FCID ආයතනය විසින් පවත්වාගෙන යන ලද කටයුතු සහ ඒවා මෙහෙයවනු ලැබූ පුද්ගලයන් සිදු කොට ඇති කටයුතු සම්පූර්ණයෙන්ම නීති විරෝධී ඒවා බවද, එම ක්‍රියා සදහා ඔවුන් වගකිව ඇති යුතු බවද හාර්වී මහතාගේ මතය හරහා සනාථවී ඇත.

මෙම නීතිමය මතයෙන් පලවී ඇති ආකාරයට මෙවන් නීති විරෝධී ක්‍රියාවල යෙදී ඇති සියලුම නිලධාරීන් සහ දේශපාලඥයන්ට ඉදිරියේදී දැවැන්ත නීතිමය ප්‍ර‍ශ්න සහ අර්බුධ වලට මුහුණ දෙන්නට සිදුවනු නො අනුමාන බවද, හාර්වී මහතාගේ මතය විග්‍ර‍හ කොට ඇති ශ්‍රී ලාංකික නීති විශාරදයන් පෙන්වා දී ඇත.

178 views

17 Comments to “ශ‍්‍රී ලංකාවේ FCID නීති විරෝධීයි.. එංගලන්තයේ රැජින නීතීඥ ස්ටීවන් හාර්වී වෘත්තිමය ලෙස කියයි..”

  1. බබා says:

    මේව ජාත්‍යන්තර කුමන්ත්‍රණ. අපේ රටේ තියෙන නීතිමය ව්‍යුහයක් ගැන පිටරැටියෙකු කොහොමද විග්‍රහ කරන්නෙ.ඔහු ලංකා ව්‍යවස්ථා විශාරදයෙක්ද? FCID යන්න නියමිත හෝ නඩු වැටෙන්න ලඟ කාගෙහරි සල්ලි තමයි ඔය කතාකරන්නෙ.

  2. මේක නිකං ලංකාවෙ ජනාධිපති නීතිඥයෙක් ඉන්දියාවෙ තියෙන ආයතනයක් විවේචනය කරනව වගෙයි. මූ සුද්දෙක් හන්ද බයියන්ට නම් හෙන චූන් ඇති.

Main News