ෂැංග‍්‍රිලා බෝම්බකරුට හමුදාවේ හිස් පතරම් තොග ගන්න ප‍්‍රබල ඇමතියෙක් උදවු දීලා.. බෝම්බ හදා ඇත්තේ ඔහුගේ තඹ ෆැක්ටරියේ..

April 26, 2019 at 3:50 pm | lanka C news
ෂැංග‍්‍රිලා බෝම්බකරුට හමුදාවේ හිස් පතරම් තොග ගන්න ප‍්‍රබල ඇමතියෙක් උදවු දීලා.. බෝම්බ හදා ඇත්තේ ඔහුගේ තඹ ෆැක්ටරියේ..

පාස්කු ඉරිදා දිනයේ කොළඹ ෂැන්ග‍්‍රිලා හෝටලයට එල්ල කළ මරාගෙන මැරෙන ප්‍රහාරයේ බෝම්බකරු වන ඉන්සාෆ් අහමඩ් නැමැත්තා හමුදාවෙන් ඉවත දමන හිස් පතුරම් කොපු තොග ගණනින් ලබාගෙන ඇති බව අද ලංකාදීප පුවත්පත වාර්තා කරයි.

කාර්මික සංවර්ධන මණ්ඩලය හරහා මොහු විසින් මෙම හිස් පතොරම් කොපු තොග ලබාගෙන ඇත්තේ කුඩා ව්‍යවසායකයින්ට අබලි ද්‍රව්‍ය ලබා ගැනීමට පහසුකම යටතේ යැයිද ලංකාදීප පුවත්පත තොරතුරු දැනගැනීමේ පනත යටතේ ලබාගත් තොරතුරුවලින් හෙළි කරයි.

මෙම බෝම්බකරු රුපියල් කෝටි ගණනක් වටිනා හිස් පතරොම් වසර ගණනක් තිස්සේ මිලදී ගෙන ඇත්තේ වැල්ලම්පිටිය ප්‍රදේශයේ ඔහුට අයත් තඹ කර්මාන්තශාලාවේ නිෂ්පාදන කටයුතු වලට යැයි කියමිනි.

පාස්කු ඉරිදා බෝම්බ ප්‍රහාරය සඳහා බෝම්බ නිෂ්පාදනය කළේ ද මෙම තම කම්හලේ බවට ආරක්ෂක අංශ සැකකරයි.

කෙසේ වෙතත්ම මෙම හිස් පතරොම් තොග විට ඔහු විසින් ලබාගෙන ඇත්තේ නියමිත ක්‍රමවේද බැහැරව බවට ද පවසන පුවත් වාර්තාව ඔහුට මෙම පතරොම් මිලදී ගැනීම සඳහා ආණ්ඩුවේ ප්‍රබල ඇමතිවරයෙකු අනුග්‍රහය ලැබී ඇති බවද සඳහන් කරයි.

257 views
Main News