සංචාරකයන්ගෙන් ශ්‍රී ලාංකිකයන්ට හෝ ශ්‍රී  ලාංකිකයන්ගෙන් සංචාරකයන්ට කොරෝනා බෝ වන්නේ නෑ.. අප ඒක බැලන්ස් කරලා තියෙන්නේ..

January 3, 2021 at 3:50 pm | lanka C news
සංචාරකයන්ගෙන් ශ්‍රී ලාංකිකයන්ට හෝ ශ්‍රී  ලාංකිකයන්ගෙන් සංචාරකයන්ට කොරෝනා බෝ වන්නේ නෑ.. අප ඒක බැලන්ස් කරලා තියෙන්නේ..

සංචාරක කර්මාන්තය හා එහි නියුතුවූවන් සම්බන්ධයෙන් විපක්ෂය දෙබිඩි පිළිවෙතක් අනුගමනය කරන බවට සංචාරක ඇමති ප්‍රසන්න රණතුංග මහතා චෝදනා කරයි.

ඔහු පෙන්වා දෙන්නේ මෙරට කොවිඩ් අසාධිතයන් වැඩි වූ විට එය  විපක්ෂයේ අමන්දානන්දයට හේතුවක් වන බවයි. මෙරට කොවිඩ් රෝගීන් වැඩිවෙද්දී විපක්ෂය ඉන් කාළකණ්ණි සතුටක් ලබන බව ද ඇමතිවරයා පෙන්වා දෙයි.

මිනුවන්ගොඩ ප්‍රාදේශීය සභා ශ්‍රවණාගාරයේ දී පසුගිය දා (01) පැවති රැස්වීමකින් අනතුරුව මාධ්‍යවේදීන් නැගු ප්‍රශ්නවලට පිළිතුරු දෙමින් ඇමතිවරයා මේ බව සදහන් කළේය. ඇමතිවරයාගේ ජන්ම දිනය නිමිත්තෙන් තෝරා ගත් පාසල් සිසුන් 100 දෙනෙකුට පාසල් උපකරණ පරිත්‍යාග කිරීම වෙනුවෙන් මෙම උත්සවය සංවිධානය කර තිබුණි.

මෙහි දී වැඩි දුරටත් අදහස් දැක්වූ ඇමති ප්‍රසන්න රණතුංග මහතා මෙසේ ද කීවේය.

“මේ රටේ සංචාරත ව්‍යාපාරයෙන් ඍජුව හා වක්‍රව යැපෙන සංඛ්‍යාව ලක්ෂ 30කට ආසන්නයි. දැන් මාස 09 ක් තිස්සේ මේ අයට කිසිම ආදායමක් නෑ. අපිට පහුගිය කාලේ මේ ක්ෂේත්‍ර යේ නිරත අයගෙන් ලොකු ඉල්ලීමක් තිබුණා. සෞඛ්‍ය මාර්ගෝපදේශ අනුව රට විවෘත කරන්න කියලා. සංචාරක ව්‍යාපාරයට යොදවා තිබු සුඛෝපභෝගී වාහන වල පාරවල් අයිනේ පොල් විකුණනවා, රොටී විකුණනවා අපි දැක්කා. ඒ නිසයි අපි සංචාරකයන්ට රට විවෘත කරන්න තීරණය කළේ. අපි මේ මස අග දී වාණිජ ගුවන් ගමන් සදහා ගුවන් තොටුපළ විවෘත කරන්න සැලසුම් කරලා තියෙනවා. දැන් ක්‍රියාත්මක සංචාරකයන්ට රට විවෘත කිරීමේ නියාමන ව්‍යාපෘතිය ජනවාරි 19 වන විට අවසන් වෙනවා.

මාස 09කට පස්සේ මෙරටට පැමිණි යුක්රේන සංචාරකයන් කීපදෙනෙකුට කොවිඩ් අසාදිත බව තහවුරු වීම පිළිබද ව විපක්ෂය රට තුළ අනියත බියක් ඇති කරන්න උත්සාහ කරනවා. මේ එන හැම සංචාරකයෙක් ම අදාළ රටේ දී පීසීආර් පරීක්ෂාවකට ලක් කරනවා.  එය නෙගටිව් නම් තමයි ඒ අයට සංචාරයට අවසර ලැබෙන්නේ. අපි මේ සංචාරකයන් මෙරටට පැමිණි වහා ම තවත් පීසීආර් පරීක්ෂාවක් කරනවා.තවදුරටත් තහවුරු කරගන්න. එහෙම කරපුවාම තමයි අපිට ඔය කියන ආසාදිතයන් හමුවුණේ. අපිට මේ ගැන පූර්ව සුදානමක් තිබුණා. ඒ නිසා මේ රෝගීන් වාර්තා වු ගමන් අපි සෞඛ්‍ය මාර්ගෝපදේශ අනුව අවශ්‍ය පියවර ගත්තා. මේ එන සංචාරකයන් කිසිසේත්තම ශ්‍රී ලාංකිකයන් සමග මිශ්‍රවීමක් වන්නේ නෑ. මේ හෝටල් සේවකයන් පවා සංචාරකයන් සිටින විටත් ඔවුන් පිටව ගොස් දින 14 ක් ගත වන තුරුත් ගෙදරට යන්නේ නෑ. ඔවුන් දින 14 ක් එම හෝටල් තුළම නිරෝධායනයකින් පසුව පීසීආර් පරීක්ෂාවකින් කොවිඩ් අසාදීත නැතැයි තහවුරු කරගත් පසුවයි නිවෙස් වලට යවන්නේ. ඒ නිසා මේ ගැන බිය විය යුතු නෑ. සංචාරකයන්ගෙන් ශ්‍රී ලාංකිකයන්ටත්, ශ්‍රී  ලාංකිකයන්ගෙන් සංචාරකයන්ටත් මේ රෝගය බෝ වෙන්නේ නෑ. එය පාලනය කිරීමට සෞඛ්‍ය මාර්ගෝපදේශ අනුව අපි  අවශ්‍ය සියලු පියවර අරන් තියෙනවා.

විපක්ෂයට අද ඔළුවක් නෑ. ඒ අය කරන්නේ ආණ්ඩුවට චෝදනා කර කර ඉන්න එක විතරයි. විපක්ෂය කෑ ගහනවා, උද්ඝෝෂණය කරනවා සංචාරක ව්‍යාපාරයේ නිරත අයට සහන දෙන්න ඕනේ, සංචාරක කර්මාන්තය යළි ආරම්භ කරන්න ඕන කියලා. ඒකට ක්‍රමවේදයක් හදලා ආණ්ඩුව වැඩේ පටන් ගත්තාම කොවිඩ් පොකුරු හැදෙනවා, ජාවාරම් කරනවා, රට අනතුරේ දානවා කියලා මොර දෙනවා. විපක්ෂයේ මෝඩ චූන් වලට ජනතාව රැවටෙන්නේ නෑ. සංචාරක කර්මාන්තය ගැන විපක්ෂය අනුගමනය කරන්නේ දෙබිඩි ප්‍රතිපත්තියක්. එක පැත්තකින් සංචාරක ක්ෂේත්‍ර යේ නියුතු වූවන්ට සහන සලසන්න කියලා දැන් කියනවා සංචාරක ගෙන්වන එක නතර කරන්න කියලා.

ඔය සංචාරකයන් ගෙන්නනවා. රට විරුවන් ගෙන්වන්නේ නෑ කියන එකත් පට්ටපල් බොරුවක්. මේ වෙනකොට රජයේ මැදිහත්වීමෙන් විදෙස් ගත ශ්‍රී ලාංකිකයන් 60,000 කට වැඩි පිරිසක් මෙරටට ගෙන්වා තියෙනවා. මේ මාසේ විතරක් 12,500 වැඩි පිරිසක් ගේන්න අපි කටයුතු කරගෙන යනවා. ආණ්ඩුව රට විරුවන් ගෙන්වන්නේ නෑ කියලා විපක්ෂය හදන්නේ ඒකෙන් දේශපාලන වාසි ගන්න. අපි රට විරුවන් රටට ගෙන්වීම කිසිසේත් නතර කරන්නේ නෑ. සංචාරකයන් ගෙන්වීමට සමගාමී ව එම වැඩ පිළිවෙලත් ක්‍රියාත්මකයි. එය කිසිසේත් නතර කර හෝ නතර කරන්නේ නෑ. සංචාරකයන් රටට ගෙන්වීම ආණ්ඩුව ජාවාරමක් බවට පත් කරගෙන ඇතැයි අනුර කුමාර දිසානායක මන්ත්‍රීවරයා චෝදනා කර තිබුණා. අපි අනුර කුමාර දිසානායක වගේ ඩීල්කාරයක් නෙමෙයි ජාවාරම් කරන්න. අපි මේ රට සංචාරකයන්ට විවෘත කරන්න තීරණය කළේ පීඩාවට පත්ව සිටින සංචාරක ක්ෂේත්‍ර යේ නියුතුවූවන්ට කිසියම් අස්වැසිල්ලක් ලබා දීමටයි. හැබැයි ඒක හරහා අපි රටත්, සමස්ථ ජනතාවත් කිසිසේත් අනතුරේ හෙළන්නේ නෑ. රටම අනතුරේ දැමු යහපාලන රජයේ ගැත්තන් මේ බව වටහා ගත යුතුයි.

– ප්‍රදීප් අනුර කුමාර

11,967 views

21 Comments to “සංචාරකයන්ගෙන් ශ්‍රී ලාංකිකයන්ට හෝ ශ්‍රී  ලාංකිකයන්ගෙන් සංචාරකයන්ට කොරෝනා බෝ වන්නේ නෑ.. අප ඒක බැලන්ස් කරලා තියෙන්නේ..”

  1. Chandima says:

    එහෙනම් මොකටද ඇමතිතුමා , යාල සෆාරි රියදුරන් නිරෝධායනයට යැව්වෙ …. https://www.youtube.com/watch?v=gBVKS3Yf0cM

    • Ruhdtug says:

      A safari driver who had turned down the offer to ferry the Ukrainians inside the Yala National Park because of health concerns said others he knew took the hire as they were “paid more for it”. He also said they were informed they would have to complete 14-day quarantine at a hotel after completing the excursion.

  2. Darshana abayakoon says:

    එහෙමයි. ගොබ්බයො රට පාලනය කරනකොට මීට වඩා ලොකු දෙයක් බලපොරොත්තු වෙන්න හොද නෑ.

  3. kavirathna says:

    ජනතාවගේ ඉවසීමෙත් සීමාවක් තියනබව මතක තියාගනින්.

    • බයියා says:

      ජෙප්පොයි ටොයියොයි වියරු වැටිලා..

  4. Rama says:

    Mekage agha lokuyi.mole podiyi

  5. GAMINI SENANAYAKE says:

    Because both(tourist and locals) are allergic each other

  6. Ruwan says:

    Mulinma tho balancewata awidinne igena ganin gon thadiya 😂😂😂

  7. රවින් says:

    Its ok බෙයිබේ. …

  8. To much.over powered

  9. sumudu says:

    මෙයාගේ අයියාත් බැලන්ස් කරගෙන ඉඳලා අන්තිමේදී කෙළියා . මෙයාත් බැලන්ස් කරගෙන ඉඳලා අන්තිමේදී කෙලියි වගේ මේ යන විදිහට .මෙයා දැන් වැඩියෙන් පිනවන්නේ SLFP ඒක . නුවර එළියේ බලේ SLFP එකට ගන්න දොඩම් ට SB එක්ක එකතුවෙලා පාර කැපුවෙත් මෙයා .

  10. Rohitha says:

    Palleha deka balance karanna bari ekaa kohomada mee dee balance karanne??

Main News