සංහිඳියාව අර්ථවත් වන්නේ කතාවෙන් නොව ක‍්‍රියාවෙන්..

June 28, 2017 at 5:30 pm | lanka C news
සංහිඳියාව අර්ථවත් වන්නේ කතාවෙන් නොව ක‍්‍රියාවෙන්..

ශ‍්‍රී ලංකා වෘත්තීය පුහුණු අධිකාරියේ උතුරු පළාතේ පුහුණුව නිමකල වෘත්තීයවේදීන් 717 දෙනෙකුට සහකිතපත‍්‍ර ප‍්‍රධානය කිරීම උතුරු පළාත් ආණ්ඩුකාර රෙජිනෝල්ඞ් කුරේගේ ප‍්‍රධානත්වයෙන් යාපනය වීරසිංහම් ශාලාෙවිදී පැවැත්විනි.

මෙහිදී අදහස් දැක්වූ කුරේ මහතා,

සහතිකලත් සියලූම දරුදැරියන් අනාගතයේ ස්වයං රැකියාවක් ලෙස තමන් හැදෑරූ ශිල්පය අනුව තමන්ගේ රටට, තමන්ගේ ප‍්‍රදේශයට, තමන්ගේ ගමට බරක් නොවී ජීවත් වීමටත් රටටත් ලෝකයටත් වැඩදායී පුද්ගලයින් ලෙස ජීවත්වීමට කටයුතු කිරීමටත් අදිටන් කරගත යුතු බව පැවසීය.

සංහිඳියාව අර්ථවත් වන්නේ කතාවෙන් නොව ක‍්‍රියාවෙන් බව මනාව පැහැදිලි වූ අවස්ථාවක් පසුගිය 25 වනදා උදාවූ බවත් ප‍්‍රකාශ කල ආණ්ඩුකාරවරයා දකුණේ බෞද්ධ භික්ෂූන් වහන්සේලා සියක් නමක් උතුරට පැමිණ යාපනය රෝහලේ නේවාසිකව ප‍්‍රතිකාර ලබන ද්‍රවිඩ ජනතාවට අවශ්‍ය ලේ පරිත්‍යාග කර සංහිඳියාව කතාවෙන් නොව ක‍්‍රියාවෙන් ඔප්පුකර තිබීම ඉමහත් සතුටට කරුණක් බව පැවසීය.

ජාතීන් අතර සමඟිය ඇතිවන්නේ ක‍්‍රියාවෙන් මිස කතාවෙන් නොවන බවත් අද උතුරටට අවශ්‍යවී ඇත්තේ එවැනි ක‍්‍රියාදාමයක් බවත් ඔහු පැවසීය.

– වජිර කොඩිතුවක්කු

95 views
Main News