සජිත්ගෙන් ෆොන්සේකාට දාර ලණුවක්.. ෆොන්සේකා ගිලගෙන ගිලගෙන යයි..

November 4, 2019 at 11:20 am | lanka C news
සජිත්ගෙන් ෆොන්සේකාට දාර ලණුවක්.. ෆොන්සේකා ගිලගෙන ගිලගෙන යයි..

ජනාධිපති අපේක්ෂක සජිත් ප්‍රේමදාස මහතා විසින් පාර්ලිමේන්තු මන්ත‍්‍රී සරත් ෆොන්සේකා මහතාට කැරට් අලයක් දී ඔහු නිහඬ කරවා ගෙන ඇති බව පාර්ලිමේන්තු මන්ත්‍රී උදය ගම්මන්පිල මහතා සඳහන් කරයි.

සජිත් පේ‍්‍රමදාස මහතා ජනාධිපති වූ පසු ආරක්ෂක ඇමැති ධුරය සරත් ෆොන්සේකා මහතාට දෙන බවට කළ ප්‍රකාශයෙන් ෆොන්සේකා මහතා ප්‍රීතියෙන් සිටින බවද මන්ත්‍රීවරයා සඳහන් කළේය.

නමුත් ආණ්ඩුක‍්‍රම ව්‍යවස්ථාව අනුව කිසිසේත්ම ආරක්ෂක ඇමතිධූරය වෙනත් කිසිවකුට ලබාදිය නොහැකි බව පැවසූ මන්ත්‍රීවරයා ව්‍යවස්ථානුකූලව ආරක්ෂක ඇමති ධූරයක් අනිවාර්යෙන්ම ජනාධිපතිවරයා ළඟ තබා ගත යුතු බවද කියා සිටියේය.

එනිසා කිසිසේත්ම සරත් ෆොන්සේකා මහතාට ආරක්ෂක ඇමති වීමට ඉඩ නොලැබෙන බවත් ඔහුට ලබාදී ඇත්තේ කැරට් අලයක් පමණක් බවත් මන්ත්‍රීවරයා සඳහන් කළේය.

රාජපක්ෂ මහතා වෙනුවෙන් පැවති ජනාධිපතිවරණ රැළියක් අමතමින් ඔහු මෙම අදහස් පල කරන ලදී.

57 views

21 Comments to “සජිත්ගෙන් ෆොන්සේකාට දාර ලණුවක්.. ෆොන්සේකා ගිලගෙන ගිලගෙන යයි..”

  1. Ariyathilaka says:

    19 වන ආණ්ඩුක්‍රම ව්‍යවස්ථා සංශෝධනය අනුව, පාර්ලිමේන්තු මන්ත්‍රී උදය ගම්මන්පිල මහතාගේ ප්‍රකාශය එකී ලෙස වන්නේ නැත.
    19 වන ආණ්ඩුක්‍රම ව්‍යවස්ථා සංශෝධනයේ 51 වගන්තියේ
    .”ආණ්ඩුක්‍රම ව්‍යවස්ථාවේ පටහැනිව කුමක් සදනක් වුවද මේ පනත ආරම්භ වන දිනයේදී ජනාධිපතිවරයා ලෙස ධූරය දරණ තැනැත්තා එසේ ජනාධිපතිධූරය දරණ තාක් කල් රාජ්‍ය ආරක්ෂාව. මහවැලි සංවරධන සහ පරිසර යන විෂය සහ ඒවායේ කර්තව්‍ය තමන්ගේ භාරය වෙත පවරා ගැනීමද එකී කාර්ය සදහා ඔහු වෙත පවරා ගත යුතු අමාත්‍යංශ තීරණය කරනු ලැබීමද කළ හැකි අතර ඒ අනුව එකී විෂය හෝ කර්තව්‍ය පවරනු ලැබ ඇති අමාත්‍යවරයාට යම් ලිඛිත නීතියක කරනු ලබන යම් සදහනක්, ජනාධිපතිවරයාට කරනු ලබන සදහනක් ලෙස කියවා තේරුම් ගනු ලැබිය යුත්තේය.”
    යනුවෙන් ව්‍යවස්ථා සංශෝධනය වී ඇත. මෙකී සංශෝධනය අනුව මෙකී වගන්තිය ප්‍රකාර බලය, වලංගු වන්නේ මෙකී වගන්තිය ඇතුලත් සංශෝධනය ආරම්භ වන දිනයේදී ජනාධිපතිවරයා ලෙස ධූරය දරණ තැනැත්තා ධුරය දරණ තාක් කල් පමණි. ඉදිරි ජනාධිපතිධූරයන්ට මෙය වලංගු වන්නේ නැත.
    එය පැහැදිලිව ම “ආණ්ඩුක්‍රම ව්‍යවස්ථාවේ පටහැනිව කුමක් සදනක් වුවද මේ පනත ආරම්භ වන දිනයේදී ජනාධිපතිවරයා ලෙස ධූරය දරණ තැනැත්තා එසේ ජනාධිපතිධූරය දරණ තාක් කල්…
    යනුවෙන් සදනක් කර තිබීමෙන් එය පැහැදිලිය.

    • Ariyathilaka says:

      වත්මන් ජනාධිපතිවරයාගෙන් පසු ඉදිරියට ජනාධිපතිධූරයට පත් වන ජනාධිපතිවරයන්ට තම අභිමතය අනුව, රාජ්‍ය ආරක්ෂාව, මහවැලි සංවරධන සහ පරිසර යන විෂය සම්බන්ධ ආමාත්‍යධූර ජනාධිපතිවරයා යටතේ තබා ගත යුතුය යන නියමයක් නැත. පාර්ලිමේන්තුවේ ඕනෑම මන්ත්‍රීවරයකුට ඒ විෂයන්ට අදාලව අමාත්‍ය ධූර ආණ්ඩුක්‍රම ව්‍යවස්ථාවේ 43 (1),(2),(3) සහ 44 (1),(2),(3),(4),(5),සහ 45 (1), (2) යන ව්‍යවස්ථා අනු ව්‍යවස්ථා වල විධිවිධානයන් අනුව පිරිනැමිය හැක. පත් කළ හැක. දැරිය හැක.

Main News