සජිත්ගේ කතා 60 දශකයටත් වඩා පසුගාමීයි.. ඔහු මෛත‍්‍රී පන්නයේම පොඩි මොඩල් එකක්.. ඔහුට රාජපක්‍ෂලා පරදවන්න බෑ..- එජපයේ සජිත් විරෝධය වැඩේ..

July 4, 2019 at 10:00 am | lanka C news
සජිත්ගේ කතා 60 දශකයටත් වඩා පසුගාමීයි.. ඔහු මෛත‍්‍රී පන්නයේම පොඩි මොඩල් එකක්.. ඔහුට රාජපක්‍ෂලා පරදවන්න බෑ..- එජපයේ සජිත් විරෝධය වැඩේ..

එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස මහතා මීළඟ ජනාධිපතිවරණයට එක්සත් ජාතික පෙරමුණේ අපේක්ෂකයා වීමට ඉදිරිපත් වී ඇති යෝජනාව සම්බන්ධයෙන් එම නායකයන් හා හිතවාදීන් අතර බෙදීමක් හටගෙන තිබේ.

මේ වනවිටත් එජාප උප නායක රවී කරුණානායක මහතා විසින් සජිත් ප්‍රේමදාස මහතා සම්බන්ධයෙන් ප්‍රසිද්ධියේ විරෝධය දක්වමින් සිටි ඔහු සඳහන් කර ඇත්තේ ජනාධිපති කල යුත්තේ අවම තරමින් ලංකාවේ සාමාන්‍ය පෙළ සමත් වූ පුද්ගලයෙකු විය යුතු බවයි.

සජිත් ප්‍රේමදාස මහතා ජාත්‍යන්තර හා ජාතික මට්ටමින් ඉතා ප්‍රාථමික මට්ටමේ සිටින නිසා ඔහු ජනාධිපතිවරණ අපේක්ෂකයා කළ හොත් සතියක් දෙකක් යන විට ඔහු සමාජය හමුවේ සමච්චලයට ලක් වනු ඇති බව තවක් පිරිසක් අදහස් කරයි.

සජිත් ප්‍රේමදාස මහතා අද දක්වමින් සිටින අදහස් 60 හෝ 70 ද දශකවල දේශපාලඥයෙකු විසින් දක්වන ලද අදහස් වලටද වඩා පසුගාමී අදහස් බවද ඔවුන් චෝදනා කරති.

මේ අතර එජාප හිතවාදියෙකු සිය ෆේස්බුක් ගිණුමේ සටහනක් තබා ඇත්තේ සජිත් පේ‍්‍රමදාස යනු වත්මන් ජනපති මෛත‍්‍රිපාල සිරිසේන පන්නයේම ඊටද වඩා පොඩි මොඩල් එකක් බවයි.

ඔහුට කිසිසේත්ම ජනාධිපතිවරණය ජයගත නොහැකි බවත් රාජපක්‍ෂවරුන් නතු කරගෙන සිටින සිංහල බෞද්ධ ඡුන්ද පදනම ආකර්ශණය කර ගැනීමටද ඔහු අසමත් වනු ඇතැයිද සදහන්ය.

121 views
Main News