සජිත්ගේ ජනාධිපතිවරණ ව්‍යාපාරය රනිල් තමන් අතට ගනී..

November 2, 2019 at 3:00 pm | lanka C news
සජිත්ගේ ජනාධිපතිවරණ ව්‍යාපාරය රනිල් තමන් අතට ගනී..

නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාසගේ මැතිවරණ ව්‍යාපාරය සියතට ගනිමින් අග්‍රාමාත්‍ය රනිල් වික්‍රමසිංහ ප්‍රජාතන්ත්‍රවාදී ජාතික පෙරමුණ ස්ථාපිත කරමින් මැතිවරණ ව්‍යාපාරය මෙහෙයවීමට තීරණය කර ඇත.

ප්‍රජාතන්ත්‍රවාදී ජාතික පෙරමුණ සමග දේශපාලන පක්ෂ, ස්වේච්ඡා සංවිධාන, වෘත්තීය සමිති 47ක් පසුගිය සිකුරාදා ගිවිසුම්ගත විය.

ප්‍රජාතන්ත්‍රවාදී ජාතික පෙරමුණේ නායකයා ලෙස අග්‍රාමාත්‍ය රනිල් වික්‍රමසිංහ කටයුතු කරන අතර මහ ලේකම් ලෙස සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න කටයුතු කරයි.

එක්සත් ජාතික පක්ෂය, ශ්‍රී ලංකා මුස්ලිම් කොංග්‍රසය, සමස්ත ලංකා මුස්ලිම් කොංග්‍රසය, දෙමළ ප්‍රගතිශීලී සන්ධානය ඇතුළු දේශපාලන පක්ෂ, ස්වේච්ඡා සංවිධාන වෘත්තීය සමිති මෙම අවබෝධතා ගිවිසුමට අත්සන් කරන ලදී. ශ්‍රී ලංකා නිදහස් පක්ෂය වෙනුවෙන් පාර්ලිමේන්තු මන්ත්‍රී රුවන් රණතුංග ගිවිසුමට අත්සන් කළ අතර එම පක්ෂයේ ආසන සංවිධායකවරු 40ක් පමණ මෙම අවස්ථාවට එක්ව සිටියහ. මෙම පිරිස හිටපු ජනාධිපතිනි චන්ද්‍රිකා බණ්ඩාරනායක මෙහෙයවයි.

නව ප්‍රජාතන්ත්‍රවාදී පෙරමුණේ ජනාධිපති ධුර අපේක්ෂක සජිත් ප්‍රේමදාසගේ මැතිවරණ ප්‍රචාරක රැලිවලට හිටපු ජනාධිපතිනියද එක්වන අතර ඇය වෙනම ප්‍රචාරක වැඩපිළිවෙළක්ද ආරම්භ කිරීමට නියමිතය.

මේ අතර අවබෝධතා ගිවිසුම අත්සන් කිරීමේ අවස්ථාවට අමාත්‍ය පාඨලී චම්පික රණවක ප්‍රමාද වී පැමිණීම කාගේත් අවධානයට ලක්විය. අවබෝධතා ගිවිසුම නොලැබීම නිසා එය අධ්‍යයනය කිරීමට කාලයක් නොමැති නිසා මෙම උත්සවයට සහභාගි වීම ප්‍රමාද වූ බව වාර්තා වෙයි.

උදයජීව ඒකනායක
– aruna

80 views

6 Comments to “සජිත්ගේ ජනාධිපතිවරණ ව්‍යාපාරය රනිල් තමන් අතට ගනී..”

  1. Don says:

    සජින් ද වාස් ගුණවර්ධන + මර්වින් සිල්වා + රවුෆ් හකීම් + චන්ද්රිකා කුමාරතුංග + අග්‍රාමාත්‍ රනිල් වික්රමසිංහ ….. වඳුරන් සහ රිලවුන් + හරක්
    ජයග්රහණය මේ වන විට ස්ථිර වී ඇති බව !

  2. gamarala says:

    අන්තිමට රයිගමයා සහා ගම්පලයා

  3. උපාසක says:

    තිබුන චන්ද ටිකත් ඉවරයි..

  4. සරා says:

    සජිත් ගන්නේ 38%යි.‌ෙගෝඨා 56%යි

    • Spirit says:

      සජිත්ගේ පියා සහ බටලන්දේ වාදකයාගේ පැටිකිරිය කියවා ජන්දෙට ප්‍රථමයෙන් රටේ මහාපරිමාණයෙන් සිදුවූ විශාල මිනීමැරුම් අපරාධ ගැන කරුණු දැන ගන්න ….මෙවර ප්‍රථම වරට ජන්දය දෙන තරුණ තරුණියනි මේ දේශපාලුවන්ගේ බොරු චාටු බස් වලට නොරැවටී ඔවුන්ගේ කෙරුවාව ගැන අධ්‍යනය කරන්න
      ඔබේ වටිනා ජන්දය අපතයන්ට ලබා දීමෙන් වලකින්න ..අපේ රට අද පවතින්නේ විශාල අනතුරක එය රැකගැනීමට නම් සිංහල ජනතාව බුද් ධිමත්ව කටයුතු කල යුතුයි ..දේශපාලුවන්ගේ මුදලට අරක්කු බෝතල් වලට බත් පාර්සල් තෑගිබෝග වලට රට ජාතිය පාවා නොදෙන්න
      යහපාලනය කල විනාශය දෙස බලන්න ..සජිත් ,රනිල් ,අනුර වැනි කපටි දේශපාලුවන්ට නොරැවටෙන්න

  5. Vinuki says:

    කපටි නරි හිනාවෙන් පෙනෙන ඉදිරි රටට වන අනතුර දකිමු.ඔබේ ජන්දයත් ගෝඨාභයට ලබා දෙන්න.

Main News