සජිත් ජනහමු 140ක් අමතා ජනාධිපතිවරණ පරාජය ලක්ෂ 14 කින්.. ජනහමු 1000ක් අමතා මෙවර මැතිවරණයේ පරාජය ලක්‍ෂ 30කින්..

June 25, 2020 at 4:40 pm | lanka C news
සජිත් ජනහමු 140ක් අමතා ජනාධිපතිවරණ පරාජය ලක්ෂ 14 කින්.. ජනහමු 1000ක් අමතා මෙවර මැතිවරණයේ පරාජය ලක්‍ෂ 30කින්..

රට තුළ ඇතිවූ ත්‍රස්තවාදී හා කොවිඩ් 19 වසංගතය යන අර්බුදයන් දෙකෙන්ම රටත්, ජනතාවත් ආරක්ෂා කරමින් එය ජයග්‍රහණය කිරීමට හැකිවූයේ රාජපක්ෂවරුන්ගේ නායකත්වයෙන් බව හිටපු ප්‍රජා සංවර්ධන රාජ්‍ය අමාත්‍ය නිමල් ලාන්සා මහතා පැවසීය.

හිටපු අමාත්‍යවරයා මෙම අදහස් පළ කර සිටියේ මහර පැවති ජනහමුවකට සහභාගි වෙමිණි.

දැන් එළෙඹ තිබෙන්නේ කොවිඩ් 19 වසංගත තත්ත්වය හේතුවෙන් ඇති වී තිබෙන ආර්ථික අර්බුදය ජය ගැනීමයි. ආනයන සීමා කරමින් දේශීය ආර්ථිකය පදනම් කර ගත් ආර්ථික සංවර්ධන වැඩපිළිවෙලක් ජනාධිපති ගෝඨාභය රාජපක්ෂ මහතා විසින් ක්‍රියාවට නංවා තිබෙනවා. රටත් ජනතාවත් ආරක්ෂා කරමින් ආර්ථික අර්බුදයද රාජපක්ෂවරුන්ගේ නායකත්වය යටතේ ජය ගත හැකි බව නිමල් ලාන්සා මහතා පැවසීය.

එළබෙන මහ මැතිවරණයේදී සමගි ජන බලවේගය ඇතුළු විපක්ෂයේ බොහෝ කණ්ඩායම් ලබන දරුණු පරාජය කල් තියා අවබෝධ වූ නිසා මැතිවරණය කල් දමා ගැනීමට විවිධ උත්සහ දැරුවද ජනතාවගේ ප්‍රජාතන්ත්‍රවාදී අයිතිය ආරක්ෂා කරලීම වෙනුවෙන් අධිකරණය අදාළ පෙත්සම් විභාගයට නොගෙන නිෂ්ප්‍රභා කිරීමත් සමගම සජිත් ප්‍රෙමදාස ඇතුළු කණ්ඩායම් අකමැත්තෙන් මැතිවරණයට පිවිස තිබෙන බව නිමල් ලාන්සා මහතා පැවසීය

ජනාධිපතිවරණයේදී ජන රැළි 140 ක් ඇමතීමෙන් ජන්ද ලක්ෂ 14 කින් පරාජයට පත්වූ අතර මහ මැතිවරණයේදී ජන රැළි 1000 ක් ඇමතීමට යාමෙන් සජිත් ප්‍රෙමදාස මහතාගේ සමගි ජන බලවේගය ලක්ෂ 30 කින් පමණ පරාජයට පත් වනු ඇත. රට තුළ ප්‍රායෝගිකව ක්‍රියාත්මක කළ නොහැකි පොරොන්දු ලබා දෙමින් රටට විහිළු සපයන නායකයකු බවට පත්ව තිබෙන බව නිමල් ලාන්සා මහතා මෙහිදී පැවසීය.

ජනාධිපති ගෝඨාභය රාජපක්ෂ මහතා විසින් ඉදිරිපත් කළ රට හදන සෞභාග්‍යයේ දැක්ම ප්‍රතිපත්ති මාලාව ක්‍රියාත්මක කරලීම සදහා අවශ්‍ය අති බහුතරයකින් යුතු පාර්ලිමේන්තුවක් තෝරා පත් කරලීමට ජනතාව පෙළ ගැසි සීටින බව නිමල් ලාන්සා මහතා මෙහිදී වැඩිදුරටත් පැවසීය.

– media unit

238 views
Main News