සජිත් පිලේ ඩබල්ගේම්කාරයෝ.. උඩින් සජිත්ට යටින් රනිල්ට.. චරපුරුෂයන් තැන තැන..

September 12, 2019 at 10:00 am | lanka C news
සජිත් පිලේ ඩබල්ගේම්කාරයෝ.. උඩින් සජිත්ට යටින් රනිල්ට.. චරපුරුෂයන් තැන තැන..

එක්සත් ජාතික පක්ෂ නියෝජ්‍ය නායක සජිත් ප්‍රේමදාස මහතා ට ජනාධිපති අපේක්ෂකත්වය සහ ජනාධිපතිවරණයේ ජයග්‍රහණය අත් කර දෙන ලෙස ඉල්ලමින් දෙවොල් දෙවියන් ගේ දේවාශීර්වාදය පතා සංවිධානය කරන ලද පාගමන කඩාකප්පල් කිරීමට බළපිටියේ එක්සත් ජාතික පක්ෂයේ ප්‍රබලයන් කටයුතු කල බවත් ඒ සදහා ගාල්ල දිස්ත්‍රික්කයේ ඇතැම් එජාප ප්‍රධානීන්ගේද සහය ලැබුණ බවත් රුහුණු ජාතික බලවේගය සහ ගාලු ජාතික සංගමයයේ ප්‍රධාන ලේකම් ප්‍රවීණ මාධ්‍යෙව්දී අහුන්ගල්ලේ දේ සු ද සොයිසා මහතා ප්‍රකාශ කළේය.

සජිත් ප්‍රේමදාස මහතායට දේවාශිර්වාදය පතා පැවති පාගමනට ආරම්භයේදී 17 දෙනෙක් සහභාගී වූ බවත් එම සංඛ්‍යාව 07 ක් ලෙස ඇතැම් මාධ්‍ය වාර්තාවල පල වූ පුවත සාවධ්‍ය බවත් ඒ මහතා අවධාරණය කළේය. මෙම පාගමන 10 පෙරවරු 6.35 ට අහුන්ගල්ලෙන් ආරම්භ කෙරුණි.

පාගමනට ඉතා අඩු පිරිසක් සහභාගී වීම සම්බන්ධයෙන් ඒ මහතාගෙන් විමසූ විට එසේ ප්‍රකාශ කල අහුන්ගල්ලේ දේ සු ද සොයිසා මහතා මෙසේද කීය.

එක්සත් ජාතික පක්ෂ නියෝජ්‍ය නායක සජිත් ප්‍රේමදාස මහතා ට ජනාධිපති අපේක්ෂකත්වය සහ ජනාධිපතිවරණයේ ජයග්‍රහණය අත් කර දෙන ලෙස ඉල්ලමින් දෙවොල් දෙවියන් ගේ දේවාශීර්වාදය ලබා ගැනීමට බාරයක් වීම සදහායි පාගමනින් ගියේ. පාගමන ‘සජිත් සමග අපි’ රුහුණු ජාතික බලවේගය සහ ගාලු ජාතික සංගමය සංවිධානය එක්ව සංවිධානය කළා. ඒ සදහා අපි බලාපොරොත්තු වුණ සම්පූර්ණ සංඛ්‍යාව 25 යි. පොස්ටර් ගහල දැන්වීම් ප්‍රදර්ශණය කරල අපි පාක්ෂිකයින්ට එන්න කිව්වේ තෙල්වත්තේ බාමියන් බුද්ධ ප්‍රතිමාව ලගටයි. අපි පාගමන අහුන්ගල්ලෙන් ආරම්භ කරන්න බලාපොරොත්තු වුණේ පෙරවරු 6.00 යි. නමුත් පිරිස ප්‍රමාද වීම නිසා 6.35 වුණා. බාමියන් බුද්ධ ප්‍රතිමාව ලග ආගමික කටයුතු කරල දවල් 12.00 ට පෙර දේවාලයට යන්න සැලසුම් කළා. උදේ පාගමන ආරම්භ කරන්න ප්‍රමාද වුණ නිසා, වෙලාවට යන්නයි, ත්‍රීරෝද රථවලින් ගියේ.

සජිත් ප්‍රේමදාස මහතාට ඥාතිකම් තිබෙන බළපිටිය ප්‍රාදේශීය සභා මන්ත්‍රී එම් ඩබ්ලිව් සෙනරත් මහත්මයා පාගමනට අවශ්‍ය කටවුට් ගහල දෙන්නම් කියල බාරගත්තා. නමුත් ඔහු වෙනත් අයෙකු අතේ බැනර් එකක් විතරක් එවල තිබුණ. සීනිගම දේවාලයට පාගමන ලංවෙන විට පිරිස 100 ක් පමණ හිටියා. ඒ වෙලාවේ සෙනරත් මහත්මයා පාගමනට එකතු වෙලා මාධ්‍යට ප්‍රකාශයකුත් දුන්නා. ඒ නිසා මහජනතාව හිතන්නේ සෙනරත් මහත්තයා පාගමන සංවිධානය කළා කියල.

බළපිටියේ එජාප ප්‍රබලයෝ පාගමන කඩාකප්පල් කරන්න මුල ඉදන්ම කටයුතු කළා. පාගමනේ යන්නේ කව්ද බලන්න තැන් තැන්වල චරපුරුෂයෝ දාල තිබුණ. බොහෝ අයට දුරකතන ඇමතුම් දීල පාගමනට එකතු වෙන්න එපා කියල බලපෑම් කරල තිබුණා. ගාල්ල දිස්ත්‍රික්යේ එජාපයේ ප්‍රබලයෝ කීප දෙනෙකුත් ඔවුන්ට උදව් කරල තිබුණා. සජිත් ප්‍රේමදාස මහත්තයට අපේක්ෂකත්වය දෙන්න ඕනෑ කියල මේ අය හැම තැනම වොයිෂ් කට් දෙනවා. අපිට වැඩ කරන්න වෙලා තිබෙන්නේ ඩබල් ගේම් කාරයෝත් එක්ක යැයිද ඒ මහතා වැඩිදුරටත් ප්‍රකාශ කළේය.

– ජයකාන්ත ලියනගේ

39,029 Viewers

12 Comments to “සජිත් පිලේ ඩබල්ගේම්කාරයෝ.. උඩින් සජිත්ට යටින් රනිල්ට.. චරපුරුෂයන් තැන තැන..”

  1. ක්‍රිමිනල් says:

    සජිත් ඉල්ලුවොත් ගෝඨාභය මහතා උඩින්ම දිනුම්.

  2. අංකූරා says:

    සජිත් ආවොත් රට ගොඩ යන කතා පට්ට කෙබර තමයි , ඒත් මේ යක්කු සජිත්ව උලාකන එක නම් හොඳයි කියන්න බෑ !!. මුං කොච්චර කුහකයොද කියලා දැන් තේරෙනවා !!!.

  3. Saradiel says:

    මුන් සේරම අනගාරික තුමා කියාපු කලු සුද්දෝ රටට ජාතියට ආගමට වින කරන හැත්ත

  4. Ariyathilaka says:

    නිරිදුන් දෙවන පෑතිස් රජ පෙර දවසේ,
    මුනිදම් වැළැද ගත්තා එක සිත් සතොසේ,
    අරහත් මිහිදු මාහිමි දුන් මග විලසේ,
    හෙළදිව සසුන් කෙත වැඩුවා උතුමකු සේ

    පෙර රජ ඇමති මැති සිටුවරු කර නන්දා,
    වර මුනි සසුන රැකදුනි දාගැබ් බන්දා,
    අද රට පාලනය කරනා මැති සන්දා,
    මිසදිටු දෙවොල් තුල වැදහෙති කර නින්දා

    • අපූරු කවි පෙළ..
      ලක් දීපයේ හැම හෙළයාම මහාවංශය කියවා තේරුම් ගන්නවා නම්…මේ කරන බහු රූ කෝළම් සියල්ලම නවතා දමනවා සිකුරුයි..

  5. UNP-GALIBBA says:

    පිස්සුද සජිත් නැගලා යනවා මගදී පුකබිම ඇනගන්නවා නමුත් රනිල් සුපිරි මොල කාරයා පක්‍ෂයෙන් සජිත්ව එලවාදමන්න නියම මර උගුල​?????

  6. Hambababa says:

    සජිත් ට ඔය පැත්තෙ නෑයො ඉන්නවද ?

  7. Sun says:

    Sajith does not know what to do. He is not a professional politician, just following the old style of politics. Learned some heard skills from his father but cannot run a country with a creative mind. He was just playing hide and seek games in primary school time and nothing beyond that learning. The world is very dangerous and full of dirty political games from so called human rights providers. Rights are covered and heads are blowing with money making techniques round the world. No one to trust in the world now especially in Sri lankan politics.

  8. jony says:

    සජිත් පිල පරද්දන්න ප්‍රධාන වශයෙන් ඉන්නේ සජිත් . මොකද ඒ මනුස්සයා කියනා ගොන් කතා වලට පැරදෙන එක අරුමයක් නෙවෙයි .

Leave a Comment

Main News