සපුගස්කන්ද වහනවා.. ගෑස් ගේන්න සල්ලි නෑ.. හාල් පෝලිම් එනවා.. සල්ලි අච්චු ගහලා ලංකව සිම්බාවේ වගේ වෙලා..

November 13, 2021 at 3:50 pm | lanka C news
සපුගස්කන්ද වහනවා.. ගෑස් ගේන්න සල්ලි නෑ.. හාල් පෝලිම් එනවා.. සල්ලි අච්චු ගහලා ලංකව සිම්බාවේ වගේ වෙලා..

මේ රටේ ජනතාවගේ ගැටළු වලට  මුදල් අමාත්‍යවරයා පාර්ලිමේන්තුවේදි ඉදිරිපත් කල 2022 අයවැයෙන් කිසිදු විසදුමක් ලැබි නොමැති බව කොළඹ දිස්ත්‍රික් පා.ම පාඨලි චම්පික රණවක (ජාතික සමගි ජනබලවේගය) මහතා පැවසිය.

පාඨලි චම්පික රණවක මහතා ඒ බැව් (13) දින කියා සිටියේ 43 වන සේනාංකය නුවරඑලිය දිස්ත්‍රික්කය හදුන්වා දිමේ උත්සවයක් හැටන් පෞද්ගලික උත්සව ශාලාවකදි පැවති අවස්තාවේදිය.

මෙහිදි වැඩි දුරටත් අදහස් දැක් වු පාඨලි චම්පික රණවක මහතා මෙසේ පැවසිය.

මේ රට පෙලෙන ප්‍රධාන ගැටළුව ණය ආපසු ගෙවිමට නොහැකි විම පිලිබද ගැටළුව  , ඩොලර් හිගය , මේ නිසා ඇති වෙලා තියෙන තත්ත්වය සම්බන්ධයෙන් කිසිදු දෙයක් බැසිල් රාජපක්ෂගේ කතාවේ ඇතුලත් වෙලා තිබුණේ නැ.

අද මොකද වෙලා තියෙන්නේ ? කිරිපිටි , ගැස් , භුමිතෙල් සහ තවත් දේවල් ගන්න පොලිම් වල ඉන්න වෙලා.

පොහොර තහනම සමග වැඩි කල් නොගිහින් සහල් පොලිමක් මතු වෙනවා. එලවළු පළතුරු හිගය වැඩි ඇතක නෙවෙයි.

මහ කන්නයේ කුඹුරු අස්වද්දන්න සුදානම් වෙලා ඉන්නේ 1/3 කියලා කෘෂිකර්ම ඇමතිම ආඩම්බරයෙන් කියනවා.කට විතරයි කෘෂිකර්ම ඇමතිගේ.

බලශක්ති ඇමති පත්වුණාම ලොකුවට කිව්වා තෙල් පිරිපහදු මධ්‍යස්ථානයක් සපුගස්කන්දට ගෙනවා කියලා මේ රටේ විශාලතම අයෝජනය විදිහට. දැන් බොර තෙල් ගෙන්න ඩොලර් නැතුව තෙල් පිරිපහදුව වහන්න හදනවා.

මේ කිසිදු අර්බුදයකටවත් බැසිල් රාජපක්ෂ ඉදගෙන හිටගෙන වතුර බිබි කිව්ව අයවැයේ විසදුම් තිබුණද?

සල්ලි අච්චු ගහලා ගහලා සෞභාග්‍යයේ රට නෙවෙයි සිම්බාව්වේ රට වගේ කරලා ඉවරයි.

මේ අර්බුදයට හේතුව එතුමාලා කියන විදිහට කොවිඩ් නිසා සිදුවුණ දෙයක්ද? එහෙනම් ඇයි කොවිඩ් තියෙන බංගලාදේශයෙන් ණය ගත්තේ?

අනෙකුත් රට වල ජනතාව ඉන්නවද කොවිඩ් නිසා රටින් යන්න ගුවන්තොටුපොල වල් ඉස්සරහ?

සංචාරක කර්මාන්තයෙන් සම්පුර්ණයෙන්ම යැපෙන මාලදිවයින සහ තායිලන්තය හිගමනේට වැටිලද?

පාලකයන්ගේ නොහැකියාව වසා ගන්නා කියන වචනේ තමයි කෙවිඩ් , බැසිල්ගේ වචනෙන් කිව්වොත් කොවින් සමාන්‍ය ජනතාවගේ වචනෙන් කිව්වොත් කොවිඩ්.

ගුරුවරු , ගොවින්, බඩගින්නේ ඉන්න ජනතාව පාරට බැහැලා උද්ඝෝෂණ කරොත් පොලිසියට මතක් වෙනවා නිරෝධායන උපදෙස් නැතුව කොවිඩ් පාලනයට කිසිදු දෙයක් කරේ නැ.

එන්නත් ලබාදෙන්න තිබුණේ 2020 නොවැම්බර් අවුරුද්දක් පසුවිම නිසා 14000 කගේ ජිවිත නැති වෙලා තියෙනවා.

මොකටද එන්නත පමා කලේ ? ඩොලර් 1.6 තිබුණ එන්නත ඩොලර් 16 ගන්න ඕනි නිසා.

ඉන්දියාවෙන් දියර පොහොර කියලා ගෙන්වනවා , එකේ මිල ඉන්දියානු රුපියල් වලින් රු 480 යි ලිටර් එකක් , ඩොලර් වලින් ඩොලර් 6 යි , කියටද ලංකාවට ගෙන්වන්නේ ? ඩොලර් 25  යි .

අපි හිතුවේ 10% ගැහිලි කියලනේ නැ 400% ගැහිලි ගහන්නේ.

කැත නැතුව කෘෂිකර්ම ඇමති යනවා සි.අයි.ඩි එකට  , හරිනම් ගොවියෝ තමයි සි.අයි.ඩි එකට යන්න ඕනි.

මම අභියෝග කරනවා ඔහුට මේ මාධ්‍ය වල පලවුණ දේවල් වලට පුළුවන් මට නඩු දාන්න කියලා.

පම්පොරි ගැහුවට ජනතාව ඉදිරියේ වගකියන්න වෙන කාලය වැඩි ඇතක නෙවෙයි. මෙවැනි ජාරා වැඩ වලට රටේ ඉඩ දෙන්න බැ.

පොහොර තහනම් කරලා චිනෙන් පොහොර ගේනවා , කියට ගෙන්නේ රු 92 ට.

අපේ අමාත්‍යංශය තිබුණ කාලේ කොම්පොස්ට් පොහොර දුන්නේ කිලෝව රු 10 ට , පොටැසියම්, පොස්පරස් තිබුණ එවා දුන්නේ රු 30 ට.

කොහොමද ගැහිල්ල මේ ගැහිල්ල ගැන තමයි මහින්දානන්දයි, ශෂෙන්ද්‍ර රාජපක්ෂයි ජනතාවට වග කියන්න ඕනි.

ගොවියන්ට බොරු කියලා වැඩක් නැ , ගොවින් ඉන්න දැඩි කෝපයෙන්.

ජලාශ පිරිලා ජලය තියෙනවා නමුත් වගා කරන්න පොහොර නැ , බිජ නැ , යුද්දෙන් පස්සේ රටේම ජනතාව සාගින්නකට ලක් කරලා තියෙනවා මේ ආණ්ඩුව.

ඒ නිසා අපි සියළු දෙනා ජාති භේද නැතුව මේ ගැටළුවෙන් ගොඩ එන්න කටයුතු කරන්න ඕනි.

ඇයි ලංකාවට ඩොලර් හිගවුණේ ? ඇයි ණය ගෙවා ගන්න බැරි වුණේ? කිසිම රටක් ලංකාවට ණය දෙන්නේ නැ. සල්ලි අච්චු ගහනවා.

දේශිය වශයෙන් ණය දෙන්නේ නැති වුණාම සල්ලි අච්චු ගහනවා , විදේශිය ණය දෙන්නේ නැති වුණාම බඩු ගේන එක නතර කරනවා.

වාහන , අමතර ද්‍රව්‍ය , ඖෂධ , ජංගම දුරකථන ඇතුළු භාණ්ඩ ගේන එක නතර කරා සිමා කරා.

ගැස් හිගයි , ගැස් සමාගමේ සභාපති කියනවා පෙබරවාරි මස ඉදන් ගැස් නැ කියලා.

එතුමාම කියනවා රාජපක්ෂලා ආවට පස්සේ ගැස් වලින් කොටි 1000 ගැහුවා කියලා. ඒවට නේද සි.අයි.ඩි පරික්ෂණ කරන්න ඕනි?

ආණ්ඩුවේ ඇමතිවරුම ආඩම්බරයෙන් කියනවා තෙල් ගෙන්න සල්ලි නැ කියලා.

ඒ කිසිදු දෙයකට බැසිලේ අයවැයෙන් විසදුමක් තිබුණේ නැ , බැසිල්ට වතුර විදුරුවක් හරි දෙන්න කෙනෙක් හිටියා නමුත් ජනතාවට වතුර ටිකක්වත් දෙන්න කෙනෙක් නැ.

මහින්ද රාජපක්ෂ කිසිදු සැලසුමකින් තොරව මුලින් තමන්ගේ ගෙදරට , පසුව තමන්නේ පවුලට ලැබෙන විදිහට රටේ සංවර්ධන කටයුතු කරා.

කිසිදු ආදායමක් එන්නේ නැති තැන්වල කොටි ගණන් ආයෝජනය කරා.

වැඩ කරන විරුවාගේ වැඩ නිසා තමයි රටට මෙහෙම දෙයක් වෙලා තියෙන්නේ.

වාණිජ ණය ලබා ගැනිම ,  අපි ණය ලබාගෙන තියෙනවා 1% අඩුවෙන්, මහින්ද රාජපක්ෂ 8% 9% 10% පොලියට ණය අරගෙන තියෙනවා. ඒ ණය කෙටි කාලයෙන් ගෙවන්න ඕනි එවා ගෙවා ගන්න බැරි නිසා තමයි මෙහෙම වෙලා තියෙන්නේ. යනුවෙන් පැවසිය.

– හැටන් රංජිත් රාජපක්ෂ

32,502 views

10 Comments to “සපුගස්කන්ද වහනවා.. ගෑස් ගේන්න සල්ලි නෑ.. හාල් පෝලිම් එනවා.. සල්ලි අච්චු ගහලා ලංකව සිම්බාවේ වගේ වෙලා..”

  1. Citizen says:

    Criticism is an essential part of Democratic Governance. But the opposition should also come up with an alternative plan for public review and discussion.

  2. සකලජන says:

    2021 අගෝස්තුවල ලංකාව බංකොලොත්වෙන්න තිබ්බ සීන්එක postponed වුනාද බ්‍රෝ?

  3. ranjan says:

    hinga kewath tho num epoooooooooo………//………..

  4. Baba says:

    ඔබ තුමා ජනපති කියා සිතමූකෝ,එතකොට ඔබතුමා කරන විදිහ අපට පොඩ්ඩක් කියන්නකෝ.හැම එකාම විවේචනය කරනවා විතරයි කරන්නේ කොහොමද කියලා කියන්නේ නැහැ.නිකම් මිනිසුන් ව ගොනාට අන්දන්න හදන්න එපා මහත්තයා.

  5. gunaya says:

    That bullish lying vaccination in Canada was started in March. He wantted to vaccine untested one?

  6. Osmand says:

    අමු මී හරකා. මූ තම බිරිදව බය කර වොයිස් කට් අරගෙන ප්‍රසිද්ධ කර චන්දයට පාවිච්චි කලා මතකයි.

  7. Jail_Bird says:

    ඕනෑවට වඩා පැමිණිලි නොකරන්න. ඔවුන් ඔබව අත්අඩංගුවට ගනීවි.

  8. dev says:

    arthikae gana danne nathi haraka

  9. 3% ට බය බයියා. says:

    ලක් මාතාව චීන්නුන්ගෙන් ,ඇමරිකන්කාරයන්ගෙන්,ඉන්දියන්කාරයන්ගෙන් බේරා ගෙන නැවතත් ස්වංපෝෂිත කර ජනතාවට සහන දීලා රට වලපල්ලට නොයවා බේරා ගන්න පුලුවන් ජේවිපි ආණ්ඩුවක් යටතේ පමණයි .

  10. JR says:

    නරි හූ කියනවා…

Main News