සමහර තීරණ ගැනීමේදී ඇමතිවරුන්ගෙන් අදහස් විමසන්නේ නෑ.. කිසිදු රජයක් නිසි තැන දුන්නේ නෑ..- දයා ගමගේ

April 9, 2017 at 7:06 am | lanka C news
සමහර තීරණ ගැනීමේදී ඇමතිවරුන්ගෙන් අදහස් විමසන්නේ නෑ.. කිසිදු රජයක් නිසි තැන දුන්නේ නෑ..- දයා ගමගේ

මෙතෙක් පැවති කිසිදු රජයක් දේශීය, පෞද්ගලික ව්‍යවසායකයින්ට නිසි තැන ලබා නොදුන් බව කණගාටුවෙන් හෝ පැවසිය යුතු බව ප්‍රාථමික කර්මාන්ත ඇමති දයා ගමගේ කියා සිටී.

ඔහු ඒ බව කියා සිටියේ, ජාත්‍යන්තර වෙළෙඳාම හා වෙළෙඳ ගිවිසුම් පිළිබඳ ජාතික ප්‍රතිපත්ති සම්පාදනය කිරීමේ මහජන කොමිසම පසුගියදා කොළඹදී පැවැත්වූ සමුළුවක් අමතමිනි.

ඇමතිවරයා එහිදී පෙන්වා දුන්නේ, කන්තලේ සීනි සමාගම සහ අලුතින් පිහිටවූ බිබිලේ සීනි සමාගම දේශීය ව්‍යාපාරිකයින්ට පවත්වාගෙන යෑමේ හැකියාව තිබියදී සිංගප්පූරුවේ සමාගමකට භාර දුන් බවයි.

රජයේ සමහර තීරණ ගැනීමේදී ඇමතිවරුන්ගෙන් අදහස් විමසීමක් සිදු නොවන බවත්, එහිදී තමන් අසරණ වන බවත් හෙතෙම කීය.

රටක් වශයෙන් ගිවිසුම්වලට එළැඹීමේදී තමන්ගේ කොටස ආරක්ෂා කර ගැනීම සිදු විය යුතු බව ගමගේ මහතා අවධාරණය කර සිටියේය.

තවදුරටත් අදහස් දක්වමින් ඔහු පැවසූයේ, 2005දී දළ දේශීය නිෂ්පාදිතයෙන් සියයට 37ක්ව පැවති අපනයන ආදායම රුපියලේ අගය අවමප්‍රමාණය වීම ඇතුළු හේතු නිසා මේ වන විට සියයට 14ක් දක්වා පහත වැටී ඇති බවයි.

අපනයන ආදායම ඉහළ නංවා, අනෙකුත් ක්ෂේත්‍ර ද ශක්තිමත් කොට රට සංවර්ධනය කිරීමට සියලුදෙනා එක්ව කටයුතු කිරීමේ අවශ්‍යතාව ඔහු අවධාරණය කර සිටියේය.

– ජෝර්ජ් පෙරේරා

32 views

3 Comments to “සමහර තීරණ ගැනීමේදී ඇමතිවරුන්ගෙන් අදහස් විමසන්නේ නෑ.. කිසිදු රජයක් නිසි තැන දුන්නේ නෑ..- දයා ගමගේ”

  1. gavin gunawardane says:

    සියලුම දෙනා එක්වී කටයුතු කෙරුම
    හොඳ බව හැබෑ මුත් එය සිදුවන තුරුම
    ඉන්න එකයි මැති ඇමතින්ගේ පැතුම
    පල නැත තනිව ඔබ විතරක් ඉකි ගැසුම

  2. vimukthi says:

    however a person with some feelings on country

  3. බන්ඩා says:

    දයා ගමගේට හොඳ අදහස් තිබුනට රනිල් එක්ක කොරගන්න බැරි බව පෙනෙනනවා. මම ගම්මිරිස් පැල 4000ක් දැනට වගා කරනවා. සත පහක උදව්වක් මේ අාණ්ඩුවෙන් ලැබෙන්නෙ නැහැ. ඉතින් කෘෂි කර්මාන්තය මූලික කොට ගෙන ශ්‍රි ලංකාව නගා සිටවන්න බැරි බව අත් දැකීමෙන් දන්නවා. ලාබ ශ්‍රමය අවශ්‍ය කර්මාන්ත දැන් මේ රටේ කොරන්න බැහැ. දැනුම කේන්ද්‍ර කර ගත් ව්‍යාපාර වලින් (මෙඩිකල් ටුවරිසම්, ටුවරිසම්, කැසිනෝ, ඒඩියුකේෂන්, බෑන්කින්, ෂිප් සප්ලයස් සෙකුරිටි සහ සර්විසස්, ඔන් ලය්න් බිස්නස් වැනි) පමනය් රටේ දළ දේශීය නිෂ්පාදිතය සිග්‍ර වර්ධනයකට ගෙන යා හැක්කේ. මේක මහින්ද තේරැම් ගත්තා. රනිල්ට තේරෙන්නෙ නැහැ. දයා ගමගේට නොතේරෙන්න විදියක් නැහැ.

Main News