සම්මුතිය ආණ්ඩුවේ පැවත්ම අවදානෙම්.. එජාපය මහ මැතිවරණයකට සුදානම්.. ආසනයකට හතර බැගින් හදිසි ජනහමු රට පුරා..

February 8, 2017 at 2:10 pm | lanka C news
සම්මුතිය ආණ්ඩුවේ පැවත්ම අවදානෙම්.. එජාපය මහ මැතිවරණයකට සුදානම්.. ආසනයකට හතර බැගින් හදිසි ජනහමු රට පුරා..

දිවයිනේ සෑම ආසනයක්ම ආවරණය වන පරිදි රැස්වීම 4 බැගින් පවත්වා ජනතාව දැනුවත් කොට ඉදිරියේ එන මැතිවරණයකට සුදානම් වන ලෙස එක්සත් ජාතික පක්ෂයේ නායක අග්‍රාමාත්‍ය රනිල් වික්‍රමසිංහ මහතා විසින් ඔහුගේ දේශපාලන වැඩපිළිවෙළ ගම් මට්ටමින් පසුගිය කාලවල සිදුකල ඔහුගේ ලේකම් වූ සුදත් චන්ද්‍රසේකරට පවරා ඇත.

මහින්ද යුගයේ දි එජාපෙ අභ්‍යන්තරයේ නොයෙකුත් අර්බුද හමුවේ පක්ෂ නායකත්වය අභියෝගයට ලක් වු අවස්ථාවේදි නායකත්වය මෙන්ම පක්ෂය ද රැකගෙන 2015 වසරේ නැවතත් එජාපයට බලය ලබාගැනිමට හැකිවන සේ මංගල සමරවීර සහ සුදත් චන්ද්‍රසේකර හරහා පිහිටවු එජාපෙ සන්නිවේදන බලකාය මගින් මෙම වැඩසටහන් ක්‍රියාත්මක කරනු ලබයි.

එමෙන්ම පසුගිය සතියේ සම්මුති ආණ්ඩුවේ අභ්‍යන්තර ගැටලු උත්සන්න වීමත් සමගම අගමැතිවරයා ජනාධිපතිවරයාට දැනුම් දී තිබුනේ ජනාධිපති පාර්ශ්වයේ මැති ඇමතිවරුන් ගේ ඉල්ලිම අනුව කැබිනට් සංශෝධනයක් සිදු කරන්නේ නම් තමා එයට එකග නොවන බවත් මොනම හේතුවක් නිසා හෝ මුදල් හෝ වෙනත් ප්‍රධාන අමාත්‍යාංශවල සංශෝධනයක් සිදු කරන්නේ නම් පක්ෂය ලෙස එය නොඉවසන අතර එසේ වන්නේ නම් එජාපෙ පාර්ලිමේන්තුව මැතිවරණයක් සඳහා ජනතාව ඉදිරියට යෑමට සුදානම් බවයි.

කෙසේ වෙතත් එජාපයේ අභ්‍යන්තර ආරංචි මාර්ග සඳහන් කරන අන්දමට ජනාධිපති හා අගමැති ඇතිවි තිබෙන දේශපාලන අභ්‍යන්තර අර්බුදය මතු පිටින් විසදා ගත් බව ජනතාව පෙන්නුම් කලද මෛත්‍රී ජනාධිපතිවරයා සම්බන්ධ විශ්වාසය එක්සත් ජාතික පාක්ෂිකයින්ගෙන් දැඩිව ඉවත්ව ගොස් ඇති බව නායකත්වය වෙත සන්නිවේදනය වී ඇති බැවින් ඉදිරියේදී එන ඕනම අර්බූදයකට මුහුණ දීමට අවශ්‍ය ක්ෂණික වැඩපිළිවෙළක් මේ වනවිට ආරම්භ කොට ඇත.

19 වන ව්‍යවස්ථා සංශෝධණය අනුව වසර හතරක් ගතවන තුරු ජනාධිපතිවරයාට පාර්ලිමේන්තුව විසුරුවිය නොහැකි වුවත් මැතිවරණයක් පැවැත්වීම අවශ්‍ය යයි පාර්ලිමේන්තුවේදී සාමාන්‍ය බහුතරයෙන් සම්මත කරගනු ලබන යෝජනාවක් මගින් මැතිවරණයක් පැවැත්වීමට ආණ්ඩු ක‍්‍රම ව්‍යවස්ථාවේ ප‍්‍රතිපාදන ඇත.

24 views
Main News