සයිටම් වෙඩිල්ලේ බොරුව එලිවේ… ප‍්‍රධානියා තමන් නොවදින්න වෙඩි තබන්නැයි කොන්ත‍්‍රාත් දීලා..

February 28, 2017 at 9:20 am | lanka C news
සයිටම් වෙඩිල්ලේ බොරුව එලිවේ… ප‍්‍රධානියා තමන් නොවදින්න වෙඩි තබන්නැයි කොන්ත‍්‍රාත් දීලා..

සයිටම් විධායක නිලධාරී සමීර සේනාරත්න මහතා ගමන් කරමින් සිටි මෝටර් රථයට වෙඩි තබා ඔහු ඝාතනය කිරීමට උත්සාහ දැරීම ඔහු ඇතුළු පිරිසකගේ සැලසුම් සහගත ක්‍රියාවලියක් බව අනාවරණය කර ගත් විශේෂ ‍පොලිස් කණ්ඩායමක් ඒ සම්බන්ධයෙන් සැකපිට සමීර සේනාරත්න මහතා ප්‍රශ්න කිරීම සඳහා ‍පොලිස් භාරයට ගෙන තිබිණි.

කඩුවෙල නගර සභාවේ හිටපු මන්ත්‍රීවරයෙක් සහ කොටිකාවත්ත මුල්‍ලේරියාව ප්‍රාදේශීය සභාවේ රියැදුරෙක් අත්අඩංගුවට ගැනීමට සොයමින් සිටින බව ‍පොලිස් තොරතුරු අනවරණය කළේය. ඔවුන් මේ වන විට පදිංචි ස්ථානවලින් පලාගොස් සැඟවී සිටින බව සඳහන්ය.

ප්‍රශ්න කිරීම්වලින් අනතුරුව සයිටම් විධායක නිලධාරී සමීර සේනාරත්න අත්අඩංගුවට ගැනීමට බොහෝදුරට ඉඩකඩ වැඩිය. සමීර සේනාරත්නගේ මෝටර් රථයට වෙඩි තැබුවේ යැයි කියන අවි දෙකද වෙඩි තැබූ අය ගමන් කළේ යැයි සඳහන් යතුරුපැදියද ‍පොලිස් භාරයට ගෙන ඇත. එම යතුරුපැදියද මන්ත්‍රීවරයා වෙනත් පුද්ගලයෙකුගෙන් ලබාගත්තක් බව අනාවරණය වී තිබේ.

‍පොලීසියේ අභ්‍යන්තර තොරතුරුවලින් අනාවරණය වන ආකාරයට සමීර සේනාරත්න මහතාගේ මෝටර් රථයට වෙඩි තැබිමේ කතාවේ ඇතුළු පැත්ත හෙළිවන්නේ බියගම ප්‍රදේශයේ පදිංචිව සිටින මත්කුඩු භාවිතයට ඇබ්බැහි වී සිටින විවිධ අපරාධවලට සම්බන්ධ පුද්ගලයෙකුගෙනි. එම පුද්ගලයා ඇඹිලිපිටියේ ස්ථිර පදිංචිකරුවෙකි. ඔහු පසුගිය දිනවල සයිටම් විධායක නිලධාරියාට වෙඩි තැබුවේ තමන් බව කියමින් ‍පොලිස් අත්අඩංගුවට පත්වීමට උත්සාහයක නිරත වී ඇති බව සඳහන්ය. මේ පුද්ගලයාව විශේෂ ‍පොලිස් කණ්ඩායමකට හසුවී ඇත්තේ ඒ අනුවය. එහිදී වෙඩි තැබිමට යොදාගත් ගිනි අවි පවා ඔහු ‍පොලීසියට භාරදී තිබේ.

සමීර සේනාරත්නට වෙඩි තබා ඝාතනය කරන්නැයි තමාට ලක්ෂ පහක කොන්ත්‍රාත්තුවක් ලැබුණු බවත් අතුරුගිරියේ සුදු අයියා එම කොන්ත්‍රාත්තුව තමාට දුන් බවත් ඔහු පවසා තිබේ. සුදු අයියා ඉන්න තැනක් තමන් නොදන්නා බව එහිදී ඔහු පවසා ඇති අතර ඔහු කළ ඇතැම් ප්‍රකාශ පරස්පර හා වෙඩි තැබිමේ සිද්ධිය හා සම්බන්ධකම් නොමැති බැවින් දීර්ඝ ලෙස ඒ සම්බන්ධයෙන් කෙරුණු ප්‍රශ්න කිරීම්වලදී සැබෑව හෙළි වී තිබේ. විද්‍යාත්මක විමර්ශනවලදීද ඔහු එදා ඒ පැත්ත පළාතේ සිට නැති බවද අනාවරණය වී ඇත.

සැබෑ කරුණුවලට අනුව වෙඩි තැබිමට එම පුද්ගලයා කිසිදු සම්බන්ධකමක් නොමැති අයෙක් වන අතර ගිනි අවි ලබාදෙමින් තමන් වෙඩි තැබුවේ යැයි කියා ‍පොලීසියට භාරවෙන ලෙස ඔහුට දැනුම් දී ඇත්තේ කඩුවෙල නගර සභාවේ හිටපු මන්ත්‍රීවරයාය. ඒ සඳහා රුපියල් ලක්ෂ පහක මුදලක් ලබාදීමට ‍පොරොන්දු වී අත්තිකාරම් ලෙස රුපියල් ලක්ෂයක්ද ඔහුට ලබාදී ඇත.

‍පොලිස් පරීක්ෂණ නොමග යැවීමටත් සමීර සේනාරත්නට සැබෑ ලෙසම වෙඩි තැබූ බව සනාථ කර ගැනීමටත් ඒ සැලසුම ක්‍රියාත්මක වී තිබෙන බව අනාවරණය වී තිබේ. ගිනි අවිය සමග ‍පොලීසියට භාර වීමට සූදානම් කළ පුද්ගලයා මන්ත්‍රීවරයාගේ මැතිවරණ කටයුතුවලදී ‍පෝස්ටර් පවා ඇලවීමට සම්බන්ධවන අයෙක් බවද හෙළිවී ඇත.

සමීර සේනාරත්න ගමන් කළ මෝටර් රථයට වෙඩි තැබිමට යොදාගත් ගිනි අවි දෙක ලබාගෙන ඇත්තේ කොටිකාවත්ත මුල්‍ලේරියාව ප්‍රාදේශීය සභාවේ රියැදුරාගෙන් බවත් එදා ඒ වෙඩි තැබිමට එම රියැදුරාත් මන්ත්‍රීවරයාත් ගමන් කර ඇති බවට සැකකරෙන තොරතුරු රාශියක් අනාවරණය වී තිබේ. වෙඩි තැබූ දින උදෑසන සමීර සේනාරත්න මහතා මන්ත්‍රීවරයාගේ නිවසට පැමිණ ඔහුව හමුවී සාකච්ඡාවක නිතරව සිට ඇති බවට තොරතුරු ‍පොලීසියට ලැබි ඇත.

සයිටම් ආයතනය සඳහා ඉඩම් ලබාදීමේදී ඊට අදාළ මන්ත්‍රීවරයාගෙන් සමීර සේනාරත්නට උදව් උපකාර ලැබි ඇති බවත් ඔවුන් ඒ වන විට පවු‍ලේ හිතවතුන් බවට පත්ව සිටින බවත් ‍පොලිස් විමර්ශනවලින් අනාවරණය වී තිබේ.

‍පොලිස්පති පූජිත් ජයසුන්දර මහතාගේ ජු අධීක්ෂණයෙන් ක්‍රියාත්මක අපරාධ සංවිධානාත්මක අපරාධ අංශයභාර නියෝජ්‍ය ‍පොලිස්පති ප්‍රියන්ත ජයකොඩි මහතාගේ මෙහෙයවීමෙන් ක්‍රියාත්මක අදාළ විශේෂ ‍පොලිස් කණ්ඩායම මෙම හෙළිදරව්ව කර තිබේ.

ගයාන් කුමාර වීරසිංහ
ලක්බිම

23 views

4 Comments to “සයිටම් වෙඩිල්ලේ බොරුව එලිවේ… ප‍්‍රධානියා තමන් නොවදින්න වෙඩි තබන්නැයි කොන්ත‍්‍රාත් දීලා..”

  1. රබන්කිකිඳ says:

    ඒ කාලෙනම් මෙහෙමවුනේ නෑ අපේ හාමුදුරුවනේ.

  2. lokka says:

    ara dath dothara ge puthage balawayakara birindata doctor upadiyata saitam eke free scolaship ekakuth dunne me boru dosthara sameera senadheera thamayi.

  3. Boo says:

    වැඩක් නෑ , පඩ ෂෝ එකක් විතරයි, අර නීතිය නමන එකාට බැංකු හොරාගෙන් කෝල් එකක් ආපු ගමන්, තුනට නැමිලා, යේස් සර්, ඕකේ සර්, නිලමේ සර් නො ප්‍රොබ්ලම් සර් කියල පරීක්ෂණය යට යනවා, මොනවාද ඔට්ටු?

  4. Saman says:

    කෝ අර පහු ගිය දවස් වල සයිටම් එකට රෙදි නැතිව කඩේ ගිහිපු කුමාරසිරි කුරුමිට්ටා? වරෙන්කෝ පොඩ්ඩක් එළියට. ආසයි මූණත් තහඩුව බලා ගන්න. 😀