සහල් මිල ඉහල යන්නේ ලෝක වෙලදපල නිසා නොවේ.. මිල පාලනය නොහැකි ඇයි..- විමල්

October 15, 2021 at 3:22 am | lanka C news
සහල් මිල ඉහල යන්නේ ලෝක වෙලදපල නිසා නොවේ.. මිල පාලනය නොහැකි ඇයි..- විමල්

ආනයනික නිෂ්පාදනවල මිල මෙන් නොව සහල් වැනි දේශීය නිෂ්පාදනයන්හි මිල ඉහළ යාමට නොදී සහනදායක මට්ටමක පවත්වාගෙන යාම කළ නොහැක්කක් නොවන බවත් එවැනි ගැටලුවලට මුහුණ දී පිළිතුරු සෙවීමට ආණ්ඩුව සූදානම් බවත් කර්මාන්ත අමාත්‍ය විමල් වීරවංශ මහතා පවසයි.

කඩුවෙල ප්‍රාදේශීය ලේකම් කාර්යාලයේ පැවති සමෘද්ධිලාභී වනිතාවන් පිරිසකට ස්වයංරැකියා උපකරණ බෙදා දීමේ අවස්ථාවකට එක්වෙමින් ඒ මහතා මෙසේ පැවසීය.

එහිදී වැඩිදුරටත් අදහස් දැක්වූ ඒ මහතා මෙසේද සඳහන් කළේය.

“අප පමණක් නොවෙයි දියුණු රටවල් ඇතුළු මුළුමහත් ලෝකයම මෙම වසංගත තත්වය නිසා අනපේක්ෂිත ආර්ථික අර්බුදයන්ට මුහුණ දී සිටිනවා. එවැනි අවස්ථාවකයි මේ රටේ සමෘද්ධි ව්‍යාපාරය හා බද්ධ වී කටයුතු කරන කාන්තාවන්ගේ ජීවනෝපාය මාර්ග වඩාත් දියුණු කර ගැනීම සඳහා කාන්තා හා ළමා සංවර්ධන රාජ්‍ය අමාත්‍යාංශය මගින් මෙසේ ඔවුන්ට ශක්තියක් ලබා දෙන්නේ. එය ඉතා වැදගත්.

අද අපේ රටේ කාන්තාව ශ්‍රම වෙළෙඳපොළ තුළ ඉතා විශාල කාර්යභාරයක් ඉටුකරනු ලබනවා. විශ්වවිද්‍යාල අධ්‍යාපනය තුළ බැලුවත් කාන්තාවගේ සහභාගීත්වය වැඩියි. ඒ වගේම රාජ්‍ය සේවය තුළ බැලුවත් කාන්තා පාර්ශ්වයේ දායකත්වය වැඩියි. ඒ හැම දෙයකින්ම කියැවෙන්නේ අපේ ආර්ථික සංවර්ධන ක්‍රියාදාමයේ දී මීට දශක දෙක තුනකට කලින් කාන්තාවට හිමි තැනට වඩා ප්‍රබල තත්වයක් වර්තමානයේ දී ඇය නියෝජනය කරන බවයි. අපේ ආර්ථික ගමන මෙන්ම ඊළඟ පරම්පරාවේ ගුණ සුවඳ තීරණය වන්නේත් කාන්තාවගේ අතින්.

ආනයනික භාණ්ඩ මිල ඉහළ යාම

මේ මොහොත කියන්නේ අපි කවුරුත් ජීවන බරකට මුහුණ දී සිටින අවස්ථාවක්. මේක සාමාන්‍ය ප්‍රමාණයට වඩා ඇතැම් භාණ්ඩ හා සේවාවන්හි මිල ඉහළ ගිය අවස්ථාවක්. මිල ඉහළ ගිය ඇතැම් භාණ්ඩවල මිල රජයක් හැටියට අපට පාලනය කර ගැනීමට බැරි හේතු තිබෙන්න පුළුවන්. නමුත් සමහර ඒවාට අපට විසඳුම් සෙවිය හැකිව තිබෙනවා. යුරෝපයට ශීත කාලය ළං වන විට ලෝකයේ ගෑස් සහ තෙල් මිල ස්වාභාවිකවම ඉහළ යනවා. මේ වසංගත තත්වයත් සමග එය දෙගුණ තෙගුණ වෙනවා. නැව් ගාස්තු මේ කෙටි කාලය තුළ සියයට 25කින් ඉහළ ගොසින්. ඒ සමගම අපේ රුපියල ක්‍රමානුකූලව කඩා වැටී තිබෙනවා. ඒ සියල්ල බලපානවා අපි ආනයනික නිෂ්පාදන පරිභෝජනයේදී ඒවාගේ මිල තීරණය වීමට.

දේශීය නිෂ්පාදනවල මිල ස්ථාවරව පවත්වා ගැනීම

එහෙත් දේශීය වශයෙන් නිපදවනු ලබන දේවල්වල මිල එසේ ඉහළ යාමට ඉඩ නොදී එක්තරා සහනදායක මට්ටමක පවත්වාගෙන යාමට අපට හැකි විය යුතුයි. එක්දහස්නවසිය හැත්තෑගණන්වල රජයට වී මෝල්, ගබඩා තිබුණා. පසුකාලීනව ඒවා විනාශ වුණා. අද රජය සතුව කිසිදු වී මෝලක්, ගබඩාවක් නැහැ. වී ටික අරගෙන සහල් බවට පත් කරලා දෙන ක්‍රමයක් රජය සතුව නැහැ. ඒ නිසා අද පෞද්ගලික අංශයේ බලවත් මෝල් හිමියන්ට පුළුවන් වී තිබෙනවා අපේ රටේ සහල් මිල තීරණය කිරීමට. ඒවා ලෝක වෙළෙඳපොළේ ප්‍රශ්න සමඟ ගැට ගැසී නැහැ. ඒවා අපට මුහුණ දීලා උත්තර හොයන්න පුළුවන් ප්‍රශ්න.

කොහොම වුණත් මේ දුෂ්කර අවස්ථාවේදී අපි එකිනෙකාට උදව් කර ගනිමින් ඉදිරියට යා යුතුව තිබෙනවා. මෙතැන අද සිදු කෙරෙන්නෙත් එවැනි දෙයක්. මෙතැනදී බෙදා දෙනු ලබන ස්වයංරැකියා උපකරණ නිසි පරිදි භාවිතා කොට තමන් දියුණු වන ගමන් තවත් කෙනෙකුට රැකියාවක් උපදවා දිය හැකිනම් එයයි ඔබට කළ හැකි විශාල ම සේවාව. එසේ කිරීමට ඔබට හැකියාව ලැබේවා’යි පතනවා.”

මෙම අවස්ථාවට කඩුවෙල නගරාධිපති බුද්ධික ජයවිලාල් කඩුවෙල ප්‍රාදේශීය ලේකම්, චතුර මිහිදුම්, දිස්ත්‍රික් සමෘද්ධි අධ්‍යක්ෂ අසේල කුමාර යන මහත්ම මහත්මීහු ඇතුළු පිරිසක් එක්ව සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය,

34,396 views

9 Comments to “සහල් මිල ඉහල යන්නේ ලෝක වෙලදපල නිසා නොවේ.. මිල පාලනය නොහැකි ඇයි..- විමල්”

  1. Kasun Perera says:

    වෙන රටවල් ආර්තික අර්බුදයට මූන දුන්නට එ රටවල මිනිස්සුන්ට හොදට අතේ සල්ලි තියෙනව…උබලා මෙකෙ හූරන් කාල කාල නැති කරලා දාල තියෙන්නෙ

  2. saman says:

    ඕක කරන්න බෑ මොකද හැම එකාගෙන්ම කොමිස් අරන් තියෙන්නේ.

  3. 3% ට බය බයියා. says:

    සහල් මිල පාලනය කර සහල් මාෆියාව පරාජයට පත් කළ හැක්කේ ජේවිපි ආණ්ඩුවක් යටතේ පමණයි .විරුවන් ට මාෆියාව පරාජයට පත් කළ නොහැකි බව ඔප්පු කරලා තියෙන්නේ .

  4. LalithM says:

    එකිනෙකාට උදව් කරන්න කියන්නේ රටේ ධනය කොල්ලකන රජපවුලේ පවු හෝදන්නද. උන්ගේ ජීවන රටාවේ වෙනසක් නොවී මොනව කලත් රට ගොඩ නැගීම නොහැකිය.

  5. MD says:

    ලංකාවට ගැලපෙන්නේ නිතරම අනුන්ට ඇඟිල්ල දික් කරලා තමන්ගේ වැරදි වසාගන්නා බොරු කයිවාරු කාරයන්ට පමණයි.(වීරවංශ මහතා ගැන නෙමෙයි කියන්නේ.ඔහු රටට දැයට වැඩදායී පුරවැසියෙක්.ඵය ආඩම්බරයක්)

  6. බොරු වියදම් says:

    2021ට දුන්න පාසල් නිල අදුම් රෙදි ලමයි න්ට අදින්න වත් පාසල් එරපු නෙති රට . මෙවර ත් 2022ට ලමයි න්ට පාසල් නිල අදුම් රෙදි දෙන්න වියපරක්‍යින් දෙදෙනෙක් සතුටු කරන්න නිකන් රජයෙ සල්ලි නාස්ති කරන ව.

  7. Jude perera says:

    Oka gihilla ahapan sirgen mu yako

  8. බිත්ති චිත්‍ර ඇදපු බයියා says:

    ලක් මවගේ ඇස්,මස්,ලේ පොහොට්ටුව විසින් විජාතිකයන්ට විකුණන කොට හොර දේශප්‍රේමී NGO පචායුධයේ කට්ටිය සංවේදී වෙලා කිරිබත් කනවා.

  9. TikTok says:

    බල්ලට දුර සිටම අසූචි පුසුඹ දැනෙනවා වගේ විමල්ට මේ ආණ්ඩුව කඩා වැටෙන ඉව දැනෙන නිසා දැන විවේචන පටන් අරන්.
    රාජපක-ෂ ලාගේ හැම නොපනත්කමක්ම සාධාරණීය කරපු මේ වහලාව විශ්වාස කරනින එපා.

Main News