ස්විස් එම්බසියේ කාන්තාව රහස් පොලිසියෙන් පැහැර ගත් කතාව අසත්‍යයක්…- පොලිසියෙන් නිවේදනයක්..

November 30, 2019 at 10:00 am | lanka C news
ස්විස් එම්බසියේ කාන්තාව රහස් පොලිසියෙන් පැහැර ගත් කතාව අසත්‍යයක්…- පොලිසියෙන් නිවේදනයක්..

කොළඹ පිහිටි ස්විට්සර්ලන්ත තානාපති කාර්යාලයේ සේවය කරන කාන්තාවන් පැහැරගෙන ගියේ යැයි කියන සිදුවීම් සම්බන්ධයෙන් පොලිසිය විසින් නිවේදනයක් නිකුත් කර ඇත.

එකී සම්පූර්ණ නිවේදනය මෙහි දැක්වෙයි.

ස්විට්සර්ලන්ත තානාපති කාර්යාලයේ නිලධාරිනියක් පැහැරගත් බවට වූ සිද්ධිය පිළිබඳ ශ්‍රී ලංකා පොලිසිය පූර්ණ විමර්ශනයක් ආරම්භ කෙරේ.

පසුගිය දිනක ස්විට්සර්ලන්ත තානාපති කාර්යාලයේ නිලධාරිනියක් පැහැර ගැනීමට ලක්වූ බවට ලැබුණු තොරතුරක් මත අපරාධ පරීක්ෂණ දෙපාර්තමේන්තුවෙන් 2019.11.27 දින විමර්ශනයක් ආරම්භ කරන ලදී.

ලැබුණු තොරතුරක් මත එලෙස විමර්ශන ආරම්භ කරමින් ස්විට්සර්ලන්ත තානාපති තුමාවද අපරාධ පරීක්ෂණ දෙපාර්තමේන්තුව මගින් දැනුවත් කරමින් විමර්ශනය සඳහා අවශ්‍ය වැඩිදුර තොරතුරු ලබා දෙන ලෙසට ද එතුමාගෙන් ඉල්ලීමක් කරන ලදී. ඒ අනුව සිදුවූ බව කියන සිද්ධිය පිළිබඳව ස්විට්සර්ලන්ත තානාපති කාර්යාලය සතු තොරතුරු කිහිපයක් අද දින (2019.11.29) අපරාධ පරීක්ෂණ දෙපාර්තමේන්තුව වෙත ලබා දී ඇත.

ලැබුණු තොරතුරු අනුව පුළුල් විමර්ශනයක් ආරම්භ කළ අතර අපරාධ පරීක්ෂණ දෙපාර්තමේන්තුව විසින් සිදුකරන මෙම විමර්ශනය සඳහා සහාය වීම පිණිස කොළඹ අපරාධ කොට්ඨාසයේ නිලධාරීන් කණ්ඩායමක්ද, පොලිස් සමීප රූප අවේෂණ කැමරා කොට්ඨාසයේ (C.C.T.V. Division ) නිලධාරීන් කණ්ඩායමක්ද අපරාධ පරීක්ෂණ දෙපාර්තමේන්තුවේ විමර්ශනවලට සහාය සඳහා පත්කර ඇත.

මෙම පැහැර ගැනීම සිදුකළ බව කියන සැකකරුවන් වින්දිත තැනැත්තියට තර්ජනය කරමින් පවසා ඇත්තේ සැකකරුවන් අපරාධ පරීක්ෂණ දෙපාර්තමේන්තුවේ නිලධාරීන් වන බව නමුත් එය විමර්ශකයින් නොමඟ යැවීම සඳහා සැකකරුවන් විසින් සිදුකළ අසත්‍ය ප්‍රකාශයක් බවද වැඩිදුරටත් දන්වා සිටින අතර මෙම සිද්ධිය සම්බන්ධයෙන් කඩිනමින් විමර්ශන සිදුකර අදාල අපරාධකරුවන් අත්අඩංගුවට ගන්නා ලෙසට අපරාධ පරීක්ෂණ දෙපාර්තමේන්තුව වෙත අවශ්‍ය උපදෙස් ලබාදී ඇත.

– පොලිස් මාධ්‍ය කොට්ඨාශය

242 views

12 Comments to “ස්විස් එම්බසියේ කාන්තාව රහස් පොලිසියෙන් පැහැර ගත් කතාව අසත්‍යයක්…- පොලිසියෙන් නිවේදනයක්..”

  1. අක්බාර් ලොක්කා says:

    මෙම නාටකය තානාපති කාර්‍යාලයෙන් අධ්‍යක්ෂනය කර තිරගත කල එකක් බව පෙනේ.කන්දප්පා පන්නන්න තානාපතිත් සම්බන්ධ වෙලා වගේ. ප්‍රේමදාස ඩේවිඩ් ග්ලැඩ්ස්ටන්ට කලා වගේ තානාපතිට ගෙදර යන්න කියමු

  2. ජිනීවා පේ රෝලේ සිටින කොටි හිතවාදී, ආණ්ඩු විරෝධී තක්කඩි රැළකගෙ අතේ පත්තු උනු මඩ ව්‍යාපාරයක්.. පො. ප. නිෂාන්‍තගෙ කාලෙ අඩු පඩියට බදව ගත්ත අය වෙන්න ඕනෙ… ස්විස් තානාපතිට, පේ රෝලේ ගෙවීම් ටිකක් වැඩි කරල, මොලේ ඇති තක්කඩි ටිකක් බදව ගන්න වෙයි හරි මඩක් ගහන්න ඕන නම්…

Main News