සාකච්චා නෑ.. කතාව අවසන්.. පැරණි පාර්ලිමේන්තුව කිසිසේත්ම නොකැදවන බව ජනපති දන්වයි.. මංගලගේ ලිපියට හැරෙන තැපෑලෙන් පිළිතුරු…

April 30, 2020 at 9:54 pm | lanka C news
සාකච්චා නෑ.. කතාව අවසන්.. පැරණි පාර්ලිමේන්තුව කිසිසේත්ම නොකැදවන බව ජනපති දන්වයි.. මංගලගේ ලිපියට හැරෙන තැපෑලෙන් පිළිතුරු…

හිටපු අමාත්‍ය මංගල සමරවීර මහතා විසින් ජනාධිපති ගෝඨාභය රාජපක්ෂ මහතා වෙත යොමු කරන ලද ලිපියට පිළිතුරු ලිපියක් යවා ඇත.

ජනාධිපතිවරයා වෙනුවෙන් ජනාධිපති ලේකම් පී බී ජයසුන්දර මහතා විසින් මෙම ලිපිය යවා තිබේ.

විසුරුවා හරින ලද පාර්ලිමේන්තුව යළි කැඳවන ලෙස ඉල්ලමින් සමරවිර මහතා විසින් ජනාධිපති ගෝඨාභය රාජපක්ෂ මහතා වෙත පසුගියදා ලිපියක් යොමුකර තිබිණි.

එමගින් අවධාරණය කර තිබුනේ මැයි මස පළවෙනිදා සිට මුදල් වියදම් කිරීමට ජනාධිපතිවරයාට බලයක් නොමැති බවයි.

එනිසා පැවති පාර්ලිමේන්තුව කැඳවා අවශ්‍ය අණපනත් සම්මත කරගැනීමට කටයුතු කරන ලෙසත් එසේ නොවේ නම් ප්‍රජා අයිතිය අහෝසි වීමේ අවදානමකට පවා ජනාධිපති ලක් විය හැකි බවත්ය.

මේ අතර ජනාධිපති මාධ්‍ය අංශය පවසන්නේ පැවති පාර්ලිමේන්තුව කිසිසේත්ම නැවත කැදවන්නේ නැති බව ජනාධිපති ගෝටාභය රාජපක්‍ෂ මහතා විසින් හිටපු විපක්‍ෂ නායක සජිත් පේ‍්‍රමදාස මහතා වෙත දන්වා ඇති බවයි.

අදාල ලිපියට ජනාධිපති ලේකම් පී.බී. ජයසුන්දර මහතා විසින් යොමු කර ඇති පිලිතුරු ලිපිය මෙහි දැක්වේ.

**********

2020 අප්‍රේල් මස 30 වන දින

ගරු මංගල සමරවීර මැතිතුමා,
හිටපු පාර්ලිමේන්තු මන්ත්‍රී

ගරු මංගල සමරවීර මැතිතුමනි,

උද්ගතව ඇති අර්බුදය ව්‍යවස්ථානුකූලව විසඳීම සඳහා සහ රාජ්‍ය වියදම් අනුමත කිරීම සඳහා පාර්ලිමේන්තුව යළි රැස්කරන මෙන් ඉල්ලීම.

ඔබ විසින් 2020-04-28 දින ඉහත මැයෙන් අතිගරු ජනාධිපතිතුමා වෙත අමතන ලද ලිපිය හා සම්බන්ධවයි.

එම ලිපියේ අන්තර්ගත කරුණු වැරදි තොරතුරු රාශියක් ගොනුකර සකස් වී ඇති බව නීරක්ෂණය වන බවත් හා හිටපු මුදල් අමාත්‍යවරයා වශයෙන් එවැනි ලිපියක් ඉදිරිපත් කිරීම කනගාටුදායක කරුණක් බවත් ඔබ වෙත දන්වන ලෙස අතිගරු ජනාධිපතිතුමා මා වෙත උපදෙස් දී ඇත. එම ලිපියේ අන්තර්ගත කරුණු රැසක් අධ්‍යයනය කිරීමේදී පහත සඳහන් නිරීක්ෂණයන්ට එළඹීමට ද සිදු විය.

ඔබ දන්නා පරිදි 2015 බලයට පත් වූ රජයට දින 21කින් අයවැයක් ඉදිරිපත් කිරීමට හැකිවූයේ 2015 වර්ෂය සඳහා 2014 ඔක්තෝබර් මස විසර්ජන පනත හා අදාළ අයවැය ඇස්තමේන්තු සම්මත වී තිබූ පරිසරයක් තුළ බව සදහන් නොවීම.

2015 සිට 2019 දක්වා ඔබ හා ඔබට පෙර සිටි මුදල් ඇමතිවරයා විසින් පරිපූරක ඇස්තමේන්තු රාශියක් සෑම වර්ෂයකම ඉදිරිපත් කළ අතර අයවැය යෝජනා සඳහා අදාළ නීති කෙටුම්පත්ද පාර්ලිමේන්තුව විසින් නීතිමය තත්ත්වයන්ට පත්කර නොතිබුන බව.

2019 සඳහාඅනුමතවිසර්ජනපනතහාඅයවැයඇස්තමේන්තුතිබියදීත්නොගෙවූබිල්පත් ප්‍රමාණයරුපියල්බිලියන 182ක් වූ අතර ඒ හිඟ මුදල් පොහොර, ඖෂධ, වැඩිහිටි සහන හා විවිධ ඉදිකිරිම් සඳහා එම භාණ්ඩ හා සේවා සැපයුම්කරුවන්ට නොගෙවා තබුන බව සඳහන් නොවීම,

.බි. 211 කවිදේශණය ලබාගෙන අනුමත ප්‍රතිපාදන නොමැතිව ඒවා වියදම්කරතිබුණද රාජ්‍ යගිණුම්වලට ඇතුළත්නොකර ඇති බව ජාතික ආදායමේ වර්ධනය සියයට 5ක සිට සියයට 2.5 දක්වා වාර්ෂිකව දුර්වලවීම, රාජ්‍ය ණය හා අයවැය හිඟයන් වැඩිවීම ගැන හිටපු මුදල් අමාත්‍යවරයා වශයෙන් පැහැදිලි කිරීම් ලිපියේ ඇතුලත් කර නොතිබ,

හම්බන්තොට වරාය වැනි ජාතික වත්කම් විකුණා දැමුවද, එයින් ලද විදේශ මුදල් වලින් විදේශ ණය නොපියවීම ගැනද, ETIවැනි මූල්‍ය සමාගම් කඩාවැටී තැන්පත්කරුවන් අසරණභාවයට පත්වීම ගැනද කිසිදු සඳහනක් නැති බව,

පාර්ලිමේන්තුව විසුරුවන අවස්ථාවක විසර්ජන පණතක් සම්මත වී නැත්නම් ආණ්ඩුක්‍රම ව්‍යවස්ථාවේ 150(3) යටතේ ජනාධිපතිවරයාට අතුරු සම්මත ගිණුමක් මගින් අලුත් පාර්ලිමේන්තුවක් රැස්වී මාස 3ක කාලයක් සඳහා වියදම් කිරීමේ බලය පැවරී ඇති බවත් එය මීට පෙරද විසර්ජන පණතක් සම්මත වීමට පෙර පාර්ලිමේන්තුව විසුරුවා හැර ඇති සෑම අවස්ථාවකදීම ක්‍රියාත්මක කර ඇති අයවැය නීති රාමුව බව විශේෂයෙන් හිටපු මුදල් අමාත්‍යවරයා වශයෙන් ඔබ දන්නා බව නොහැඟවීම.

ජනාධිපතිවරණයෙන් පසු අතිගරු ජනාධිපතිතුමා නව රජයක් පිහිටු වීමෙන් පසු අමාත්‍ය මණ්ඩලයේ අනුමැතිය ඇතිව ගරු අගමැතිතුමා විසින් ඔබ මුදල් අමාත්‍යවරයා වශයෙන් සිටි කාලයද ඇතුළත්ව ගෙවීමට තිබු රු.බි. 182ක ප්‍රමාණයක හිඟ බිල්පත් හා රු.බි 211 ප්‍රමාණයක විදේශ ණය ව්‍යාපෘති මුදල් ගිණුම්ගත කිරීමට නීතිපතිතුමාගේ අනුමැතිය ද ඇතිව පාර්ලිමේන්තුවට ඉදිරිපත් කළ යෝජනාව ප්‍රතික්ෂේප කිරීම තුළින් ජනාධිපතිවරණයේදී බහුතර ජනතාවගේ ජනවරම නොසලකා හැරීමද කනගාටුවට කරුණක් බව අතිගරු ජනාධිපතිතුමා ඔබ වෙත දන්වන ලෙස මා වෙත උපදෙස් දී ඇත. එය 2015 දී පත්වූ ජනාධිපතිවරයාට පක්ෂව සිටි සුළුතර රජයට විපක්ෂය සහය දුන් ආකාරයට බෙහෙවින් පටහැනිය.

මේ සියල්ලටම වඩා නව ලිබරල්වාදී සමාජ හා ආර්ථික දර්ශණයක් තුළ කටයුතු කරන ඔබ වැනි උගත් හා බුද්ධිමත් මෙන්ම හිටපු මුදල් අමාත්‍යවරයා වශයෙන් ආර්ථිකය කළමනාකරණය කළ ජ්‍යෙෂ්ඨ දේශපාලනඥයෙක්, මැතිවරණය පවත්වා ජනතාවගේ ප්‍රජාතන්ත්‍රවාදී අයිතීන් තහවුරු කිරීමට පුරෝගාමීත්වය නොදෙන්නේ ඇයිද යන්න පිළිබඳ අතිගරු ජනාධිපතිතුමා කනස්සල පළ කරන බවද එතුමාගේ උපදෙස් පරිදි දැන්වීමට කැමැත්තෙමි.

මෙයට,
විශ්වාසී,

පී.බී. ජයසුන්දර
ජනාධිපති ලේකම්

440 views

70 Comments to “සාකච්චා නෑ.. කතාව අවසන්.. පැරණි පාර්ලිමේන්තුව කිසිසේත්ම නොකැදවන බව ජනපති දන්වයි.. මංගලගේ ලිපියට හැරෙන තැපෑලෙන් පිළිතුරු…”

  1. Lasath says:

    Hat’s off and we respect you Sir.

  2. නිශාන්ත says:

    විසුරුවා හැර ඇති පාර්ලිමේන්තුවක් නැවත කැදවන්නේ කෙසේද?? එය අවලංගු (මියගිය)පර්ලීමේන්තුවකි.
    2020 විසරපු පර්ලීමේන්තුව, 2015 විසරපු පාර්ලිමේන්තුව, 2010 විසරපු පර්ලීමේන්තුව ආදී සියලු පාර්ලිමේන්තු අවලංගු (මියගිය)පර්ලීමේන්තුවේ.
    එසේ නැවත කැදවන්වනම්, කුමන පාර්ලිමේන්තුව නැවත කැදවිය යුතුද ?? එසේනම් 2020 විසරපු පර්ලීමේන්තුව පමනක් නොවේ, 2015 විසරපු පර්ලීමේන්තුව, 2010 විසරපු පාර්ලිමේන්තුද නැවත කැදවා නීති සම්පාදනය කල හැකිය..
    2020 විසරපු පර්ලීමේන්තුවට පමනක් විශේෂත්වයක් හිමි නොවේ.

  3. Me says:

    My goodness! How do you know all these? Did MR tell you?
    Mind your own business without making unfounded statements.

  4. ඇත්ත යථාර්ය says:

    රටට දෝහි වූ හමුදාව පාවා දුන් මංගල අපේ රටට නොගැලපෙන් දේශපාලන අපතයෙකි.

  5. සමනා says:

    අන් පරිශීලක නාම වලින් ලිවීම වැළැක්වීම සඳහා ජාල පරිපාලකට යම් තාක්ෂණික ක්‍රියාමාර්ගයක් ගත නොහැකි ද?

  6. Jayawardena says:

    මේ වෙලාවෙ රට හා රටේ ජනතාව ගැන හිතල වැඩ කරන දේශපාලකයෝ කීයෙන් කීයද ඉන්නේ

  7. බතලපාලුවා says:

    අල බතලද මඥ්ඥොක්කා
    තම්බල කන සිඥ්ඥොක්කා
    අවමංගල පොර කක්කා
    ඒකා අපේ රට වික්කා

  8. තුනෙන් දෙක කෝ says:

    මම රෙද්දේ රෙවිලා ඉන්න වෙලාවේ ලියපු දේවල් ඉල්ලා අස්කරගෙන සමාව යදිමි.

    “අපිට හුස්ම ගන්න ඔක්සිජන් කෝ ?”
    [ගුටි කන මූණක් සහිතව.]

Main News