සැදෑ සමයේ ගෙදරට වී ඉන්න හිතුවේ.. ඒත් ජනතාව ඡන්දෙ දුන් නිසා අමාරුවෙත් තව වසර කිහිපයක් ඇමතිකම කරනවා..

August 17, 2020 at 3:50 pm | lanka C news
සැදෑ සමයේ ගෙදරට වී ඉන්න හිතුවේ.. ඒත් ජනතාව ඡන්දෙ දුන් නිසා අමාරුවෙත් තව වසර කිහිපයක් ඇමතිකම කරනවා..

වගකීමෙන් ඉන් නිදහස් වී නිදහසේ විවේකීව සැඳෑ සමය ගත කරන්න තමන් කල්පනා කර සිටියද ජනතාව ඊට ඉඩ නොදුන් බව ඇමැති නිමල් සිරිපාල ද සිල්වා මහතා සඳහන් කළේය.

බදුල්ලේ ජනතාව තමන්ට දැක් වූ ආදරය සෙනෙහස දෙස බැලූ විට දාලා යන්න පුළුවන් කමක් නැති බවත් අමාරුවෙන් හෝ තවත් වසර කිහිපයක් සේවය කරන්නට සූදානම් බවත් ඔහු පැවසීය.

ඇමැතිවරයා මේ බව කියා සිටියේ බදුල්ල ප්‍රාදේශීය සභාවේ දී පැවති පිළිගැනීමේ උත්සවයක් අමතමිනි.

ආර්ථික අසීරුතාවයකට රට පත්ව ඇතත් සංවර්ධන කටයුතු ඉදිරියට ගෙන යන බවත් සෑම කරුණක දී ම තමන්ට දුන් සහ තම පක්ෂය වෙනුවෙන් කැපවුනු යට ප්‍රමුඛතාවය ලබා දෙන බවද ඔහු සඳහන් කළේය.

31,906 views