සිංහරාජ ජලාශ එපා.. යුනෙස්කෝව දන්වයි… ව්‍යාපෘතිය නවතයි…

March 26, 2021 at 8:40 am | lanka C news
සිංහරාජ ජලාශ එපා.. යුනෙස්කෝව දන්වයි… ව්‍යාපෘතිය නවතයි…

ලෝක උරුම සිංහරාජය ආශ්‍රිත ලංකාගම මාදුගැටේ ඉදිකිරීමට සැලසුම් කළ ජලාශ ව්‍යාපෘතිය නවතා දැමීමට වාරිමාර්ග අමාත්‍ය චමල් රාජපක්ෂ එකඟ වූ බව යුනෙස්කෝ ශ්‍රී ලංකා නියෝජිත ආයතනය පවසයි.

ඇමතිවරයා සමග පැවති සාකච්ඡාවකින් අනතුරුව එවැනි එකඟතාවකට පැමිණි බව ශ්‍රී ලංකා යුනෙස්කෝ ජාතික කොමිෂන් සභාවේ මහ ලේකම් ආචාර්ය පුංචිනිලමේ මීගස්වත්ත බීබීසී සිංහල සේවයට කියා සිටියේය.

“අපි යුනෙස්කෝ ආයතනය, ගරු චමල් රාජපක්ෂ ඇමතිතුමා එක්ක සාකච්ඡාවක් කර පැහැදිලි කළා, ඒක කරන එක සුදුසු නැහැ කියලා. ඇමතිතුමා ඒක පිළිගත්තා. ඒ අනුව සිංහරාජයේ කිසිම ජලාශයක් හදන්නේ නැහැ. ඒ විතරක් නෙමෙයි සිංහරාජ ලෝක උරුමයට කිසිම අනතුරක් වෙන්න ඉඩ තියන්නෙත් නැහැ. රජයත් එහෙමයි, ඇමැතිතුමාත් ඒ දේ පිළිගත්තා. අපිත් ඒ පිළිබඳ විමර්ශනයෙන් ඉන්නේ,” යනුවෙන් ඔහු වැඩිදුරටත් සඳහන් කළේය.

එවැනි එකඟතාවකට පැමිණියේ නම් ඒ බව ලිඛිතව ප්‍රකාශයට පත් කරන ලෙස පරිසර සංවිධාන, ආචාර්ය පුංචිනිලමේ මීගස්වත්ත ඇතුළු යුනෙස්කෝ ශ්‍රී ලංකා නියෝජිත ආයතනයෙන් ඉල්ලා සිටී.

ලෝක උරුම සිංහරාජ වනාන්තරය ආශ්‍රිතව දියත් කිරීමට නියමිත ජලාශ ව්‍යාපෘති නවතා දමන්නැයි ශ්‍රී ලංකා රජයට බල කරන ලෙස ශ්‍රී ලංකාවේ පරිසරවේදීන් සහ පරිසර සංවිධාන ගණනාවක් පැරිසියේ පිහිටි යුනෙස්කෝ මූලස්ථානයට ඉල්ලීම් ඉදිරිපත් කර තිබිණි.

පරිසර සහ සොබාදහම් අධ්‍යයන මධ්‍යස්ථානය ද එසේ යුනෙස්කෝ සංවිධානය වෙත කරුණු වාර්තා කළ එක් පරිසර සංවිධානයකි.

අදාළ ජලාශ ව්‍යාපෘතිය නවතා දැමීමට යුනෙස්කෝ සංවිධානයේ ශ්‍රී ලංකා නියෝජිත ආයතනය මැදිහත් වී ඇත්නම් එය සතුටට කරුණක් වන බව සොබාදහම් අධ්‍යයන මධ්‍යස්ථානයේ ජාතික සම්බන්ධීකාරක ආචාර්ය රවීන්ද්‍ර කාරියවසම් බීබීසී සිංහල සේවය වෙත පැවසීය.

එසේ වුවත් යුනෙස්කෝ සංවිධානයේ ශ්‍රී ලංකා නියෝජිත ආයතනය අතීතයේ කටයුතු කර ඇති ආකාරය දෙස බැලීමේදී එම ආයතනය ලබා දෙන සහතිකයන්හි වලංගුභාවය පිළිබඳ ගැටලු මතුවන බව ඔහු පෙන්වා දෙයි.

“මහ ඈතකට යන්නේ නැතුව 2020 අවුරුද්දේ, ලංකාගම මාර්ගය හදන විටත් යුනෙස්කෝ ලංකාවේ කාර්යාලය එවැනි ප්‍රකාශ සිදු කළා. නමුත් මේ ජලාශ ව්‍යාපෘති නවතා දැමීමට එකඟ වී ඇත්නම් එය ඉතාමත් හොඳ දෙයක්,”

හුදු “දේශපාලන ප්‍රකාශයකට” සීමා නොවී, සැබවින්ම එවැනි එකඟතාවකට පැමිණ ඇත්නම් ඒ බව ලිඛිතව ප්‍රකාශයට පත් කරන ලෙස සොබාදහම් අධ්‍යයන මධ්‍යස්ථානය, යුනෙස්කෝ ශ්‍රී ලංකා නියෝජිත ආයතනයෙන් ඉල්ලා සිටී.

“වන සත්ත්ව සහ වෘක්ෂලතා අඥා පනතට අනුව රක්ෂිතයක, අභය භූමියක කිලෝමීටරයක් යන තුරු කිසිම ඉදිකිරීමක් කරන්න හැකියාවක් නැහැ. ඒ නීතිය පදනම් කරගෙන යුනෙස්කෝ ශ්‍රී ලංකා කාර්යාලයට පුළුවන් ලෝක උරුම රක්ෂිතයේ මායිමට හෝ අභ්‍යන්තරයට යම් හානියක් වෙන්නේ නම්, එවැනි ව්‍යාපෘතියක් සිදු නොවන බව ඉංග්‍රීසි භාෂාවෙන් සහ සිංහල භාෂාවෙන් ලිඛිතව ප්‍රකාශයට පත් කරන්න,”

“ඒ ලියුම අරගෙන, ලංකාවේ යුනෙස්කෝ කාර්යාලයේ එකඟතාව මෙය බව පැරිසියේ යුනෙස්කෝ මූලස්ථානයට දැනුම් දී, සිංහරාජ ලෝක උරුමය ආරක්ෂා කිරීමේ කාර්යයට එකතු වෙන්න, එවිට අපි සියලු දෙනාටම හැකි වෙනවා,” යනුවෙන් ආචාර්ය රවීන්ද්‍ර කාරියවසම් වැඩිදුරටත් සඳහන් කළේය.

යුනෙස්කෝ ශ්‍රී ලංකා නියෝජිත ආයතනය දේශපාලන බලපෑම්වලට ලක්ව ක්‍රියා කරන බවට පසුගිය කාලය පුරා පරිසරවේදීන් සහ පරිසර සංවිධාන වෙතින් චෝදනා එල්ල විය. ශ්‍රී ලංකා යුනෙස්කෝ ජාතික කොමිෂන් සභාවේ මහ ලේකම් ආචාර්ය පුංචිනිලමේ මීගස්වත්ත එම චෝදනා ප්‍රතික්ෂේප කළේය.

මාදුගැටේ ජලාශ ව්‍යාපෘතිය හේතුවෙන් සිංහරාජ රක්ෂිතයේ හෙක්ටයාර 5 ක පමණ භූමි ප්‍රමාණයකට බලපෑම් එල්ල වන බව යුනෙස්කෝ ශ්‍රී ලංකා ආයතනය පවසයි.

අදාළ ජලාශ ව්‍යාපෘති සඳහා අවසර ලබා දීමට ඇති හැකියාව පිළිබඳ විමසමින් පැරිසියේ පිහිටි යුනෙස්කෝ මූලස්ථානය (ලෝක උරුම කමිටුවට) වෙත නිල වශයෙන් ලිපියක් යොමු කර ඇති බවත් ආචාර්ය පුංචිනිලමේ මීගස්වත්ත වැඩිදුරටත් පැවසීය.

ලෝක උරුම සිංහරාජ වනාන්තරය ආශ්‍රිතව ජලාශ දෙකක් ඉදි කිරීම සඳහා වූ සැලසුම පිළිබඳ අමාත්‍ය චමල් රාජපක්ෂ පසුගියදා වීරකැටියේ පැවති උත්සවයකදී අදහස් පළ කිරීමත් සමග ඒ හේතුවෙන් ලෝක උරුම සිංහරාජ රක්ෂිතයට සහ එහි පරිසර පද්ධතියට විය හැකි බලපෑම සම්බන්ධයෙන් දැඩි විරෝධයක් එල්ල විය.

අදාළ ජලාශ ව්‍යාපෘති සඳහා සැලසුම් සකස් කිරීම චීන සමාගමක් විසින් සිදු කරනු ලබන බවත් ඇමතිවරයා එහිදී පැවසීය.

– BBC

28,672 views

9 Comments to “සිංහරාජ ජලාශ එපා.. යුනෙස්කෝව දන්වයි… ව්‍යාපෘතිය නවතයි…”

  1. කැප්පෙටිපොළ says:

    අල්ලා කියන මාරයාට රුපයක් තියෙනවා
    අල්ලා රුපද අරුපද මෙයට උත්තරයක් දෙන්න මරික්කාර්ට පුලුවන්ද මරික්කාර් හිතාගෙන ඉන්නෙ අල්ලා අරුප කියලා.අරුප වශයෙන් තියෙන්නෙ හිස් ආකාශය විතරයි අනිත් දේවල් හිතේ කොටස්. අල්ලා කියනවානම් අරුප කියලා එතකොට අල්ලගෙ සිත තියෙන්නෙ කොහෙද අනිවාර්යයයෙන්ම කතෝලික දෙවියන් වහන්සේ වගේ රුපයක් තුල විය යුතුයි. නමුත් සිත තනියම නැත රුපය සමග සම්බන්ධ වි ඇත. මුස්ලිම් අයට වඩා කතෝලික අයට දැනුම තියෙනවා. මොකද රුපයෙන් තොරව දෙවියන් වහන්සේට ඉන්න බැ. එතකොට කතෝලික දෙවියන් වහන්සේ වරදින්නෙ ඇයි. මොකද රුපයට ආයුෂ තියෙනවා. එය විස්වාස නොකරනවා කියන්නෙ සදාකාලික රුප ඇතයි කියන මිත්‍යාදෘෂ්ටියයි. කතෝලිකඅයට තියෙන්නෙ මෙයයි.

  2. sand man says:

    apo ekath reverse paw appa

  3. SL says:

    ජලපෝෂක ඇතුලට ගිහින් වැවු හදන්න කිසි උවමනාවක් නැහැ , අපි යන්නෙම වැරදි පාරක. හේතුව
    දේශපාලකයින්ගේ තියෙන පුදලික උවමනා .

    වැරදියට ගත්තු තීරණ නිසා පරිසරයට ,රටට වෙලා තියෙන හානිය දැන් වත් තේරුම් අරගෙන හරියට වැඩ කරන්න .භූතානයෙන් වත් ඉගෙන ගන්න

    මහවැලියට කලින් කඳුකර ප්‍රදේශ වල තිබුණු කැලා නිසා අපිට වසර පුරා නොසිදෙන උල් පත් තිබුන ,මහවැලියත් එක්ක ආපු පයිනස් වගාව නිසා සහ කැලා විනාශයත් එක්ක ඒ සියල්ල හිඳිලා ගිහින්.

    1985 ට පෙර කඳුකර ප්‍රදේශ වල හිටපු යට මේ වෙනස ගැන හොඳ අවබෝධයක් තියෙනවා .කනගාටුවට කරුණ නම් ඇමති වරයා ගේ පටු තේරුම් ගැනීම හෝ වෙනයම් පුද්ගලික වරප්‍රසාදයක් වෙනුවෙන්
    සිංහරාජය තුල මෙවැනි විනාශයකට මුලපිරීම
    තියෙන ස්වබාවික වනාන්තර වලට අත නොතියා ප්‍රශ්න විසදන්න ඕනේ තරම් අවස්ථා තියෙනවා.

  4. lotus says:

    යුනෙස්කෝ එකට අයිතිය මොකද්ද අපේ රටේ සන්වර්දන වැඩ නවත්වන්න. සුද්දන්ගෙ ඉරිසියාව.

    අපිට ඕන කැලයක් අපි කපනවා. හරියට තලේබාන්ලා බාමියන් බුද්ධ ප්‍රතිමාව විනාශ කල වගේ. උන්ගේ ප්‍රතිමා උන්ට ඕනෙනම් විනාශ කළා.

  5. නවීන් says:

    2014 ජනාධිපතිවරණය කාලෙ චීනාට දීපු රුපියල් බිලියන 4 ඉල්ල ගන්නවද රාජපක්ශලමනෙ දුන්නෙ

  6. Sun says:

    Most of these low educated ministers do not know where we are getting the water. That is the main problem we have. That is why they do not care about the forestry and chopping down trees.

  7. Aurora says:

    ආණ්ඩුවක් හරියට ආණ්ඩු කලේ නැතිනම් බාහිර අතපෙවීම් සිදුවෙනවා. ඒ බව සිහියේ තබාගෙන ආණ්ඩු කලොත් නම්බුව බේරගන්න පුළුවන්. නැතිනම් රටට පමණක් නොවේ ලෝකෙම ඉදිරියේ පච වෙනවා. පාර්ලිමේන්තුවේදී බහුතරයත්, හයියෙන් කෑගහන්න පුලුවන්කමත් පාවිච්චි කරලා විරුද්ධ මත යටකරන්න පුළුවන් වුනත් ඒ ලබන ජය තුට්ටුවක්වත් වටින්නේ නැහැ ජනතාව ඉදිරියේ සහ ජාත්‍යන්තර ප්‍රජාව ඉදිරියේ.

  8. දිනේෂ් ගයාන් ඩුබායි says:

    දැන් සින්හරාජයේ වැව් සෑදීම නැවැත්තූ චමල් ඇමතිතුමාට අපේ උපහාරය කියල පොස්ට් පෝස්ටර් ගහවි බයි වහල්ලු .එගෙව් ගොන් බාන

  9. වාසනාවන්ත රටක අවාසනාවන්ත මිනිස්සු says:

    // අදාළ ජලාශ ව්‍යාපෘති සඳහා සැලසුම් සකස් කිරීම චීන සමාගමක් // චීන , ඉන්දියා සාපෙන් ගැලැවෙන්න යුරෝපය වෙත ලඟාවෙමු

Main News