සිංහලයන් ලෝකයෙන් වදවී යාම අභියසයි..- කතානායක

July 20, 2018 at 3:00 pm | lanka C news
සිංහලයන් ලෝකයෙන් වදවී යාම අභියසයි..- කතානායක

ලෝකයේ ජාතීන් 03 ක් වදවීයාමේ තර්ජනයට මුහුණ දී සිටින බව විද්‍යාඥයින් අනාවරණය කර ඇත්තේ මින් දශක 04 කට පමන පෙර බවත්, ඇස්කිමෝවරු,ඇමෙරිකාවේ රතු ඉන්දියන්වරු හා ලංකාවේ සිංහලයින් ඒ අතර වන බවත්, වර්තමානයේ සමාජයේ ඇති වන සමහර සිද්ධීන් දුටුවිට අප එම භයංකාර ඉරණම වෙත යන්නේ දැයි යන තිගැස්ම ඇති වන බවත්, කථානායක කරු ජයසුරිය මහතා පැවසීය.

කථානායකවරයා මේ බව පැවසූවේ අම්පාරේ දී සමාරම්භ වූ ශ්‍රී ලංකා රාමඤ්ඥ මහ නිකායේ වාර්ෂික උපසම්පදා උත්සවයේ ප්‍රධාන ආරාධිතයා ලෙස එක් වෙමිනි.

පූරා දින 07 අම්පාර නගර මධ්‍යයේ එච්.එම් වීරසිංහ ක්‍රිඩාංගනය, දහම් මැදුර විහාරස්ථානය හා ගල් ඔය නදිය මත ඉදි කෙරුණු සුවිසල් සීමා මාලකයක් මත හාර සියයකට අධික සාමනේර හිමි වරුන් උපසම්පදා කිරීම වෙනුවෙන් පැවැත්වෙන මෙම උත්සවයේ සමාරම්භය ඊයේ පස්වරුවේ සිදු වූයේ අම්පාර එච්.එම් වීරසිංහ ක්‍රිඩාංගනයේ දහස් සංඛ්‍යාත භික්ෂුන් වහන්සේලා හා බැතිමන්තගේ සහභාගීත්වයෙනි.

නිකාරක්ෂක සභාවේ සභාපතිවරයා ලෙස සිය දෙසුම පැවැත්වූ කථානායවරයා සදහන් කලේ භික්ෂුන් වහන්සේලා හා අන් සියළු ආගමික නායකයින් ක්‍රීයාත්මක වියයුතු තීරණාත්මක අවස්ථාවකට සමාජය එලඹ ඇති බවයි.

ඉතිහාසයේ පලමු වරට නැගෙනහිර පලාතේ මෙවන් මහා උපසම්පදා විනය කර්මයක් සිදු කීරිම අතිශයින් වැදගත් අවස්ථාවක් බව පෙන්වාදුන් කරු ජයසුරිය මහතා මෙසේ ද පැවසීය…..

ඉතිහාසය දිහා බලනවිට 1863 ජූලි 13 ආරම්භ කර අද පැවැත්වෙන 71 වැනි උත්සවය දක්වා ඉතා සාර්ථක උපසම්පදනා උත්සව අප නිකායෙන් පැවැත්වුවා. එය අපට සතුටුවිය හැකි කරුණක්. එදා සිට අද දක්වා ධර්මධර, විනයධර, බුද්ධිමත් මහා නාහිමිපාණන් වහන්සේ‍ලාගේ නායකත්වයෙන් මහා තෙරුන් වහන්සේලා නිකායට ගෞරවයක් ලබා දුන්නා. ශාසනය ශෝභාමත් කළා. නිකායේ දියුණුවට, අභිවෘද්ධියට මේ කරුණු හේතු වුණා.

71 වැනි උපසම්පදාව නැගෙනහිර ප්‍රදේශයේ පැවැත්වීමට ගෞරවනීය මහා නාහිමිපාණන්වහන්සේ ප්‍රමුඛ සංඝ සභාවේ තීරණයට මා ගරු කරනවා. නැගෙනහිර පවත්වන 1 වැනි අවස්ථාව මෙයයි. මේ ප්‍රදේශයේ පුරාවස්තු ආරක්ෂා කර ගැනීම අපේ යුතුකමක්. මේ ප්‍රදේශයේ නොයෙකුත් දුෂ්කරතා මධ්‍යයේ ජිවත්වන භික්ෂූන්වහන්සේලා ඇගයීමක් මේ තුලින් සිදුවෙනවා.

ත්‍රස්තවාදීන් විසින් ආගමික සිද්ධස්ථාන වලට හානි කර තිබෙනවා. මේවා රැක ගැනීම අපගේ යුතුකමක්. අප විසින් ජනතා සිතුම් පැතුම් යහමගට ගෙන ඒමට ක්‍රියා කිරීමේ කාලය දැන් පැමිණ ඇති බව මගේ හැඟීමයි. සමාජයේ සාරධර්ම විශාල ලෙස පිරිහෙමින් පවතිනවා. මේවා දකින විට අපට ඇතිවන්නේ මහා වේදනාවක්. එදා අප දුටු මිනිස්කම අගයන සමාජය වෙනුවට මුදලට යටවෙන ආත්මාර්ථකාමී සමාජයක් ඇති වෙමින් පවතිනවා. මේ පිරිහීමේ ලකුණු.

මෙහිදී මා කීපවිටක්ම සඳහන් කළ නමුත් අවාසනාවට මාධ්‍යයේ හා ජනතාවගේ අවධානය මෙම බැරෑරුම් කරුණ කෙරෙහි අවධානය යොමු වී නැහැ. ජාතීන් තුනක් ලෝකයෙන් තුරන් වන බවට මීට දශක හතරකට පමණ පෙර ඇමෙරිකාවේ විශ්ව විද්‍යාලයක් මගින් කළ පරීක්ෂණයකදී හෙළි වී තිබෙනවා. එනම් …,ඇස්කිමෝවරු,ඇමෙරිකාවේ රතු ඉන්දියන්වරු හා ලංකාවේ සිංහලයින් මේ පණිවිඩය තවමත් රටට ගිහින් නැහැ.

මෑත යුගයේදී අපි දකින සිද්ධීන් ගැන හිතන විට සාමාන්‍ය පුද්ගලයෙකුට පවා මෙහි බැරෑරුම්කම වැටහෙනවා. මහා සංඝරත්නය ඇතුළු ආගමික නායකයින් මෙන්ම බුද්ධිමත් ප්‍රජාව වහා ක්‍රියාත්මක නොවුනහොත් ප්‍රතිඵල භයංකාර වෙන්නට පුලුවන්. සහෝදරයින් එක්ව සිය දෙමාපියන් මරන, කුඩා දරුවන් සිය පවුලේ සාමාජිකයන් විසින්ම දූෂණය වන, දෙමාපියන් දම්වැල් දමා බැඳ දමන තම කුඩා දරුවන්ට මත්පැන් පොවන සමාජයක්, පටු ජාති, ආගම්වාදී හැඟීම් ඇති කරන එකිනෙකා විනාශ කර ගන්නා ජාතියකට හෝ දේශයකට අනාගතයක් ගැන හිතන්න බැහැ.

මෑතකදී රටේ සමහර ප්‍රදේශවල ඇති වූ ජාතිවාදී කලබල නිසා රටේ ප්‍රතිරූපයට විශාල හානියක් සිදු වුනා. එම කලු ලප මකා ගැනීමට බොහෝ කල් ගත වේවි. රටේ වාසනාවට මේ අවස්ථාවේ අති ගෞරවනීය මහා නායකහිමිපාණන් ඇතුළු මහා සංඝ රත්නයත්, අන්‍ය ආගමික නායකවරුනුත් එක හඬින් කියා සිටියේ නැවතත් මේ රට විනාශ කිරීමට ඉඩ නොදිය යුතු බවයි. පක්ෂ භේදයකින් තොරව පාර්ලිමේන්තුවේ සියළුම දේශපාලන නායකයින් මේ මතයේ දැඩිව සිටිය යුතුයි. මෙහි ප්‍රථම පියවර වශයෙන් පාර්ලිමේන්තුවේ ස්ථාවර කාරක සභාවක් ඇති කර ඉදිරියේදී මෙරටින් ජාති ආගම් බේද හා ගැටුම් සදහටම තුරන් කර ගතහොත් එය

ඊළඟ පරපුරට අප විසින් දිය හැකි උතුම්ම දායාදය වෙනවා. අපේ පැතුම මෙරට ලෝක බෞද්ධ උරුමයේ මුදුන්මල් කඩ කරන්න.

කොතරම් ගැටළු තිබුණත් ලෝක බෞද්ධ නායකත්වය ලංකාව වෙත එමින් තිබෙනවා. (MODI) පිරිසිදු නිර්මල බුදුදහම රැකීමේ විශාල වගකීම අපට පැවරී තිබෙනවා. එය රැක ගැනීමට විනයගරුක, නීතිගරුක සමාජයක් ඇති කළ යුතුයි. එවැනි සමාජයක් ඇති කිරීම රජයේ යුතුකමක්. අද පූර්ණ ස්වාධීන අධීකරණයක් මෙරට ස්ථාපිත වී තිබෙනවා. පැවිදි සමාජයේ විනය ස්ථාපිත කිරීම පිණිස නිකාය කතිකාවන් බලගන්වන ලෙස අති ගෞරවනීය මහා නාහිමිපාණන් විසින් ප්‍රසිද්ධ ප්‍රකාශයකින් ඉල්ලා සිටිනවා. මෙය වැදගත් පියවරක් වශයෙන් මා දකිනවා. සිවුරේ මුවාවෙන් මුළු ශාසනයටම අපකීර්තියක් ගෙන එන සිද්ධීන් මෑතක සිට වැඩිවෙමින් පවතිනවා. අද පළ වූ පුවත්පතකින්ද එවැනි සිද්ධියක් වාර්තා වී තිබෙනවා.

තරුණ භික්ෂූන් වහන්සේලා පෙළපාලි යමින් රන්ඩු සරුවල් කරමින් සමහර අවස්ථාවලදී චීවරයට අගෞරවයක් ගෙන එන අවස්ථා දකින විට අපට ඇතිවන්නේ මහත් වේදනාවක්. පසුගියදා දකුණේ විශ්ව විද්‍යාලයක ඇති වූ අශෝභන සිද්ධියක් ගැන අසා අප කම්පා වුණා. මේ ගැන උත්තරීතර සංඝ සමාජයේ ඇති වී තිබෙන කම්පාව අපි දන්නවා.

නිකායක් වශයෙන් රාමඤ්ඤ නිකාය අද ශක්තිමත් වී තිබෙනවා. අංග සම්පූර්ණ සංඝ මූලස්ථානයක් වගේම ශාසන උන්නතිය වෙනුවෙන් විශාල වැඩ කොටසක් අද ඉටුවෙමින් පවතිනවා. අති ගෞරවනීය මහ නාහිමිපාණන්‍ වහන්සේ ඇතුළු කාරක සංඝ සභාවේ අනුශාසනා ලබමින් මහා ලේඛකාධිකාරී හිමිපාණන් ප්‍රමුඛ පැමිණි නිලධාරී මණ්ඩලයත්, නිකායාරක්ෂක සභාවත් මේ කටයුත්තේදී පෙරමුණ ගෙන තිබෙනවා. ඒ වාගේම අප නිකායට ආවේනික චාරිත්‍ර සිරිත් විරිත් අපි ඊළඟ පරපුරටත්, නූපන් පරපුරටත් රැක දිය යුතුයි. පාත්තරයත් ගොටු අත්තත් නිකායේ සංකේත. උපසම්පදා ලබන සෑම හිමිනමකටම ගොටු අත්තක් ලබා දීමට කටයුතු කරනවා.

අනාගතය ගැන සිතන විට රාමඤ්ඤ නිකාය විනය සංඝායනාවකට මුල් වීම ඉතාමත්ම යෝග්‍ය බව ගිහියෙකු වශයෙන් අප විශ්වාස කරනවා. ශාසනය රැකගැනීම වෙනුවෙන් කෙරෙන විශාල යුග මෙහෙවරක් වශයෙන් එවැනි ක්‍රියාවන් ඉතිහාසගත වන බව අපගේ හැ‍ඟීමයි. නැගෙනහිරට පැමිණ අප ආපසු යන්නේ විශාල මානසික තෘප්තියකින්. අති දුෂ්කර කාර්යභාරයක් හරහා මේ ප්‍රදේශයේ ශාසනික ප්‍රබෝධයක් මෙම උපසම්පදා උළෙල තුලින් ඇති වෙනවා. එහි ප්‍රතිඵල අනාගතයේදී දකින්නට ලැබේවි.

– චමින්ද ගමගේ

94 views

17 Comments to “සිංහලයන් ලෝකයෙන් වදවී යාම අභියසයි..- කතානායක”

  1. Gongalegoda Banda says:

    Meka moda harekek.
    Oya wage un lakawe hitiyoth sinhalayo neme mulu lankawama evari

    • නානසාර says:

      සිංහලය ආරක්ෂාකරන්න පුළුවන් තරම් ළමයි හදපල්ලා. බැරිනම් මට කියපල්ල

  2. Amda says:

    ඒකට වග කියන්න ඕනෙ තමුන් ඇතුලු තමාගෙ හිරිකොත නඩය.

  3. tikka says:

    පාර්ලිමේන්තුවේ මෙතෙක් බිහිවූ පක්ෂපාතීම සහ ප්‍රජාතන්ත්‍ර විරෝධී කූටප්‍රාප්ත කතානායක ලෙස ඔබ තුමා ඒ වඳවීමේ විශාල හවුල්කරුවෙක්.. මේ ගිය සතියේ සිංහල මන්ත්‍රීවරයෙකුට පාර්ලිමේන්තුව තහනම් කරා.. ඒත් ඒකට හේතුවුන දමිළ මන්ත්‍රිනියට විරුද්ධව කිසිම වගවිභාගයක් අදටත් නෑ… විහිළු තමයි.. ඔය හාමුදුරුගොල්ලන්ට කියනවා ඉස්සෙල්ලා ඔය නිකාය භේදය අවසන් කරන්න කියලා .. එතකොට අපිට පිලිගන්න පුලුවන් හාමුදුරුවො නියම බුද්ධ පුත්‍රයො කියල..

  4. we all know about it exept your idiotic leader with his gang and you. you all are bullshits and get loss from the country because you idiots are destroying our motherland

  5. Fernando says:

    Very good.This lazy buggars should vanish from the earth.

  6. ajith says:

    I read a UN published document at the University of Tokyo library in early 90ies. It had projected that SL population will be stagnent ( no increse) from 2025. However it is happening as Sinhala Population declining, muslim population inctesing and Tamil poulation mor or les same. So everyyer Sihal ppopulation goes douwn and muslim population increses. But Total Sl polulation will not increse. After 10 -15 years Musim population will be the majority and sinhala polulation will go down further. Eventually this contry will be Muslim country. Miniority sinhala people will be mor or less villege bound poor flock.

  7. Anuradha says:

    එකෙක්වත් ශ්‍රේෂ්ඨාධිකරණයේදී සිංහලෙන් වැඩ කරන්න එපා…සිංහලයන් වදවී යාම ශක්තිමත් කරමු.

  8. රොන් says:

    මේ විදිහට රට විකුණනකොට සිංහල අපි මිහිපිටින් තුරන්වෙන එක පුදුමක් නොවෙයි.

  9. Nandasoma Suriyaarachchi says:

    ෙම් වගේ ජාතිද්‍රෝහී ආණ්ඩුවක් තියෙන අවස්ථාවක එහෙම හිතෙන එක සාධාරණයි……!

  10. සිංහල බන්ඩා says:

    “අද පූර්ණ ස්වාධීන අධීකරණයක් මෙරට ස්ථාපිත වී තිබෙනවා. ” ඇය් ම‌ේ පච ක‌ෙලිිිින්න‌ෙ විජයකලාට ඒක නීතියක් . කරු න‌ොදන්නවට හාමුදුරුවන්ට තව නීතියක් බව අද කවුද න‌ොාදන්න‌ෙ

Main News