සිංහල ජනතාව ජාතිවාදීන් නොවේ.. – ෆවුසි

December 29, 2016 at 8:40 am | lanka C news
සිංහල ජනතාව ජාතිවාදීන් නොවේ.. – ෆවුසි

ජාති, ආගම් භේද නොතකා සියලු ජාතින් එකමුතුව කටයුතු කිරීමෙන් අනාගත පරම්පරාවට භියෙන් සැකෙන් තොරව ජීවත් වීමේ ශක්තිමත් වාතාවරණයක් ගොඩනැගෙන බව ජාතික ඒකාබද්ධතා සහ ප්‍ර‍තිසන්ධාන පිළිබඳ ගරු රාජ්‍ය අමාත්‍ය ඒ.එච්.එම් ෆවුසි මහතා පවසයි.

ඔහු මේ බව කියා සිටියේ ලොව විශාලතම කෘත්‍රිම නත්තල් ගස ඊයේ සිව්වැනි දිනයට විවෘත කිරීමේ අවස්ථාව හා එක්වෙමිනි.

“ ජනාධිපතිතුමා සහ අගමැතිතුමා අප සියලුදෙනාට සහෝදරයින් ලෙස ජීවත් වීමට හැකි වාතාවරණයක් අද සකස් කොට තිබෙනවා. මෙම නත්තල් ගස තුළිනුත් කියාපාන්නේ ඒකයි. වරාය අධිකාරියේ හෝ රජයේ කිසිඳු මුදලක් වැය නොකර අපේ සහෝදරයින්ගෙන් ලබා ගත් මුදල් වලින් මේ දැවැන්ත ගස හදලා තියෙනවා. දැන් වැඩි දෙනෙක් උත්සාහ ගන්නේ ජාති භේද, ආගම් භේද අවුස්සමින් දේශපාලන වාසි ලබා ගන්න. එය හොඳ දෙයක් නෙවෙයි. අපි සියලුදෙනාම ශ්‍රී ලාංකිකයෝ. අපිට දේශපාලන ප්‍ර‍තිපත්තියක් තිබිය යුතුයි. නමුත් ආගමික කටයුතුවලදී සහ ජාතික උත්සවයන්හිදී අපි සියලුදෙනාම එකා මෙන් සිටිය යුතුයි. මැතිවරණ කාලයට කළ යුත්තේ ඒ මැතිවරණ කටයුතු. නමුත් ඒ කාලයේදී ජාතිකත්වය මූලික කරගනිමින් ඡන්ද ලබා ගන්න උත්සාහ කරනවා. කොළඹ දිස්ත්‍රික්කයේ බොහෝමයක් සිංහල බෞද්ධ ජනතාව. ඒ වුණත් ඡන්දෙන් මම ජයග්‍ර‍ණය කළා. සිංහල බෞද්ධ ජනතාව කිසි දිනෙක ජාතිවාදී ගමනක් යන්නේ නැහැ. එක්කෙනෙක් දෙන්නෙක් ඉන්නවා ජතිවාදය අවුස්සමින් මේ රටේ සාමය නැති කරන්න උත්සාහ ගන්න. නමුත් අපි එයට ඉඩ නොදිය යුතුයි. අපි සියලු දෙනාම එකට සිටිය යුතුයි. ඉදිරි අවුරුදු 05දී රටේ ජනතාවට ජීවත් වීමේ අයිතිය උදා කර දෙමින් අතර ආර්ථිකය ද ශක්තිමත් කිරීමට කටයුතු කරනවා. අපි ජනතාවගෙන් ඉල්ලා සිටිනවා ජාතිය, ආගම ගැන සිතන්නේ නැතිව සියලු දෙනාම එක ජාතියක් ලෙස, ශ්‍රී ලාංකිකයින් ලෙස සිටින්නට අධිෂ්ඨාන කර ගන්නා ලෙස. ඒ ශක්තිය අපිට තියෙනවා නම් අපේ බාල පරම්පරාවට ප්‍ර‍ශ්නයකින් තොරව ජීවත් වීමේ හැකියාව ලැබෙනවා….” යැයිද අමාත්‍ය ඒ.එච්.එම් ෆවුසි පැවසීය.

– තමීර මංජු

12 views

3 Comments to “සිංහල ජනතාව ජාතිවාදීන් නොවේ.. – ෆවුසි”

  1. යුක්තිය says:

    අපි ජාති වාදීන් නම්, පිට රටවල් වලින් අාපු වෙනත් ජාතීන් අද මේ රටේ නෑ. අාපු දවස් වල ඉදන් අද වෙනකම් එලවල දාන්න, යටපත් කරන්න ඕන නම් අපිට තිබුන…බලයත් තිබුන…නැතුව නෙවේ…. ඒත් අපිට කලගුන සලකන්නෙ කොහොමද…? රනිල අල්ල ගෙන අපිට මේ රටේ තියෙන පෞරානික උරැමය විනාශ කරල මේ රටේ අපිට තියෙන අයිතිය උදුරගන්න බලන්නෙ…

  2. raavna says:

    අර ඉන්ටනැෂනල් සරුවාගමික හිංගල පිම්පියන්ට මේවගේ කතා මැජික්. යටින් ගේම දෙන ගමන් හිංගල පිම්පියන්ව ඇන්දීම තමා මෙවැනි කතාවන්ගේ එකම අරමුණ.

  3. Ruwan says:

    ela fowzie

Main News