රවි නාමිකව ඇමති ධූරයෙන් ඉල්ලා අස්වේ.. මාස 3 කින් නැවත ලැබෙන පදනම් මත සියලු අමාත්‍ය වරප්‍රසාද භුක්ති විදිමේ අයිතිය..

August 10, 2017 at 9:20 am | lanka C news
රවි නාමිකව ඇමති ධූරයෙන් ඉල්ලා අස්වේ.. මාස 3 කින් නැවත ලැබෙන පදනම් මත සියලු අමාත්‍ය වරප්‍රසාද භුක්ති විදිමේ අයිතිය..

ජනාධිපති සහ අගමැති සමඟ රවි කරුණානායක අමාත්‍යවරයා පැවත්වු සාකච්ඡාව සඳහා අතරමැදියකු ලෙස රාජිත සේනාරත්න අමාත්‍යවරයා සහභාගි වී දෙපාර්ශ්වයටම වාසි Win Win Situation වන අන්දමින් කොන්දේසි සහිත අවබෝධතාවයකට එලබීමෙන් පසුව මාස 3 ක් සඳහා තාවකාලිකව සියලුම අමාත්‍ය වරප්‍රසාද සහිතව වැඩබලන අමාත්‍යවරයෙකු පත්කරන පදනම මත අද සවස විශේෂ ප්‍රකාශයක් කරමින් සමස්ථ ආණ්ඩුව බේරාගැනිමේ අරමුණෙන් ඉල්ලා අස්වීමට තීරණය කොට ඇත.

එල්ල වී ඇති චෝදනාවන් සම්බන්ධයෙන් වන පරීක්‍ෂණ අවසන් වන තෙක් ඇමති ධුරයෙන් ඉල්ලා අස්වීම සදහා විදේශ ඇමති රවි කරුණානායක මහතා විසින් කොන්දේසි කිහිපයක් ඉදිරිපත් කර ඇත.

ඇමති ධුරයෙන් ඉල්ලා අස්වුවත් ඇමති කාර්ය මණ්ඩලය ඇතුළු ඇමතිවරයෙකුට හිමි සියළු වරප‍්‍රසාද එම කාලය තුදීද ලබා දීම, තුන් මාසයක කාලයක් තුල බැදුම්කර කොමිසමේ කටයුතු අවසන් කිරීම ආදී කොන්දේසි කිහිපයක් ඇමතිවරයා විසින් ඉදිරිපත් කර ඇතැයි පැවසෙයි.

ඇමතිවරයා සියලු චෝදනාවලින් නිදහස් වනු ඇති බවටද සහතිකයක් ලැබී ඇතැයිද වාර්තා වන අතර බැදුම්කර වංචාවට සම්බන්ධ අන් පුද්ගලයින්ගේ නම් හෝ සම්බන්ධතා ප්‍රසිද්ධ නොකිරීමට කරුණානයක අමාත්‍යවරයා එකග වී ඇති බවටද වාර්තා පලවෙයි.

කෙසේ වෙතත් විපක්‍ෂය චෝදනා කරන්නේ මෙතරම් බරපතල චෝදනා තිබියදී ඇමතිවරයා වහා අත්අඩංගුවට ගෙන රක්‍ෂිත බන්ධනාගාර ගත කර ඉදිරි පරීක්‍ෂණ කල යුතු බවත් එසේ නොවන්නේ නම් ඇමතිවරයා විසින් චෝදනාවට අදාල සාක්‍ෂි විනාශ කිරීම, සාක්‍ෂිකරුවන්ට බලපෑම් කිරීම සිදු කරනු ඇති බවත්ය.

146 views
Main News