සිරිසේන ගත්තේ පඹයගේ වැඩේ කරවාගන්නයි.. උකුස්සන්ට, කටුස්සන්ට මනාප දෙන්න එපා..

March 15, 2020 at 1:20 pm | lanka C news
සිරිසේන ගත්තේ පඹයගේ වැඩේ කරවාගන්නයි.. උකුස්සන්ට, කටුස්සන්ට මනාප දෙන්න එපා..

උකුස්සන් හා කටුස්සන් පොහොට්ටුවට එක්වෙමින් සිටින බවත් ඉදිරි මහා මැතිවරණයේ දී උකුස්සන් හා කටුස්සන් පාර්ලිමේන්තුවට යැවීමෙන් වළකින ලෙසත් කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා ඉල්ලයි.

ඔහු පෙන්වා දෙන්නේ අනාගත අභියෝග හා අවධානම ගැන සලකා මහින්ද රාජපක්ෂ මහතා අතහැර නොයන පිරිසක් පාර්ලිමේන්තුවට තෝරා පත් කර ගැනීම මේ මොහොතේ ජනතාව සතු යුතුකම හා වගකීම බවයි. පොහොට්ටුවට ලංවී සිටින උකුස්සන් හා කටුස්සන් විශ්වාස කළ නොහැකි බව ද ඔහු අවධාරණය කරයි.

මිනුවන්ගොඩ ශ්‍රී ලංකා පොදුජන පෙරමුණේ තරුණ සංවිධාන රැස්වීමකට එක්වෙමින් ඇමතිවරයා මේ බව සදහන් කළේය.

මෙහි දී වැඩි දුරටත් අදහස් දැක්වූ ප්‍රසන්න රණතුංග ඇමතිවරයා මෙසේ ද කීවේය.

” මේ වෙනකොට අපි පොහොට්ටුවෙන් නාම යෝජනා අත්සන් කර අවසන් වෙමින් තිබෙනවා. ලබන බදාදා බ්‍රහස්පතින්දා අපි සෑම දිස්ත්‍රික්කයකටම නාම යෝජනා භාර දෙන්න ලෑස්තියි. අපි ඡන්දය ඉල්ලන්නේ ශ්‍රී ලංකා පොදුජන පෙරමුණෙන් පොහොට්ටුව ළකුණින් සමහර අයට ඕන වුණා වෙන වෙන නම් වලින් වෙන වෙන ළකුණු වලින් ඡන්දය ඉල්ලන්න. නමුත් මහින්ද මහත්තයාගේ කණ්ඩායම විදිහට අපි ඒකට එකග වුණේ නෑ. මොකද පොහොට්ටුව තමයි අපේ ජයග්‍රාහි ළකුණ. ජයග්‍රාහී පක්ෂය පොදුජන පෙරමුණ. ඒ ඔක්කොටම වඩා පොහොට්ටුව තමයි මහින්ද මහත්තයාගේ ළකුණ. ශ්‍රී ලංකා පොදුජන පෙරමුණ තමයි මහින්ද මහත්තයාගේ පක්ෂය.

පොහොට්ටු පක්ෂය පිහිටෙව්වොත් අපිව පාරක් පාරක් ගාණේ ඇවිද්දවන බව කියපු අයත් අද අපේ පස්සේ එනවා. පොහොට්ටුවට එකතු වන මේ උකුස්සන් හා කටුස්සන්  අපිට ශතපහකටවත් විශ්වාස නෑ. මේ අයගේ එක්වීම නිසා අපිට අනාගත අභියෝග මා අවධානම් තියෙනවා. මේ අභියෝග හා අවධානම් සලකා මහින්ද රාජපක්ෂ මහතා අතහැර නොයන පිරිසක් පාර්ලිමේන්තුවට යැවිය යුතුයි. ඒක මේ මොහොතේ ජනතාව සතු යුතුකමක් හා වගකීමක්. අපේ ඡන්දයෙන් පාර්ලිමේන්තුවට ගිහින් අපේ ප්‍රතිපත්ති, මහින්ද මහත්තයාව පාවා දීලා තනතුරු වරදාන වරප්‍රසාද වෙනුවෙන් කටයුතු කරන අය කවුදැ‘යි අප දන්නවා. ඒ අය ගැන ජනතාව වගකීමෙන් තීන්දුවක් ගත යුතුයි. හිටපු ජනාධිපති මෛත්‍රීපාල සිරිසේන මහතා පොහොට්ටුවට එකතු කර ගැනීම පිළිබද ජනතාව තුළ ඇත්තේ යහපත් හැගීමක් නොවේ. නමුත් අපිට අස්වැද්දුම වැඩි කරන්න පඹයොත් කුඹුරේ හිටවන්න වෙනවා. ඒ වගේ දෙයක් තමයි මෙතන සිද්ධ වුණේ.

සජිත් ප්‍රේමදාස මහතා අද කොරෝනා වෛරසය නිසා රට තුළ ඇති වී තිබෙන තත්ත්වයෙන් දේශපාලන වාසි ගන්න හදනවා. ඔහු කියනවා ආණ්ඩුව යුතුකම් පැහැර හරිනවලු. එතකොට පාස්කු ප්‍රහාරය වෙලාවේ එවකට ආණ්ඩුවේ කැබිනට් ඇමතිවරයෙකු වු සජිත් ප්‍රේමදාස නිහඩව සිටියේ යුතුකම් ඉටු කිරීමට ද? මහබැංකු හොරකම වෙලාවේ සජිත් හිටියේ නිදාගෙන ද ? ඒ වේලවේ ඔහු නිශ්ශබ්දව හිටියේ යුතුකම ඉටු කිරීමට ද? කොරෝනා වෛරසය පැතිර යාම මුළු ලෝකයම මුහුණ දෙන තත්ත්වයක්. අපි  රජයක් විදිහට ඒ තත්ත්වය පාලනය කිරීම සදහා ගත හැකි සියලු පියවර ගනිමින් තිබෙනවා. මේ වෙලාවේ විපක්ෂය කොරෝනා හරහා දේශපාලන වාසි ගැනීමට දරණ නිර්ලජ්ජිත උත්සාහය අපි දැඩි ලෙස හෙළා දකිනවා. එමගින් තහවුරු වන්නේ සජිත්ලාගේ දේශපාලන කුහකකම මිසක් අන් කිසිවක් නොවේ.

19 වන ආණ්ඩුක්‍රම ව්‍යවස්ථාව කියන්නේ රට අරාජික කිරීමට ගෙනා ව්‍යවස්ථා සංශෝධනයක්. මේ ව්‍යවස්ථා සංශෝධනය නිසා රටේ ජනපතිටවත්, ආණ්ඩුවටවත් වැඩ කළ නොහැකියි. ඒ නිසයි අපි තුනෙන් දෙකක බහුතර බලයක් ඉල්ලන්නේ. 19 ට අත ඔසවලා කැමති වුණ අයත් කියනවා මේක ශාපයක් කියලා. ගෝඨාභය රාජපක්ෂ මහතාගේ දැක්ම ඉදිරියට ගෙන යා හැක්කේ මහින්ද රාජපක්ෂ වැඩි අත්දැකීම් බහුල නායකයෙකුට පමණයි. ගෙදර කට්ටිය සතුටින් ද බලන්න රෑට රෑට ගෙවල් වලට රිංගන්න බලන්ඉන්න කෙනෙකුට නෙමෙයි.”

මිනුවන්ගොඩ ප්‍රා. භාවේ සභාපති කුමාර අරංගල්ල, උප සභාපති සුජීව සම්පත් යන මහත්වරුන් ද මෙහිදී කථා කළහ.

– ප්‍රදීප් අනුර කුමාර

421 views

31 Comments to “සිරිසේන ගත්තේ පඹයගේ වැඩේ කරවාගන්නයි.. උකුස්සන්ට, කටුස්සන්ට මනාප දෙන්න එපා..”

  1. මාරයා says:

    වියත් මගේ වියතුන්ට අබ සරණයි

  2. madyasthaya says:

    තඩි ඌරන්ටත් අපේ ඡන්දය නෑ!

  3. හිටන්ගෙදර අප්පුහාමි says:

    ඇයි මේ අපේක්ෂකයන්ගෙන් දින රහිත ඉල්ලා අස් වීමේ ලිපියක් ගන්නේ නැත්තේ.

  4. Ravi De Silva says:

    හිටපු ජනාධිපති මෛත්‍රීපාල සිරිසේන මහතා පොහොට්ටුවට එකතු කර ගැනීම පිළිබද ජනතාව තුළ ඇත්තේ යහපත් හැගීමක් නොවේ

  5. Nandasoma says:

    මේ යන විදියට එකෙක් වත් විශ්වාස නෑ …මොනවා හරි බොරුවක් කියලා සජිත් ට එකතු වේවි …සෝභිත ගේ ගුලිය ගිල ලා 19 ට අත උස්සපු හරක් නේ 99%ක් ඉන්නේ ..මුන්ට ඡන්දය දිනා ගන්න විතරයි මහින්ද ඕන වෙන්නේ …මේ වගේ දේශපාලන සක්කිලි ටිකක් ලෝකේ කොහේවත් නෑ …

    පඹයන්ට එහෙට මෙහෙට පනින්න බැහැ…..!

    මුන් පනින ජාතියේ ගෙම්බො……!!

  6. Eiffel says:

    ඌට විතරක් නෙමේ හොර මැර තක්කඩිකම් කරන, නූගත්, රටට ආදරයක් නැති, කුඩු විකුණන මහින්දගෙ අපතයො සෙට් එකටත් මෙදා පාර මනාප නෑ..

    පොහොට්ටුවට කතිරය ගසන්න, රටට හිතවත්, උගත්, පරිසරයට ආදරය කරන, වැදගතුන්ට පමණක් මනාප ගසන්න.

    එකිනෙකාට මඩ ගහගන්න, විවේචන මිසක් වැඩක් නොකරන, අලුත් විදිහට දෙයක් කරන්න බැරි පුසන්නලාට (මිරිස්කුඩ්ඩත් ඇතුලුව) මනාප නොගසන්න.

  7. sunil says:

    පොහොට්ටුවට දෙන්නයි හිටියේ .එත් ඒක කරන්නත් බැ මුන් වගේ එවුන් හන්ද .SLFP එකට තියෙන්නේ සිරිසේන ව අයින් කරලා අලුත් සෙට් එකක් දාගෙන ඉස්සරහට යන එකයි .මුන් පස්සේ හිගකන්න යන් නැතුව

Main News