සුද්දෝ වතුකරය හැදුවා.. සංවර්ධනය කළා..- රෙජිනෝල්ඞ්

චුන්නාකම් ස්කන්දරෝදය විදුහලේ හිටපු කීර්තිමත් විදුහල්පතිවරයෙකුවන ශිවසුබ්‍රමනියම් මහතාගේ පිළිරුවක් උතුරු පළාත් ආණ්ඩුකාර රෙජිනෝල්ඩ් කුරේ මහතා අතින් එම පාසල් භූමියේදී නිරාවරණය කෙරිණ.

උතුරු පළාතේ පාසල් අතරින් කීර්තිමත් පාසලක් බවට මෙම පාසල පත් කිරීමට මෙම විදුහල්පතිවරයා විසින් දක්වා තිබෙන දායකත්වය පදනම් කොටගෙන කාලගුණ දැක්වීමක් වශයෙන් පාසල් ආදිශිෂ්‍ය  සංගමය මගින් මෙම ප්‍රතිමාව ඉදිකර ඇත.

එහිදී අදහස් දැක්වූ රෙජිනෝල්ඩ් කුරේ මහතා,

ඉස්සර කාලේ දමිල ළමයින්ට ගොඩනැගිලි,විදුලිය,ජලය,ආහාරපාන හරිහැටි නැතුවත් හොද අධ්‍යාපන මට්ටමක් දක්නට ලැබුනා.විවිධ ආයතනවල උසස් පුටුවල වැඩි ප්‍රමාණයක් හිටියේ දමිල අය.නමුත් වර්ථමානයේ කිසිම අඩුපාඩුවක්නෑ. ගොඩනැගිලි, විදුලිය, ජලය, ආහාරපාන, නිදහස මේ හැමදේම අධ්‍යාපනය ලබන්නට අවශ්‍ය ප්‍රමාණයටත් වඩා ලැබෙනවා.මේ සෑම දෙයක්ම පෙරටත් වඩා ලැබිලත් වර්ථමාන සිසු පරපුරේ අධ්‍යාපන මට්ටම එතරම් ශුභදායි තත්වයක නෑ.එයට හේතුවද අපි සොයා බැලිය යුතුයි.

සුද්දෝ වතුකරය හැදුවා.සංවර්ධනය කළා.ඒ අතීත කාලේදීත් උතුරේ සංවර්ධනයක් කරලා නෑ.නමුත් වර්තමානයේ උතුරු පළාත තුල සෑම අතකින්ම සංවර්ධනය වෙලා දියුණුවෙලා තිබෙනවා.ශිව සුබ්‍රමනියම් මහතා ඉගෙනගන්න ළමුන්ට මුදල් වියදම් කරලා පාසල තුල ගොඩනැගිලි හදලා ළමුන්ට හොද අධ්‍යාපන වටපිටාවක් නිර්මාණය කරදී තිබෙනවා.හොද ළමුන් පිරිසක් මේ නිසා බිහි කරන්න හැකියාව ලැබී තිබෙනවා.වර්තමාන ගුරු පරම්පරාවටත් එතුමා වගේම වැඩ කරන්න කියා මා ඉල්ලා සිටිනවා.එතුමා නිසා තමයි මේ පාසල මෙතරම් හොද තත්වයකට ඇවිත් තිබෙන්නේ.

”ඉගෙනීමෙන් තොර ලෝකයක් නොමැත”හැමදාම අපට සෑම දෙයකින්ම ඉගෙන ගන්න යමක් තියෙනවා.වර්තමාන සිසු පරම්පරාවෙන් මා ඉල්ලා සිටින්නේ මේ දේවල් හරි ආකාරයට ප්‍රයෝජනයට ගෙන රටට,ලෝකයට,ප්‍රදේශයට ආඩම්බරයක් ගෙන දෙන හොද වැඩදායි පුද්ගලයෙකු වන්න කියායි.

– උතුරු පළාත් ආණ්ඩුකාර මාධ්‍ය ඒකකය