සුදු වෑන් එක පොලිසියේ.. අපි ගියේ සැකකරු ‘රයන්’ අල්ලන්න.. ඊට ඉඩ නොදුන් පිරිසට නීති මගින් කටයුතු කරනවා..- පොලිස් මාධ්‍ය ප්‍රකාශක

July 25, 2017 at 3:26 am | lanka C news
සුදු වෑන් එක පොලිසියේ.. අපි ගියේ සැකකරු ‘රයන්’ අල්ලන්න.. ඊට ඉඩ නොදුන් පිරිසට නීති මගින් කටයුතු කරනවා..- පොලිස් මාධ්‍ය ප්‍රකාශක

වෛද්‍ය ශිෂ්‍ය ක්‍රියාකාරි කමිටුවේ කැදවුම්කරු රයන් ජයලත් පොලිසියට අවශ්‍ය සැකකරුවකු මෙන්ම අධිකරණයට අවශ්‍ය වරෙන්තුකරුවකු බව පොලිස් මාධ්‍ය ප්‍රකාශක රුවන් ගුණසේකර මහතා පැවසීය.

කලින් මුදල් අමාත්‍යාංශය යටතේ ලියාපදිංචි කොට ඇතයි පැවසු සුදු වෑන් රථය ශ්‍රීලංකා පොලිසියට අයත් බවත් එය කොළඹ අපරාධ කොට්ඨාසයට අනුයුක්තව ඇති වෑන් රථයක් බවත් ඔහු පොලිස් මූලස්ථානයේ පැවැති මාධ්‍ය හමුවේදි ප්‍රකාශ කලේය.

මෙහිදී මාධ්‍ය ඇසු ප්‍රශ්නයකට පිලිතුරු දෙමින් පොලිස් මාධ්‍ය ප්‍රකාශක පැවසුවේ පොදු දේපල විෂයහිලා සිදුකර ඇති වැරදි සම්බන්ධ වරදකදි අත් අඩංගුවට ගැනීමට පොලිසියට වරෙන්තුවක් අවශ්‍ය නැති බවයි.

එමෙන්ම පොලිසිය වරෙන්තුවක් නැතිව සිවිල් ඇදුමෙන් සැරසි සුදු වෑන් එකෙන් රයන් ජයලත් අත් අඩංගුවට යෑම සම්බන්ධව මාධ්‍ය විමසීමේදී ඔහු ප්‍රකාශ කලේ සැකකරුවෙකු අත් අඩංගුවට ගැනිමේදි නිල ඇදුමෙන් සැරසී යා යුතු බවට නියමයක් නැහ යනුවෙනි.

රයන් අත් අඩංගුවට ගැනීමට යාමේදී එහි සිට පොලිස් රාජකාරියට බාධා එල්ල කල පිරිස සම්බන්ධව විකාශනය වු මාධ්‍ය වාර්තා පදනම් කර ගනිමින් ඔවුන් සම්බන්ධයෙන් ඉදිරියේදී පියවර ගන්නා බව පොලිස් මාධ්‍ය ප්‍රකාශක තව දුරටත් කියා සිටියේය.

මෙහි පුදුමය නම් එදා මහින්ද රාජපක්ෂ යුගයේ මෙවෙනි සිදු වීමක් සිදු වු විගස එය රාජපක්ෂවරුන් පිට පැටවීමට මෙරටේ සිවිල් සංවිධාන මෙන්ම ජාත්‍යන්තරය කටයුතු කල අතර අද සුදු වෑන් එකේ අයිතිකරු එදා සුදු වෑන් වෙනුවෙන් හඩ නැගු මංගල සමරවීර වර්තමාන මුදල් අමාත්‍යවරයාගේ අමාත්‍යාංශය සතු වීම දෛවයේ සරදමකි.

114 views
Main News