සුළු සිද්ධීන් ගැන සොයා රජය පීචං වෙලා.. මිග් ගණුදෙනුව, ඩුබායි ගිණුම්, තාජුඩින් ඝාතනය වගේ ලොකු ඒවා හොයන්න ඕනෑ..

February 5, 2017 at 10:00 am | lanka C news
සුළු සිද්ධීන් ගැන සොයා රජය පීචං වෙලා.. මිග් ගණුදෙනුව, ඩුබායි ගිණුම්, තාජුඩින් ඝාතනය වගේ ලොකු ඒවා හොයන්න  ඕනෑ..

හිටපු ජනාධිපති මහින්ද රාජපක්ෂ මහතාගේ ප්‍රජා අයිතිය අහෝසි කිරීමට රජය කිසිදු තීරණයක් ගෙන නොමැති බව කැබිනට් සම මාධ්‍ය ප්‍රකාශක, සෞඛ්‍ය, පෝෂණ හා දේශීය වෛද්‍ය අමත්‍ය දොස්ත රාජිත සේනාරත්න මහතා පවසයි.

රජය එවැනි තීරණයක් ගෙන ඇති බවට පැතිර යන ප්‍රචාර අසත්‍ය බව සෞඛ්‍ය අමාත්‍යවරා පෙන්වා දුන්නේ අමාත්‍යාංශයේ පැවැති රැස්වීමක දීය.

අධිකරණය ස්වාධීීනව කටයුතු කරන බවත්, ඊට බලපෑම් එල්ල කිරීමට රජයට වුවමනාවක් නොමැති බව ද සෞඛ්‍ය අමාත්‍යවරයා අවධාරණය කර සිටි.

මෙහිදී වැඩිදුරටත් අදහස් දැක්වූ සෞඛ්‍ය අමාත්‍යවරයා මෙසේද ප්‍රකාශ කළේය.

‘මහා පරිමාන වංචා සහ දුෂණ පිළිබදව පරීක්ෂණ පැවැත්වීම ප්‍රමාදවීම පිළිබදව අපට ගැටළුවක් තිඛෙනවා. විශේෂයෙන්ම හිටපු ආරක්ෂක ලේකම්වරයා සම්බන්ධ මිග් ප්‍රහාරක යානා ගණුදෙනුව, ඩුබායි බැංකු ගිණුම් පිළිබදව, රගර් ක්‍රීඩක වසීම් තාජුඩින් ඝාතනය ඇතුලු මහාපරිමාන දුෂණ හා වංචා ගැන පරීක්ෂණ පැවැත්විය යුතුයි. සුළු සිද්ධිීන් පිළිබදව පරික්ෂණ පැවැත්වීමෙන් රජයට අපවාදයක් එල්ල වී තිඛෙනවා. එම නිසා යහපාලනය ආරක්ෂා කිරීමෙි වගකීමක් අපට පැවැරී තිඛෙනවා. මෙහිදී ඇතැම් නිලධාරීන් නිසි පරිදි රජකාරී සිදු කරන්නේ නැහැ. ඔවුන්ට එරෙහිව නීතිය ක්‍රියාත්මක කිරීමට අපට බැහැ. කෙසේ වෙතත් කඩිනමින් පරික්ෂණ සිදු කළ යුතු බව මාගේ අදහසයි.

ටෙලිකොම් මෑන් පවර් සේවකයින් රැකියා ස්ථිර කරන ලෙස ඉල්ලා ආරම්භ කර ඇති වැඩවර්ජනයට මමත්, පාර්ලිමෙින්තු මන්ත්‍රි චතුර සේනාරත්න මහතාත් සහයෝගය ලබාදෙනවා. නීතිමය සහායත් ලබා දෙනවා. මොකද යහපාලන රජය නිර්මාණය කිරීමට ඔවුන් දැඩි කැපවීමක් සිදු කළා’

මාධ්‍ය ඒකකය
සෞඛ්‍ය අමාත්‍යංශය

69 views
Main News