සෙබලෙකුට මරු කැදවමින් යාපනේ පලාලිහිදී පුපුරා ඇත්තේ පීඩන බෝම්බයක් හෝ මර උගුලක්..

June 2, 2019 at 12:00 pm | lanka C news
සෙබලෙකුට මරු කැදවමින් යාපනේ පලාලිහිදී පුපුරා ඇත්තේ පීඩන බෝම්බයක් හෝ මර උගුලක්..

යාපනය පලාලි ගුවන් හමුදා කඳවුර ප්‍රදේශයේ පිහිටි වාසවිලාන් යුද හමුදා කඳවුර ආසන්නයේ කැලෑවක ඊයේ (01) සවස සිදු වූ පිපිරීමකින් යුද හමුදා සෙබලෙකු මිය ගොස් තවත් සෙබලුන් දෙදෙනෙකු බරපතල තුවාල ලබා ඇති බවට කන්කසන්තුරෙයි පොලීසිය පවසයි.

වාසවිලාන් යුද හමුදා කඳවුරේ සිටි යුද හමුදා සෙබලුන් තිදෙනෙකු කිසියම් කටයුත්තක් සඳහා ප්‍රදේශයේ පිහිටි කැලෑවක් වෙතට ගොස් ඇති අතර එහිදී බෝම්බයක් වැනි යමක් පිපිරීමෙන් මෙම අනතුර සිදුව ඇත.

යුද සමයේදී එල්.ටී.ටී.ඊ. සංවිධානය විසින් අටවන ලද මර උගුලක් හෝ පීඩණ බෝම්බයක් පුපුරා යාමෙන් මෙම සිදුවීම සිදුව ඇති බවටත් පිපිරීමෙන් බරපතල තුවාල ලැබූ සෙබලුන් දෙදෙනෙකු යාපනය ශික්ෂණ රෝහලේ ප්‍රතිකාර ලබන බවටද පරික්ෂණ සිදු කරන කන්කසන්තුරෙයි පොලීසිය වැඩි දුරටත් පැවසීය.

– වන්නි රොමේෂ් මධුෂංඛ

30,967 Viewers

One Comment to “සෙබලෙකුට මරු කැදවමින් යාපනේ පලාලිහිදී පුපුරා ඇත්තේ පීඩන බෝම්බයක් හෝ මර උගුලක්..”

  1. LION says:

    නිවන් සැප ලැබේවා

Main News