සෞඛ්‍ය නිර්දේශ අනුව යන්න 50%ක බස් ගාස්තු වැඩිකිරීමක් ඉල්ලයි..
May 25, 2020 at 8:02 am | lanka C news
දුර ගමන් සේවා බස් රථ ගමන් ආරම්භ කිරීමේදී එක් මගියෙකුගෙන් සාමාන්‍ය ගාස්තුව මෙන් එකහමාර ක මුදලක් අය කිරීමට අවසර ලබා දෙන්නැයි පුද්ගලික බස් රථ සංගම් කිහිපයක් ඉල්ලීම් කර තිබේ.
අඟහරුවාදා දින කොළඹ සහ ගම්පහ දිස්ත්‍රික හැර අනෙක් දිස්ත්‍රික්ක අතර අන්තර් පළාත් බස්රථ සේවා ආරම්භ කිරීමට රජය තීරණය කර ඇති නිසා මෙම ගාස්තු අයකිරීම එදින සිට සිදු කිරීමට අවසර දෙන්නැයිද ප්‍රවාහන අමාත්‍යාංශයෙන් මෙම ඉල්ලීම සිදු කර තිබේ.
කොරෝනා ව්‍යාප්තිය හේතුවෙන් සෞඛ්‍ය නිර්දේශ මත බස් රථයක ගෙනයා හැක්කේ සාමාන්‍ය ප්‍රමාණයෙන් අඩකට වඩා අඩු මගීන් ප්‍රමාණයක් වීම හේතුවෙන් ගාස්තුව මෙසේ ඉහළ නැංවිය යුතු බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා සඳහන් කළේය.
එසේ ගාස්තු වැඩි කිරීමේ අවසර ලැබුණු පසු සෞඛ්‍ය උපදෙස් අනුව මගී ප්‍රවාහනය සිදු කළ හැකි යැයි ද පැවසීය.
233 views
