සෞඛ්‍ය ලොක්කන් විදෙස් සමාගමක් හා එක්ව මහා ජාවාරමක්.. 2000 කට්ටලට 4000ට අරන්.. 40කගෙන් ප‍්‍රශ්ණ කරයි..

January 2, 2021 at 11:20 am | lanka C news
සෞඛ්‍ය ලොක්කන් විදෙස් සමාගමක් හා එක්ව මහා  ජාවාරමක්.. 2000 කට්ටලට 4000ට අරන්.. 40කගෙන් ප‍්‍රශ්ණ කරයි..

– aruna.lk

සෞඛ්‍ය අමාත්‍යාංශයේ ඉහළ නිලධාරීන්, වෛද්‍යවරුන් හා ජාත්‍යන්තර සමාගමක් එක්ව කරගෙන ගිය පී.සී.ආර්. ජාවාරමේ ටෙන්ඩර් මගඩි ඇතුළු සැඟවුණු රහස් අපරාධ පරීක්ෂණ දෙපාර්තමේන්තුව අනාවරණය කරගෙන ඇත.

පොලිස් දෙපාර්තමේන්තුවේ ඉහළ නිලධාරියකු කියා සිටියේ දැනටමත් මේ සම්බන්ධව හතළිහකගෙන් ප්‍රකාශ සටහන් කරගෙන අවසන් බවය.

එම පිරිසට වෛද්‍ය සැපයුම් අංශයේ ඉහළ නිලධාරින්, වෛද්‍යවරුන් ඇතුළු සෞඛ්‍ය අමාත්‍යාංශයේ ඉහළ නිලධාරින්ද අයත්ය.

ලෝක සෞඛ්‍ය සංවිධානය අනුමැතිය දී ඇති රුපියල් දෙදෙහසට මිලදී ගත හැකි පී.සී.ආර්. කට්ටල තිබියදී රුපියල් හාරදහසක් ගෙවා ජර්මානු සමාගමකින් පී.සී.ආර්. කට්ටල මිලදී ගෙන ඇතැයි බුද්ධි අංශ ජනාධිපතිවරයාට වාර්තාවක් ලබා දී තිබිණි.

දිනකට පී.සී.ආර්. පරීක්ෂණ පනස්දහසක් කළ යුතු බවට රජයට යෝජනා කරමින් මෙම ජාවාරමේ නිරත වූවන් මහා පරිමාණ ගසා කෑමකට සූදානම් වී ඇතැයි හෙළිවීමත් සමග අපරාධ පරීක්ෂණ දෙපාර්තමේන්තුවට විමර්ශන භාර කෙරිණි.

ගතවූ සති අන්තය වන විට සෞඛ්‍ය අමාත්‍යාංශයෙන් කළ පී.සී.ආර්. පරීක්ෂණ සංඛ්‍යාව ලක්ෂ 12 ඉක්මවා ගිය අතර ඒ සඳහා රජය රුපියල් කෝටි 720කට වැඩි මුදලක් වියදම් කර තිබිණි.

තිස්ස රවින්ද්‍ර පෙරේරා
– aruna

27,493 views

24 Comments to “සෞඛ්‍ය ලොක්කන් විදෙස් සමාගමක් හා එක්ව මහා ජාවාරමක්.. 2000 කට්ටලට 4000ට අරන්.. 40කගෙන් ප‍්‍රශ්ණ කරයි..”

  1. Buddhadasa says:

    All the allopathic doctors try to undermine Ayurvedic medicine so that they can get lot of benefits (bribes) from pharmaceutical companies by prescribing allopathic medicines.

Main News