හත් ලක්‍ෂයක මාසික කුලී වාහනවලට අත්සන් නොකරන්නේ නම් ඉල්ලා අස්වනු.. – නිමල් බෝගගේට අගමැති දන්වයි..
December 8, 2016 at 2:10 pm | lanka C news
මාසිකව රුපියල් හත් ලක්‍ෂයක පමණ කුලී මුදලක් ගෙවමින් ආණ්ඩුවේ පාර්ලිමේන්තු මන්ත්‍රීවරුන් 56 දෙනෙකුට වාහන ලබා දීම සදහා වූ යෝජනාව ක‍්‍රියාවට නැවීමට අදාල ලියකියවිලි වලට අත්සන් තැබීමට නොහැකි නම් වහාම තනතුරින් ඉල්ලා අස්වන ලෙස අගමැති රනිල් වික්‍රමසිංහ විසින් පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ ලේකම් නිමල් බෝපගේට ඊයේ (07) පැවති ආර්ථික කළමනාකරණ කමිටු රැස්වීමේදී දන්වා තිබේ.
මුදල් ඇමති රවි කරුණානායකද එහිදී පවසා ඇත්තේ මෙම ලේඛණවලට අත්සන් නොකරන්නේ නම් ඉදිරියේදී ජනමාධ්‍ය අමාත්‍යංශයට මුදල් වෙන් නොකරන බවයි.
එහිදී අදහස් පල කරමින් නිමල් බෝපගේ පෙන්වා දී ඇත්තේ වත්මන් පාර්ලිමේන්තුවේ කාලය තවත් ඉතිරිව ඇත්තේ මාස 45ක් නිසා මාස 60කට අදාලව ගිවිසුමක් තමනට අනුමත කල නොහැකි බවත් විනිවිද පෙනෙන ක්‍රියාවලියකින් තොරව මීට එකඟවිය නොහැකි බවත්ය.
ඉන් අනතුරුව අගමැතිවාය දන්වා ඇත්තේ අදිාල ලියවිලිවලට අත්සන් කල නොහැකි නම් තනතුරින් ඉල්ලා අස්වන ලෙසයි.
කෙසේ වෙතත් නිමල් බෝපගේ මහතා පත් කරනු ලැබුවේ ජනාධිපති මෛත්‍රීපාල සිරිසේන මහතා විසින් වන අතර ජනාධිපතිවරයාද පසුගියදා සිය නිර්දේශ ඉදිරිපත් කරමින් කියා සිටියේ වාහන සදහා මෙතරම් මුදලක් වැය කිරීම සුදුසු නොවන බවයි.
