හතුරුසිංහ-ගුරුසිංහ යවනවා.. ක‍්‍රිකට් කණපිට ගහන හැටි ක‍්‍රීඩා ඇමති කියයි..

July 8, 2019 at 11:20 am | lanka C news
හතුරුසිංහ-ගුරුසිංහ යවනවා.. ක‍්‍රිකට් කණපිට ගහන හැටි ක‍්‍රීඩා ඇමති කියයි..

ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු කැමැත්තෙන් ඉවත් නොවන්නේ නම් පුහුණු කාර්ය මණ්ඩලය සඳහා ඔහුට ඉහළින් උපදේශකවරයකු පත් කිරීමට සිදුවන බව ක්‍රීඩා ඇමැති හරින් ප්‍රනාන්දු මහතා පවසයි.

එංගලන්තයේදී දැන් පැවැත්වෙන ලෝක කුසලාන ක්‍රිකට් තරගාවලියේ මූලික වටයෙන් ශ්‍රී ලංකාව පරාජයට පත්වීමෙන් පසුව ඇතිවී තිබෙන තත්ත්වය පිළිබඳව කළ විමසුමකදී ඇමැතිවරයා එසේ පැවසීය.

ලෝක කුසලාන තරගාවලිය නැරඹීමට එංගලන්තය බලා පිටත්ව ගොස් සිටි ක්‍රීඩා ඇමැතිවරයා 07 රාත්‍රීයේදී යළි දිවයිනට පැමිණීමට නියමිතව තිබුණි.

ඒ අතර වාර්තා වන්නේ ලෝක කුසලාන තරගාවලියේ පරාජයෙන් පසුව ශ්‍රී ලංකා ක්‍රිකට් කණ්ඩායම සම්බන්ධයෙන් ඉදිරියේදී ගතයුතු ක්‍රියාමාර්ග ගණනාවක් පිළිබඳව ලන්ඩන් නුවරදී ක්‍රීඩා ඇමැතිවරයා හා ශ්‍රී ලංකා ක්‍රිකට් ආයතනයේ සභාපති ෂම්මි සිල්වා මහතා අතර විශේෂ සාකච්ඡාවක් පැවැත්වුණු බවයි.

කෙසේ වුවත් ඒ සම්බන්ධයෙන් දෙපාර්ශ්වය අතර වැඩි දුරටත් සාකච්ඡා ශ්‍රී ලංකා ක්‍රිකට් සභාපතිවරයා දිවයිනට පැමිණීමෙන් පසුව සිදු කිරීමට නියමිතය. ක්‍රිකට් සභාපති ෂම්මි සිල්වා මහතා දිවයිනට පැමිණීමට නියමිතව ඇත්තේ මෙම 19 වැනිදාය.

ඇමතිවරයා වැඩිදුරටත් පැවසුවේ අසන්ත මෙල් මහතා හා දැනට පත්ව සිටින තවත් එක් සාමාජිකයෙකු පමණක් හැරෙන්නට ක්‍රිකට් තේරීම් කමිටුවද ඉදිරියේදී වෙනසකට ලක් කරන බවයි.

ශ්‍රී ලංකා ක්‍රිකට් කණ්ඩායමේ ඉදිරි වෙනස්කම් පිළිබඳව ඇමතිවරයා මෙසේද පැවසීය.

“ලෝක කුසලාන තරගාවලිය අවසන් වනතුරු තමයි මමත් බලා හිටියේ. දැන් කණ්ඩායම් වෙනස්කම් කරන්න හොඳම වෙලාවයි…නමුත් මම ක්‍රිකට් පරිපාලනයට ඇඟිලි ගහන්න යන්නෙ නෑ. ශ්‍රී ලංකා ක්‍රිකට් කණ්ඩායමට ක්‍රීඩා ඇමතිවරයාටවත් ඇඟිලි ගහන්න බැරි ස්ථිර මෙහෙයුම් කමිටුවක් පත් කරන්න මම බලාපොරොත්තු වෙනවා”

“සංගක්කාර, මහේල වගේ මේ රටේ ඉහළින්ම පිළිගත් ක්‍රිකට් ප්‍රවීනයන් මේ කමිටුවේ තියන්න මම තවදුරටත් බලාපොරොත්තු වෙනවා. ශ්‍රී ලංකා කණ්ඩායමේ දැන් ඉන්න පුහුණුකරුවන් වගේම උපදේශකයන් බහුතරයකට ලෝක කුසලානෙන් පස්සේ ඉවත් වෙන්න සිදුවේවි. විශේෂයෙන්ම දැන් කණ්ඩායමේ ඉන්න පන්දු යවන්නන්ගේ පුහුණුකරුගේත් පිතිකරුවන්ගේ පුහුණු කරුගේත් සේවය තවදුරටත් දීර්ඝ කරන්න අප බලාපොරොත්තු වෙන්නේ නෑ.

ප්‍රධාන පුහුණුකරු ඉවත් වෙන්න සූදානම් නැතිනම් අපිට බලෙන් ඔහු ඉවත් කරන්නත් බෑ. හැබැයි අපිට එහෙම උනොත් අනිවාර්යයෙන්ම ඔහුට ඉහළින් තවත් පුහුණුකරුවෙකු වන උපදේශකවරයකු පත් කරන්න සිද්ද වෙනවා.

මා හිතනවා ලෝක කුසලාන තරග අවසානයත් එක්ක අසංක ගුරුසිංහ මහතාගේ ශ්‍රී ලංකා කණ්ඩායමේ සේවයත් අවසන් කරන්න.

ලෝක කුසලාන තරගාවලියේදී අපි අවනම්බු සහගත පරාජයක් ලැබුවා කියලා මා හිතන්නෙ නෑ. අපි ගොඩක්ම පසුබෑමක් ලබාගත් කණ්ඩායමක් කියලා කියද්දීත් තරග තුනක් දිනා ගත්තා. ඒ වගේම කණ්ඩායමට හොඳ නායකයෙක් හඳුනා ගත්තා. අවිශ්ක ප්‍රනාන්දු වගේ හොඳ ක්‍රීඩකයන් කීපදෙනෙකුත් හොයා ගත්තා.

– lankadeepa

230 views

14 Comments to “හතුරුසිංහ-ගුරුසිංහ යවනවා.. ක‍්‍රිකට් කණපිට ගහන හැටි ක‍්‍රීඩා ඇමති කියයි..”

  1. Gayantha says:

    හොදට බැලුවොත් චන්දිමාල්, තිරිමාන්න, අසේල, කුසල් මෙන්ඩිස් වගේ ක්‍රීඩකයෝ මුලදී හොදට සෙල්ලම් කරපු ක්‍රීඩකයෝ. එක්කෝ ඔවුන්ගේ දුර්වලතා අනිත් කන්ඩායම් හදුනාගෙන එක්කෝ මොවුන්ගේ පුහුනුවේ අඩුවක් තියෙන්නේ.

    අනිව හොද batting සහ bowling පුහුනුකරුවන් දෙන්නක් දාලා බලන්න. ඒවගේ ඉස්සර ඇලෙක්ස් කොන්ටුරී වගේ දක්ශ psychotherapist කෙනෙකුත් ඕන නැත්තම් එක match එකයි ගහන්නේ ඊලග එකේ injured.

  2. sinha le says:

    ක්‍රීඩා ඇමැති සුද්දන්ගේ පස්සේ යන කලු සුද්දෙක්

  3. bandula says:

    Our team no sniper but mallinda puspakumara suitable after rangana herath but they not give chance to him i dant know why

  4. rathna says:

    Send off asantha De Mel he is heavily responsible for Sri Lanka cricket along with Ashley De Silva.

  5. Tira says:

    මුකුත් බැරි උනාට කමක් නැ
    පිට්ටනිය මැද්දෙ කුරුසෙ ගහන්න පුලුවන්නම් කාන්ඩායමෙ ඉන්න පුලුවන්

    • puran appu says:

      You are absolutely correct Tira, cricket team run by born again christians, say no more.

  6. Asanka says:

    Send off Asantha De Mel. He works with hatred on few players and favours his henchmen.

  7. Manoj says:

    “මුකුත් බැරි උනාට කමක් නැ
    පිට්ටනිය මැද්දෙ කුරුසෙ ගහන්න පුලුවන්නම් කාන්ඩායමෙ ඉන්න පුලුවන්”

    GONOOOO, පිට්ටනිය මැද්දෙ කුරුසෙ ගහන්න 50k,100k score karanna oneeey. Nethuwa ubalage wage 20k, 30k score karanna beri චන්දිමාල්, තිරිමාන්න wage BUDDHA PUTHRAYOOO wage wela behe !!!

  8. Ground boy says:

    ක්‍රිඩාපිටියට පැමිනිමට ප්‍රතම තමන්ගේ ආගම් සිහිකරගන්නට ක්‍රීඩකයින්ට බැරිද?.මොවුන් ක්‍රිඩපිටියේ පේනිසිටින්නෙ ආගම වෙනුවෙන්ද රටවෙනුවෙන්ද? අනිකුත් රටවල ක්‍රීඩකයොත්
    මෙවැනි ගොන් පාට් කරනවද?මේ ක්‍රීඩකයෝ රැට. නයිට් club වලදිත් ආගම සිහිකරනවද.ාමුලින්ම ක්‍රීඩකයින්ගෙ මේ ගොන් පාට් නවත්වන්න

  9. MJ says:

    Well done. We need a SLPL so that we can find out talented cricketers. And we can rest cricketers who are not performing well. Just like in india

  10. මාතර සුනිල් says:

    හරින් මහත්තයෝ ඔය සේරම පුහුණු කරුවෝ ටික අස් කරන්න දැන්මම. අපි මාස පහකින්, හයකින් ඔයාව අස් කරන්නම්.

Main News