හරීන් නිසා සමගි ජනබලවේගයේ විශාල කැළඹීමක්.. මැතිවරණ ව්‍යාපාරයට දැඩි බලපෑමක්..

June 23, 2020 at 3:50 pm | lanka C news
හරීන් නිසා සමගි ජනබලවේගයේ විශාල කැළඹීමක්.. මැතිවරණ ව්‍යාපාරයට දැඩි බලපෑමක්..

හරීන් ප්‍රනාන්දු  මහතා ප්‍රසිද්ධ වේදිකාවේ  සිට අගරදගුරුතුමා සම්බන්ධව සිදුකළ විවේචනාත්මක ප්‍රකාශය කිතුණු බැතිමතුන් පමණක් බෞද්ධ ජනාතාවද දැඩි පිළිකුලෙන් යුතුව හෙලා දකින බව හිටපු අමාත්‍ය ඩබ්ලිව්.ඩී.ජේ සෙනෙවිරත්න මහතා පවසයි.

රත්නපුර,කිරිඇල්ල  ප්‍රදේශයේ පැවති පාක්ෂික හමුවකට එක්වෙමින් ඒ මහතා මෙම අදහස් පළ කරන ලදී.

හරීන් ප්‍රනාන්දු මහතාගේ ප්‍රකාශයෙන් අද සමගි ජන පෙරමුණ තුළ විශාල කැලඹිමක් ඇති වී තිබෙනවා.සජිත් ප්‍රේමාදස මහත්තයා හරීන් වෙනුවෙන් සමාව ගන්නකොට,කාවින්ද ජයවර්ධන, විජිත් විජයමුණි සොයිසා යන හිටපු මන්ත්‍රීවරු හරීන් ප්‍රනාන්දුව දැඩිව විවේචනය කරනවා අපි මාධ්‍ය තුළින් දැක්කා.

මහ මැතිවරණයක් අතලඟ තබාගෙන කිතුණු ජනතාවගේ පමණක් නොව සිංහල බෞද්ධ සියලුම ජනතාවගේ ගෞරවාදරයට පත් අගරදගුරුතුමන්ට සිදු කළ අපහාසය ඔවුන්ගේ මැතිවරණ ව්‍යාපාරයට විශාල බලපෑමක් වෙනවා.මේ ප්‍රකාශයත් එක්ක කිතුණු ඡන්ද කිසිවක් සමගි ජන පෙරමුණට ලැබෙයි කියලා හිතන්න බැහැ.

මැතිවරණය දවසින් දවස ලංවෙනකොට මැතිවරණ උණුසුමත් ටික ටික වැඩිවෙමින් තිබෙනවා. එක්සත් ජාතික පක්ෂය දෙකඩ වීමත් එක්ක දෙගොල්ලන්ගෙම කුණු එලියට එන්න පටන් අරන්.සමගි ජන පෙරමුණෙන් මහ බැංකු හොරකමට රනිල්ට, රවීට කෙලින්ම ඇගිල්ල දික් කරමින් ප්‍රකාශ නිකුත් කරනවා. ඒ වගේම සමගි ජන පෙරමුණේ අපේක්ෂකයින්  දවසින් දවස පක්ෂය හැර යමින් සිටිනවා. සමගිය නැති සමගි පෙරමුණත්,එක්සත්කමක් නැති එක්සත් ජාතික පක්ෂයත් දවසින් දවස දුර්වල වීමත් එක්ක මෙවර මැතිවරණයේ කිසිවකු බලාපොරොත්තු නොවු ජයග්‍රහනයක් පොදුජන පෙරමුණ ලබා ගන්නාව.රත්නපුර දිස්ත්‍රික්කයේ මන්ත්‍රීධූර 11න් 8ක් අපි මෙවර ලබා ගන්නවා.වැඩි ඡන්ද ලක්ෂ 2කින් විතර අපි රත්නපුර දිස්ත්‍රික්කය ජයග්‍රහනය කරනවා.  රැස්ව සිටි පිරිස අමතමින් සෙනෙවිරත්න මහතා  වැඩිදුරටත් පැවසීය.

– ධම්මික තිලකරත්න

319 views