හාල් මෝල් මාෆියාව රට බිලිගනී.. ප්‍රදේශ ගණනාවක්ම උග්‍ර හාල් හිඟයක්.. 20 දායින් පසු නාඩු 90ට දෙන බව ඩඩ්ලි සිරිසේන කියයි..
February 17, 2017 at 12:00 pm | lanka C news
රටේ මේ වනවිට විශාල හාල් අර්බුදයක් ඇතිවී තිබේ. සමාන්‍ය හාල් කිලෝවක් රුපියල් 95 සිට ඉහළට ඇති අතර රජය විසින් සහල් සඳහා පාලන මිලක් ඇති කොට සතොස හරහා හාල් කිලෝ 5 බැගින් රුපියල් 72 ක ලබාදීමට කටයුතු කලත් බොහෝ ප්‍රදේශවල එය සාර්ථකව වී නොමැත. නිසියාකාරව එය ක්‍රියාත්මක නොවන්නේ සහල් මෝල් මෆියා කරුවන් විසින්ම මේ වනවිට පිටරටින් රුපියල් 50 කට වැනි අඩු මුදලකට විශාල වශයෙන් හාල් තොග ආනයනය කොට ඇති බැවිනි.
ප්‍රධාන පෙලේ හාල් මෝල් හිමියකු වන ජනාධිපති මෛත්‍රීපාල සිරිසේනගේ මහතාගේ සහෝදරයෙකු වන ඩඩ්ලි සිරිසේන පසුගිය දා මාධ්‍ය සාකච්ඡාවක් ඔහු විසින්ම පවත්වමින් පැවසුවේ අනිවාර්යයෙන්ම හාල් කිලෝවක් රුපියල් 95 කට වඩා ඉහළ යන බවත් පෙබරවාරි 20 වෙනිදායින් පසු හාල් කිලෝවක් රුපියල් 5 ක් අඩුකොට රුපියල් 90 කට ලබාදීමට කටයුතු කරන බවත් ය.
කෙසේ වෙතත් පිටරටින් ආනයනය කරන හාල් සඳහා රජයේ බදු වශයෙන් තිබු කිලෝවක් සඳහා රුපියල් 30 ක පමණ මුදල මේ වනවිට සම්පූර්ණයෙන්ම පාහේ මේ ඉවත් කොට ඇත. මෙය මුදල් අමාත්‍යාංශය විසින් මෑතක සිදු කරන ලදි.
එමෙන්ම මහා පරිමාණයේ හාල් මෝල් හිමිකරුවකු විසින් පිටරටින් ආනයනය කල විශාල හාල් තොගයක් තම හාල් මෝල වෙත රැගෙන ගොස් එහි සිට තම නිෂ්පාදන නාමය යටතේ දේශිය සහල් ලෙස වෙළෙඳපොළට නිකුත් කිරීම මේ වනවිට ආරම්භ කොට ඇත.
