හිටපු ඇමති දෙදෙනෙක් හෝටලයකට ලක්‍ෂ 54ක පොලු තියයි..

December 9, 2020 at 6:28 am | lanka C news
හිටපු ඇමති දෙදෙනෙක් හෝටලයකට ලක්‍ෂ 54ක පොලු තියයි..

පැවැති යහපාලන රජයේ ප්‍රබල ඇමැතිවරුන් දෙදෙනකු විසින් සංචාරක හෝටල් කළමනාකරණ ආයතනය යටතේ පවතින සමුද්‍ර හෝටලයේ නවාතැන් ගැනීම සහ ආහාර පාන ලබා ගැනීම වෙනුවෙන් ගෙවිය යුතු මුදල් ගෙවීම පැහැර හැර ඇතැයි වාර්තා වෙයි.

කොළඹ සහ ගම්පහ දිස්ත්‍රික්ක නියෝජනය කරන මෙම හිටපු ඇමතිවරුන් දෙදෙනා රුපියල් ලක්ෂ 54ක මුදලක් එම හෝටලයට ගෙවීමට නියමිතව ඇත.

හිටපු ප්‍රබල ඇමතිවරුන් දෙදෙනා වත්මන් පාර්ලිමේන්තුවට තේරී පත්වී නැත.

කොළඹ දිස්ත්‍රික්කයේ හිටපු ඇමතිවරයාගේ නිවස අලුත්වැඩියා කිරීම නිසා ඔහු හෝටලයේ මාස 18ක කාලයක් නතර වී සිට ඇති අතර ඔහු සහ ඔහුගේ පිරිස රැඳී සිටි කාලයේ වෙනුවෙන් රුපියල් ලක්ෂ 40 මුදලක් ගෙවිය යුතුව ඇතත් එය මෙතෙක් නොගෙවීම සම්බන්ධයෙන් නඩු පැවරීමට හෝටල් කලමනාකරණ ආයතනය නීතිපතිවරයා වෙත කරුණු වාර්තා කර ඇත.

එමෙන්ම ගම්පහ දිස්ත්‍රික්කය නියෝජනය කරන අනෙක් හිටපු ඇමැතිවරයා එම හොටලයෙන් ලබාගත් ආහාරපාන හා වෙනත් පහසුකම් වෙනුවෙන් ගෙවිය යුතු මුදල රුපියල් ලක්ෂ 14 කි.

එම මුදල් කඩිනමින් ගෙවන ලෙස දන්වා අදාළ හිටපු ඇමතිවරයාට ලිඛිතව දැනුම් දී තිබේ.

29,057 views

5 Comments to “හිටපු ඇමති දෙදෙනෙක් හෝටලයකට ලක්‍ෂ 54ක පොලු තියයි..”

  1. Sam says:

    ඇයි මේක කලේ රවි කරුණායක කියල නම දාන්නේ නැත්තේ .මූ මහ බැංකුව කොල්ල කෑව මදිවට හොටෙල් වලටත් පොලු තියල .මේ පට්ට හොරා මේ වැඩ කරන්නේ ආන්ඩුවේ ප්‍රබලයෙකුගේ අනු දැනුම ඇතිව . අත් අඩංගුවට ගන්ඩ ඉඩ දුන්නේ නෑ හංගන් හිටිය .මේ ආන්ඩුව අපකීර්තියට පත්වීමට මූලික හේතුව මේ දේශපාලුවා .20 සංශෝධනය කලත් තාම හොල්මන් කරනවා . මේ වගේ කොමෙන්ට් දාන්නෙත් නෑ අදාල දේශපාලුවට බයේ .

  2. Amaris says:

    මේ පට්ට හොරු දෙන්න මේ මුදල් ගෙවන්නේ නෑ මේ කපේ .ටාජ් එකෙන් නඩු දමයි .නඩුව ඊලග ආන්ඩුව පත්වෙනකන් ඇදගෙන යයි .ඊටපස්සේ මේ හොරු දෙන්න ඒ ආන්ඩුවට එක්වෙයි .එතනින් නඩුව අහවරයි .ටාජ් එකට මුන්ගේ නීති ගාස්තු ගෙවීමට අනකරයි . මේක තමා ශ්‍රී ලංකාව .මේ නිසා තමා මුලු රටම එකහඩින් කියන්නේ මුන් 225 දෙනාම හැදිගෑවිලා යන්ඩ කියල . ගෝටට මොලයක් තියෙනවානම් මේ ක්‍රමය වෙනස්කල හැකියි .

    • Suwaris says:

      දැනට පත්වෙලා ඉන්න සහ හිටපු 225ට උඹත් වගකියන්න ඕන. 225 විතරක් මොකද, හොරු පත් කරපු තෝත් උන් එක්කම හැඳි ගෑවෙන්න ඕන නැද්ද?

Main News