හිරවුණාට කණගාටුයි.. ජනසයුරට පැමිණියාට ස්තුතියි..- මහින්ද

May 4, 2017 at 8:02 am | lanka C news
හිරවුණාට කණගාටුයි.. ජනසයුරට පැමිණියාට ස්තුතියි..- මහින්ද

ලෝක කම්කරු දිනය දා ගාළු මුවදොර පැවති ඒකාබද්ද විපක්‍ෂයේ මැයි රැුළියට සහභාගී වූ සියළු දෙනාට හිටපු ජනාධිපති මහින්ද රාජපක්‍ෂ මහතා ස්තුතිය පල කරයි.

එසේ ස්තුති කරමින් ඔහු විසින් නිකුත් කර ඇති නිවේදනය පහත දැක්වෙයි.

…සැමට තුති පුද…

ඒකාබද්ධ විපක්ෂය සංවිධානය කළ එදා මෙදාතුර මෙරට ඉතිහාසයේ දැවැන්තම මැයි රැලිය සාර්ථක කර ගැනීම උදෙසා වර්තමාන රජයේ දුර්දාන්ත ක්‍රියාකලාපයන්ට එරෙහිව පෙළගැසුණු  ලක්ෂ සංඛ්‍යාත ජන සහභාගීත්වයේ කොටස්කරුවන් වූ සියලු දෙනාට මාගේ කෘතඥතාපූර්වක ස්තූතිය මෙයින් පිරිනමමි.

ගාලු මුවදොර පිටියම එකම හිස් ගොඩක් බවට පත් කරමින් මෙරට මැයි දින ඉතිහාසයට නව පරිච්ඡේදයක් එක් කළ ඒකාබද්ධ විපක්ෂයේ මැයි දින රැලිය අතිශයින්ම සාර්ථක කර ගැනීම උදෙසා දිවා රෑ නොබලා කැපවූ ඒකාබද්ධ විපක්ෂයේ සියලුම පක්ෂ නායකයන්ට, පාර්ලිමේන්තු මන්ත්‍රීවරුන්ට, පළාත් සභා මැති ඇමතිවරුන්ට, පළාත් පාලන ආයතනවල හිටපු සභාපතිවරුන්ට, සභිකයන්ට, වෘත්තීය සමිති හා අනෙකුත් සියලුම සංවිධානවලට මෙන්ම මෙම ජන රැලියට දැවැන්තම ශක්තිය එන්නත් කරමින් ඊට එක්වූ පොදු ජනතාව ද මේ මොහොතේදී හද පත්ලෙන්ම නැගෙන කෘතවේදීත්වයෙන් යුක්තව සිහිපත් කරමි.

මෙම දැවැන්ත ජන එකතුවට සවිය දෙන්නට එක්ව සිටියදී හදිසියේ අසනීපව දිවිගමනින් සමුගත් පාක්ෂිකයන් තිදෙනාගේ හදිසි අභාවයන් පිළිබඳව මාගේ ශෝකය ඔවුන්ගේ පවුල්වල සාමාජිකයන් වෙත මේ මොහොතේදී පිරිනමමි. එමෙන්ම රැලියට එක්ව සිටියදී හදිසියේ අසනීප තත්ත්වයන්ට ගොදුරු වූ සියලු දෙනාට ඉක්මන් සුවය පතන අතර දැඩි තදබදය හේතුවෙන් අපහසුතාවයන්ට ලක්වූ සියල්ලන්ටම මාගේ කණගාටුව ද ප්‍රකාශ කරමි.

මහින්ද රාජපක්ෂ
හිටපු ජනාධිපති

8 views

2 Comments to “හිරවුණාට කණගාටුයි.. ජනසයුරට පැමිණියාට ස්තුතියි..- මහින්ද”

  1. කොළඹ එකා says:

    එකෙන්ම කතාව මේකයි…

    ඔළුවක් තියෙන කොන්දක් තියෙන දේහ ධාරී ශරීරයකින් හෙබි පිරිමියෙකු සතු රැවුල තිබූ එලම එකම නායකයා එදා මෙදා තුර මගේ දන්නා කාලෙක මැදමුලනෙ සිංහයා යකඩ මිනිසා ඔහුයි.. මහින්ද රාජපක්ෂ මැතිඳුනි කෑම පැකට් සල්ලි අරක්කු බලන් නෙමේ හදවතේ කොනක හරි ඔබ තාමත් ඉන්න නිසයි ජොබ් එක ගහල ගියත් කමක් නෑ කියල තනියම හරි මම ආවෙත්… මුල මතක මිනිස්සු අතරෙ එකෙක් වී හරි සිටීම ගැන තනිවම හරි මන් අද සතුටු වෙනවා…
    මොනා උනත් දරුවෙක් හදාගන්න බැරි නපුන්සකයො ගොඩක් එක්ක රටෙන් වැඩි කොටසක් කුඹුරු කියල හිතන් ඇමති වරු දාගෙන හාන මේ වගෙ රූකඩ මහ පාරෙ දණ ගස්සලා රටත් අපිත් බේරන් ඔබත් බේරිලා ගමනක් යන්න නැවත එන්න අප්පච්චී……

    සුභ අනාගතයක්…….
    නමටත් ආදරෙයි හැමදාම… …….

    බොක්කෙන් කීවෙ ලියවුනා මදී ඒත් ඇති…

    • Tomiya says:

      Kolamba eka sahodaraya, Oba gana mata adambarai. Mama wage rata gana hithana thawath manussayek kiyala hithanakota sathutui. Hari de hariyata dakina minisun harima adui..Obe adahas walata mama garu karanawa.

Main News