හිරේ සිටින ඥාණසාර හිමිට තවත් නඩුවක්.. අධිවේගී මාර්ගයේ වැටක් කඩලා..

September 13, 2018 at 1:20 pm | lanka C news
හිරේ සිටින ඥාණසාර හිමිට තවත් නඩුවක්.. අධිවේගී මාර්ගයේ වැටක් කඩලා..

බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥාණසාර හිමියන්ට එරෙහිව පවරා ඇති තවත් නඩුවක් එළඹෙන 17දා හෝමාගම මහේස්ත්‍රාත් අධිකරණයේදී කැඳවීමට නියමිතය.

මෙම නඩුව ගොනුකර ඇත්තේ දක්ෂිණ අධිවේගී මාර්ගයේ ආරක්ෂාවට සිටි පොලිස් නිලධාරීන්ට බැණ තර්ජනය කර ආරක්ෂක වැටකට පහර දුන්නේ යයි චෝදනා මතය.

එහිදී රජයේ දේපළවලට සිදුව ඇති අලාභය රුපියල් හැටදාහක් යයිද සදහන්ය.

පින්නදූව අධිවේගී පිවිසුම අධිවේගී මාර්ගයට අනවසරයෙන් ඇතුළු වීමට තැත් කළේ යයි ඥාණසාර හිමියන් ඇතුළු හිමිවරුන් තිදෙනෙකුට එරෙහිව මෙම නඩුව පවරා ඇත.

මෙම සිදුවීම සිදුව ඇත්තේ 2012 වසරේ ජූනි මස 09 වැනි දිනයි.

ඥාණසාර හිමියන් මේ වන විට වසර 06ක බරපතල වැඩ ඇතිව සිර දඬුවමක් විදිමින් සිටී.

110 views
Main News