හේමසිරි හා පූජිත අත්අඩංගුවට..?

June 29, 2019 at 10:40 am | lanka C news
හේමසිරි හා පූජිත අත්අඩංගුවට..?

පාස්කු ඉරිදා ප්‍රහාරය වළක්වා නොගැනීම සම්බන්ධයෙන් හා පුද්ගලයකුට බැණ තර්ජනය කර පහර දීම සම්බන්ධයෙන් හිටපු ආරක්ෂක ලේකම් හේමසිරි ප්‍රනාන්දු සහ අනිවාර්ය නිවාඩු යවා සිටින පොලිස්පති පූජිත ජයසුන්දර ප්‍රශ්න කිරීම සඳහා අත්අඩංගුවට ගැනීමට නියමිත බවට පොලිස් මූලස්ථාන ආරංචි මාර්ග අනාවරණය කරයි.

ඒ අනුව හේමසිරි ප්‍රනාන්දු හා පූජිත ජයසුන්දර ළඟදීම අපරාධ පරීක්ෂණ දෙපාර්තමේන්තුව කැඳවා ප්‍රකාශ ලබා ගැනීමට නියමිත බව වාර්තා වේ.

අප්‍රේල් 21 වැනි දින එල්ල වූ ප්‍රහාරය වළක්වා ගැනීම අපොහොසත් වීම සම්බන්ධයෙන් හිටපු ආරක්ෂක ලේකම්ට එරෙහිව අපරාධ පරීක්ෂණයක් කරන්නැයි නීතිපතිවරයා වැඩබලන පොලිස්පතිවරයාට පසුගියදා නියෝග කළේය. ඒ අනුව හිටපු ආරක්ෂක ලේකම්වරයා අපරාධ පරීක්ෂණ දෙපාර්තමේන්තුවට කැඳවා ප්‍රශ්න කිරීමට නියමිත බව වාර්තා වේ.

මේ අතර 2018 වර්ෂයේ අප්‍රේල් 11 වැනි දින 8.45ට පමණ අපරාධ පරීක්ෂණ දෙපාර්තමේන්තුවේ විදුලි සෝපානයේ සේවය කළ රාගම නැලිගම පදිංචි ඒ.එච්. සමරකෝන් බණ්ඩාට බැණ තර්ජනය කර පහරදීමට තැත්කිරීම හා එම ස්ථානයේ පිළිගැනීමේ නිලධාරිනිය ලෙස කටයුතු කළ උප පොලිස් පරීක්ෂක ක්‍රිෂාන්ති ෂිරෝමනීට බැණ තර්ජනය කිරීම සම්බන්ධයෙන් සිදුකරන පරීක්ෂණය සඳහා පූජිත ජයසුන්දර මහතා රහස් පොලිසියට කැඳවීමට නියමිත බව වාර්තා වේ.

මේ සම්බන්ධයෙන් වූ පැමිණිල්ල සමරකෝන් බණ්ඩා පොලිස්පතිවරයාට ඉදිරිපත් කිරීමට නොහැකි නිසා 2018 ජුනි 02 වැනි දින ජනාධිපතිවරයාට හා කථානායකවරයාට ඉදිරිපත් කර තිබේ.

ඊට සම්බන්ධ නඩුව කොටුව මහෙස්ත්‍රාත් රංග දිසානායක ඉදිරියේ පසුගිය සතියේ කැඳවූ අතර දණ්ඩ නීති සංග්‍රහයේ 344, 346 හා 483 යටතේ චෝදනා ගොනු කර තිබේ.

ඒ අනුව හිටපු ආරක්ෂක ලේකම්වරයාගේ හා අනිවාර්ය නිවාඩු යවා සිටින පොලිස්පති පූජිත ජයසුන්දරගේ ප්‍රකාශ අනුව අත්අඩංගුවට ගෙන අධිකරණයට ඉදිරිපත් කිරීමට සිදුවන බව එහි උසස් නිලධාරියකු සඳහන් කළේය.

– aruna

23 views

One Comment to “හේමසිරි හා පූජිත අත්අඩංගුවට..?”

  1. Sun says:

    The problem of management in Sri Lanka is just putting pressure on subordinates without organizing the system. Leaders have to set examples rather than forcing the officers. All have to attend training . That is from the president downward. All are trying to keep the level by commanding downwards. That is old style management in 1800. The system supposed to be changed these untrained fellows home for training my dear friends.

Main News