හෝමාගම ක‍්‍රිකට් පිටිය මෝඩ වැඩක්.. අපාරාදයක්.. ලංකාවේ දැනටමත් ඕස්ට්‍රේලියාවට වඩා පිට්ටනි තිබෙනවා..

May 19, 2020 at 4:40 pm | lanka C news
හෝමාගම ක‍්‍රිකට් පිටිය මෝඩ වැඩක්.. අපාරාදයක්.. ලංකාවේ දැනටමත් ඕස්ට්‍රේලියාවට වඩා පිට්ටනි තිබෙනවා..

අතිවිශාල මුදලක් වැය කර අලුතින් ජාත්‍යන්තර ක්‍රිකට් ක්‍රීඩාංගණ සෑදීමට වඩා එම මුදල් ක්‍රිකට් ක්‍රීඩාවේ සෑබෑ සංවර්ධනයට යොදවන්නැයි හිටපු ටෙස්ට් ක්‍රිකට් නායක අර්ජුන රණතුංග මහතා පවසයි.

ඔහු මේ බව පැවසුවේ අමෙරිකානු ඩොලර් මිලියන 40ක් වැය කරමින් හෝමාගම දියගම අලුතින් ජාත්‍යන්තර ක්‍රිකට් ක්‍රීඩාංගණයක් සාදන බවට ශ්‍රී ලංකා ක්‍රිකට් ආයතන බලධාරින් කළ ප්‍රකාශයකට දැඩි ප්‍රතිචාරක් දක්වමිනි.

”අපේ රටේ ඇති වෙන්න ජාත්‍යන්තර ක්‍රිකට් ක්‍රීඩාංගණ තියෙනවා. ඒවායින් ඓතිහාසික තරග රැසක් පැවැති අස්ගිරිය සහ මොරටුව වැනි ක්‍රීඩාංගණ අද අත්හැර තිබෙනවා. අප කළ යුත්තේ එැවැනි ක්‍රීඩාංගණ දියුණු කිරීමට සැලසුම් සකස් කිරීම මිසක් අලුතින් ජාත්‍යන්තර ක්‍රීඩාංගණ සැදීමට අතිවිශාල මුදලක් වැය කිරීම නෙමෙයි.‍ අපේ රටේ දැනටමත් ඕස්ට්‍රේලියාවටටත් වඩා ක්‍රිකට් ක්‍රීඩාංගණ ප්‍රමාණක් තියෙනවා. සමහර විට ඒ බව අපේ රටේ ක්‍රිකට් ලෝලීන් නොදන්නවා ඇති…” යි අර්ජුන රණතුංග පවසයි.

“අපේ පාසල් ක්‍රිකට් ක්‍රීඩාව මීට වඩා දියුණු කළ යුතුයි. විශේෂයෙන්ම පාසල්වල ක්‍රීඩාංගණ දියුණු කිරීමට මෙන් ම පාසල් ක්‍රීඩකයින්ට අවශ්‍ය ක්‍රිකට් උපකරණ ලබා දීමට අපේ අවධානය යොමු විය යුතුයි. පිති තුනකින් පමණක් ක්‍රීඩා කරන පාසල් කණ්ඩායම් කොළඹ පවා තිබෙනවා. පිටත් පළාත්වලදී මේ තත්ත්වය තවත් බරපතලයි. සනත් ජයසූරියලා මුත්තයියා මුරලිදරන්ලා ඉන්නේ පිට පළාත්වල. දේශපාලනඥයින් සතුටු කරමින් අලුතින් ජාත්‍යන්තර ක්‍රිකට් ක්‍රීඩාංගණ හදනවාට වඩා ඔවුන්ව හඳුනාගෙන ඔවුන්ගේ දක්ෂතා වර්ධනය කිරීමට අපි උදව් කළ යුතුයි…”යි ද අර්ජුන රණතුංග පැවසීය.

”ගණන් කරලා බලන්න සමහර ක්‍රීඩාංගණවල වසරකට තරග කීයද පැවැත්වෙන්නේ. පසුගිය වසර තුනේදී ම හම්බන්තොට සූරියවැව ක්‍රීඩාංගණයේ ක්‍රීඩා කළේ එකම තරගයක් විතරයි. ඒ වගේම පසුගිය වසර තුනේදීම දඹුල්ල ක්‍රීඩාංගණයේදී ජාත්‍යන්තර තරග පවත්වා නැහැ. අපට දැනටමත් තියෙන ජාත්‍යන්තර ක්‍රිකට් ක්‍රීඩාංගණවල වසරකට එක තරගයක්වත් පවත්වා නැත්නම් තවත් ජාත්‍යන්තර ක්‍රිකට් ක්‍රීඩාංගණ සෑදීමේ තියෙන ප්‍රයෝජනය මොකද්ද ? කිසිම ‍ප‍්‍රයෝජනයක් ‍නැහැ. මේවා කරන්නේ දේශපාලනඥයින් සතුටු කරන්න..

ඒ වගේම මේ ක්‍රීඩාංගණය හදනවා කියලා ප්‍රකාශ කළ අවස්ථාව එවැන්නකට සුදුසු වෙලාවක් නෙමෙයි. අද නව කොරෝනා වෛරස වසංගතය නිසා ‍අපේ රටේ බොහෝ දෙනා පීඩාවට පත් වෙලා තියෙනවා. එදිනෙදා හම්බ කරගෙන ජීවත් වෙන අය දැඩි අසරණතාවයට පත් වෙලා තියෙනවා. මේ අපේ ක්‍රිකට් ක්‍රීඩාවට ආදරය කරන ‍අපේ ම ක්‍රීඩා ලොලින්. පාරට ගියොත් අපිට බඩගින්නේ ඉන්න අය ඕනම තැනකින් හොයා ගන්න පුළුවන්. මිනිසුස් කෑම හොයා ගන්න දුක් විඳිනවා. ඒ අතරේ ශ්‍රී ලංකා ක්‍රිකට් ආයතනය ක්‍රිකට් ක්‍රීඩාංගණයක් හදන්න අමෙරිකානු ඩොලර් මිලියන 40ක් වැය කරන්න හදනවා. මේක‍ මෝඩ වැඩක්. මම ඇත්තට බලාපොරෝත්තු වෙනවා ජනාධිපති ගෝඨාභය රාජපක්ෂ මහතා මේ මෝඩ වැඩේ නතර කරන්න අවධානය යොමු කරයි කියලා…..” යිද හිටපු ටෙස්ට් ක්‍රිකට් නායක අර්ජුන රණතුංග මහතා පැවසීය.

– තමීර මංජු

152 views

56 Comments to “හෝමාගම ක‍්‍රිකට් පිටිය මෝඩ වැඩක්.. අපාරාදයක්.. ලංකාවේ දැනටමත් ඕස්ට්‍රේලියාවට වඩා පිට්ටනි තිබෙනවා..”

  1. Liyanage says:

    Minister Bandula Gunawardene again and again destroyed government mage. Hon president and his team are trying to make Sri Lanka a better place for the people but these discarded political antiques continueing with their foolish antisocial plans. He’s good to be with Sajith party as he’s machine with their ideas.

  2. Nishantha says:

    Government should not allow Me Bandula Gunawardene to publicize government opinion. We do not believe and respect what he says. Yes, you’re correct he’s like another UNP politician. Hon president would reconsider this plan to construct another cricket stadiuam.

  3. Alapaluwa says:

    අර්ජුන මොන මෝඩයෙක්ද අපේ බන්දුල ස’ කරන වැඩේ වැරදියි කියන්න. බන්දුල ස’ ඔයා හදන්න පිට්ටනි තුනක්ම මුන්ට පේන්නත් එක්කල.
    මේ දවස්වල ප්‍රසන්නය කට වහගෙන ඉන්නවා එකටත් එක්ක අර්ජුන ගේමට බැහැල.

  4. Kalana says:

    ඇත්ත, මොන Cricket ද ලංකාවට, කන්න නැතිව මිනිස්සු ඉන්නවා, වැසිකිලි නැති පාසල තියෙනවා, පාලම් නැති ගම්මාන තියෙනවා, ඒවාට මේ සල්ලි යොදන්න බැරිද? තනිකර හොරකමට පාර කැපිල්ල නය අරන්.

    • Rata Wenuwen says:

      හෑ .. කන්න නැතිව මිනිස්සු ඉන්නවා. මේ ලංකාවේ? බොරු කියන්න එපා අයිෂේ.

  5. Please provide only single Turf Cricket Ground in the Gampaha Town Area………………….

    This is a historical challenge if anybody can do it………………..

    Up to now, No body able to do and did not want to do the that…………….

Main News