‘ෆොනී’ ඉතා චණ්ඩ සුළි කුණාටුවක් වෙයි.. අනතුරු ඇගවීම් නිකුත් කෙරේ…

April 30, 2019 at 4:40 pm | lanka C news
‘ෆොනී’ ඉතා චණ්ඩ සුළි කුණාටුවක් වෙයි.. අනතුරු ඇගවීම් නිකුත් කෙරේ…

‘ෆොනී’ සුළි කුණාටුව ඉදිරි පැය 12 තුලදී ඉතා චණ්ඩ සුළි කුණාටුවක් දක්වා වර්ධනය වේ. වී ඊළඟ පැය 12 තුළ ඉතා චණ්ඩ සුළි කුණාටුවක් වේ යැයි ද මෙම පද්ධතිය තවදුරටත් වර්ධනය වෙමින් උතුරට බරව ඊසාන දෙසින් ඉන්දියාවේ ඹරිස්සා වෙරළ දෙසට ගමන් කරනු ඇතැයි කාලගුණවිද්‍යා දෙපාර්තමේන්තුව අද දින (30) නිවේදනය කර ඇත.

නිරිත දිග බෙංගාල බොක්ක මුහුදු ප්‍රදේශයේ, ශ්‍රී ලංකාවට ඊසාන දෙසින් පවතින ‘ෆොනී’ සුළි කුණාටුව අද (30) වන විට ත්‍රිකුණාමලයට ඊසාන දෙසින් කි.මී 640 ක් පමණ දුරින් උතුරු අක්ෂාංශ 11º.1′ ත් නැගෙනහිර දේශාංශ 86º.5′ ත් ආසන්නව ස්ථානගතව පවතින බව එම නිවේදනයේ සදහන් වේ.

ශ්‍රී ලංකාවට දකුණු, ගිණිකොණ, නැගෙනහිර, සහ ඊසාන දෙසින් වන ගැඹුරු මුහුදු ප්‍රදේශවල පැයට කි.මි 70-80 දක්වා වන සුළං හැමිය හැකි අතර ඇතැම්විට විටින් විට පැයට කි.මි 100 දක්වා වන3 ප්‍රහාරාත්මක සුළං ඇතිවිය හැකි බවත් එම මුහුදු ප්‍රදේශ ඉතා රළුවිය හැකි බවත් නිවේදනය කර ඇත. පද්ධතියේ කේන්ද්‍රයේ සිට කිලෝමීටර් 300 ක් දක්වා මුහුදු ප්‍රදේශයේ සුළං වේගය පැයට කි.මි 130 ත් 140 ත් දක්වා වැඩිවිය හැකි බැවින් ශ්‍රී ලංකාවට වයඹ, නිරිත, දකුණු, ගිණිකොණ, නැගෙනහිර, ඊසාන සහ උතුරු දෙසින් වන මුහුදු ප්‍රදේශවල ධිවර සහ නාවික කටයුතු වලින් වළකින ලෙස ධීවරයන්ට උපදෙස් දී ඇත.

එසේම නිරිත දිග බෙංගාල බොක්ක ප්‍රදේශයේ උතුරු කොටසේ සිටින ධිවරයින් සහ නාවුකයින් ආරක්ෂිත මුහුදු ප්‍රදේශ වෙත ගමන් කරන මෙන් ද උපදෙස් ලබාදී ඇත.

දිවයිනේ බොහෝ ප්‍රදේශවල තද සුළං සහ තද වැසි තත්වය අද(30) සහ හෙට(01) දිනවලදී පැවතිනු ඇතැයි ද අද දිනයේදී දිවයින හරහා විශේෂයෙන් උතුරු, උතුරුමැද, ඌව සහ දකුණු පළාත්වලත් පුත්තලම, ත්‍රිකුණාමලය සහ අම්පාර දිස්ත්‍රික්කවලත් පැ. කි. මි.60 දක්වා විටින් විට හමන තද සුළං බලාපොරොත්තු වන බවත් කාලගුණවිද්‍යා දෙපාර්තමේන්තු විසින් නිවේනදය කර ඇත.

දිවයිනේ බොහෝ ප්‍රදේශවල විටින් විට වැසි හෝ ගිගුරුම් සහිත වැසි ඇතිවේ. නැගෙනහිර, ඌව, සබරගමුව, මධ්‍යම, දකුණු, බස්නාහිර සහ වයඹ පළාත්වල සහ මන්නාරම දිස්ත්‍රික්කයේ සමහර ස්ථානවලට මි.මී.150 ට වැඩි ඉතා තද වර්ෂාපතනයන්ද සෙසු පළාත්වල මි.මී. 100 ක පමණ තද වර්ෂාපතනයන් ඇති විය හැක.

එසේම කාලගුණවිද්‍යා දෙපාර්තමේන්තුව මගින් මේ සම්බන්ධව නිකුත් කරන ඉදිරි නිවේදන පිළිබඳ අවධානය යොමුකරන ලෙස කලාගුණ විද්‍යා දෙපාර්තමේන්තුව මහජනතාවගෙන් සහ ධීවර හා නාවුක ප්‍රජාවගෙන් ඉල්ලා සිටියි.

ඕනෑම හදිසි තත්වයක දී 117 යන හදිසි ඇමතුම් අංකය අමතන ලෙස ආපදා කළමනාකරණ මධ්‍යස්ථානය මහජනතාවගෙන් ඉල්ලා සිටී.

– ජනක හදුන්පතිරාජ

37,705 Viewers

5 Comments to “‘ෆොනී’ ඉතා චණ්ඩ සුළි කුණාටුවක් වෙයි.. අනතුරු ඇගවීම් නිකුත් කෙරේ…”

  1. Ivan de Silva says:

    All Politicians, Institution of Engineers it is now time to convince your country leader, HE the President to tell the truth of Moragahakanda – Kaluganga Project achievements and completion. It was really done by Mahinda Rajapakse/ Ivan de Silva combination. Not My3/ Dr Kulasingha combination. Until this is accepted by the country leader in public, no one can control further disasters to our Mother Land.

  2. Mangala says:

    ෆෝනී කොහොමත් ඔහොමයි …කිසිම කොන්ට්‍රෝල් එකක් නෑ.

  3. Ivan de Silva says:

    All politicians including the President are responsible for the current mess in the country. Cannot stop further disasters until accepting the truth of the same. Need an urgent general election under a Care Taker Government or like Vidura MP suggested under an Army for about 3 months.

  4. අපෝ මේ වෙල්විදානේ ෆොනීද මේලෝ රහක් පලනයක් නොමැති එකක් නේ???

  5. Nihal says:

    SF = Hurricane Fonny

Main News