05 වැනිදා සිට දෛනික ආසාදිතයන් 5000 පැන්නා.. හමුදා ලොක්කෙක් වෛද්‍යවරු දෙදෙනෙක් දත්ත වෙනස් කලා..- මුසම්මිල් හෙලිදරවුවක…

August 13, 2021 at 12:00 pm | lanka C news
05 වැනිදා සිට දෛනික ආසාදිතයන් 5000 පැන්නා.. හමුදා ලොක්කෙක් වෛද්‍යවරු දෙදෙනෙක් දත්ත වෙනස් කලා..- මුසම්මිල් හෙලිදරවුවක…

ශ්‍රී ලංකාව තුළ සාර්ථකව ක්‍රියාත්මක වන කොරෝනා මර්දන වැඩපිළිවෙළ පිළිබඳව වන දත්ත වෙනස් කරමින් සම්පූර්ණයෙන් එය අකර්මණ්‍ය කිරීමට කටයුතු කරන ශ්‍රී ලංකා යුද හමුදාවේ ඉහළ නිලධාරියෙකු සහ වසංගත රෝග විද්‍යා අංශයේ ඉහළම විශේෂඥ වෛද්‍යවරුන් දෙදෙනෙකු පිළිබඳව සුවිශේෂී අනාවරණයක් සිදුකළ ජානිපෙ මාධ්‍ය ප්‍රකාශක, පාර්ලිමේන්තු මන්ත්‍රී මොහොමඩ් මුසම්මිල් මහතා එසේ වසංගතය වසන් කරමින් ජනතාවගේ ජීවිත සමග සෙල්ලම් කරන එම නිලධාරී තුන්කට්ටුවට එරෙහිව වහාම නීතිය ක්‍රියාත්මක කරන ලෙස ඉල්ලා සිටියි.

අද (13) පිටකෝට්ටේ පිහිටි ජාතික නිදහස් පෙරමුණේ ප්‍රධාන කාර්යාලයේදී පැවැති මාධ්‍ය හමුවකදී ඒ මහතා මෙම සුවිශේෂී අනාවරණය සිදු කළේය.

එහිදී වැඩිදුරටත් අදහස් දැක්වූ මුසම්මිල් මහතා මෙසේද සඳහන් කළේය.

“පසුගිය 10 වැනිදා ගම්පහ දිස්ත්‍රික් කොවිඩ් මර්දන කමිටුවේ දී හෙළිදරව් වුණා අගෝස්තු මාසයේ ගෙවී ගිය දින 09 තුළ කෝවිඩ් ආසාදිතයන් 12,555 වාර්තා වූ බව. මෙයින් රෝහල්ගත වූ ගණන 4000ක් පමණ වෙනවා. නමුත් මේ දින කිහිපය තුළ ගම්පහ දිස්ත්‍රික්කය තුළ ආසාදිත පිරිස පිළිබඳ සංඛ්‍යාලේඛන මගින් පෙන්වන්නේ 3000ක පමණ ගණනක්. සෞඛ්‍ය බලධාරීන් 4000ක් පමණ රෝහල් ගත කළ බව කියන විට ප්‍රකාශිත දත්ත මගින් පෙන්වා දෙන්නේ 3000ක පමණ ගණනක්. කාවද මේ නොමඟ යවන්නේ? කාටද මේ බොරු කරන්න හදන්නේ? මේ අනුව ඉතා පැහැදිලියි, කොවිඩ් දත්ත වෙනස් කිරීමේ සැලසුම් සහගත වැඩපිළිවෙළක් දියත් වන බවට.

‘ආසාදිතයන් 5000 ඉක්මවලා’

මේ දින 09 තුළ ගම්පහින් හමුවූ ආසාදිතයන් 12,555 නවයෙන් බෙදූවිට ආසන්න වශයෙන් දිනකට ආසාදිතයන් 1395ක් වාර්තා විය යුතුයි. නමුත් අපි කිසිම තැනක දුටුවේ නැහැ, ගම්පහින් දිනකට ආසාදිතයන් 1395ක් වාර්තා වන බව. ගම්පහ පමණක් නොවේ රට තුළ ආසාදිතයන් වාර්තා වූ අන්දම බැලුවොත් අගෝස්තු 05 වැනිදා හමුවූ ආසාදිතයින් ගණන 4900කට අධික වුවත් දෛනික වාර්තාවේ සඳහන් වන්නේ 2669 ලෙසයි. අගෝස්තු 06 වැනිදා හමුවූ ආසාදිතයන් සංඛ්‍යාව 5000ට වැඩියි. එතැන් සිට අගෝස්තු 11 වැනිදා දක්වා රට තුළ දෛනිකව හමුවූ ආසාදිතයන් ගණන 5000 වැඩියි. නමුත් දෛනික දත්ත වාර්තා මගින් පෙන්වා දුන්නේ ආසාදිතයන් තුන්දාහකට ආසන්න අගයක් බවයි.

‘විශේෂ දත්ත සටහනක්’

මම මේ මාධ්‍ය හමුවට වාඩිවෙන අවස්ථාවේ මට විශේෂ දත්ත සටහනක් ලැබුණා. මෙහි තිබෙන්නේ අගෝස්තු එකොළොස් වැනිදා රට තුළ සිදු කළ සමස්ත පීසීආර් සහ රැපිඩ් ඇන්ටිජන් පරීක්ෂණ පිළිබඳ දත්ත. මේ පීසීආර් පරීක්ෂණ මගින් අනාවරණය වී තිබෙනවා 4175ක් ආසාදිත බව. ඒ වගේම රැපිඩ් ඇන්ටිජන් පරීක්ෂණ මගින් අනාවරණය වී තිබෙනවා 1239ක් ආසාදිත බව. ඒ අනුව 11 වැනිදා හමු වූ සමස්ත ආසාදිතයන් ප්‍රමාණය 5414ක් වෙනවා. මෙමඟින් තවදුරටත් තහවුරු වෙනවා කොවිඩ් දත්ත වෙනස් කිරීමේ වැඩපිළිවෙළක් යම් පිරිසක් විසින් සිදුකරන බවට. තත්ව වාර්තා සහ පරීක්ෂණාගාර වාර්තා ලැබෙන්නේ ඉතා සීමිත පිරිසකටයි. ඒවා පරික්ෂා කළොත් අප මේ කළ අනාවරණය තහවුරු කරගත හැකියි. මම දැන් ඉදිරිපත් කළෙත් එවැනි පරීක්ෂණාගාර වාර්තාවක්.

මේ දත්ත වෙනස් කිරීමේ කටයුත්තට වසංගත රෝග විද්‍යා අංශයේ ඉහළ විශේෂඥ වෛද්‍යවරුන් දෙදෙනෙක් සම්බන්ධ බව අපි අනාවරණය කිරීමට කැමතියි. ඒ වගේම ශ්‍රී ලංකා යුද හමුදාවේ ඉහළම නිලධාරියෙකුත් එකතු වෙලයි මේ දත්ත වෙනස් කිරීම සිදුකරන්නේ. මේ ඉහළ නිලධාරියා කවුද කියා බලන්න යුද හමුදාපතිතුමන්ට කැමතිනම් පුළුවන්. කොවිඩ් දත්ත වෙනස් කිරීමට මුල් වී ඇති මේ තුන්කට්ටුවේ මූලික අරමුණ වී ඇත්තේ ශ්‍රී ලංකාවේ කොරෝනා මර්දන වැඩපිළිවෙළ සම්පූර්ණයෙන්ම අකර්මණ්‍ය කිරීමයි. ජනාධිපතිතුමන්ට දත්ත වැරදි විදිහට ඉදිරිපත් කළාම තීරණ ගන්න වෙන්නෙත් ඊට සාපේක්ෂව. ඒ අනුව මේ අයගේ තවත් අරමුණක් තමයි ජනාධිපතිතුමන් නොමඟ යැවීම. ආණ්ඩුව අපහසුතාවට පත් කරලා ජනතාව බිල්ලට දීලා අවසානයේ විපක්ෂයේ උවමනාව ඉටු කර දීමත් මේ අයගේ අරමුණු අතර වෙනවා. විපක්ෂයේ වුවමනා වී ඇත්තේත් රජය විසින් සිදුකරන කොරෝනා මර්දන වැඩපිළිවෙළ සම්පූර්ණයෙන්ම අකර්මණ්‍ය කිරීමයි.

මේ විදිහට දෛනික ආසාදිතයන් ගණන අඩුවෙන් වාර්තා කළාම දෛනික මරණ අනුපාතය ඉහළ යනවා. දැන් විපක්ෂය මාධ්‍ය සාකච්ඡා තබමින් කියන්නේ ‘අපි දැන් ලෝකයේ ඉහළම කොරෝනා මරණ අනුපාතිකය සහිත රටක්’ කියලයි. දෛනික මරණ සංඛ්‍යාව, දෛනික ආසාදිතයන් ගණනින් බෙදූ විට ලැබෙන ප්‍රතිශතය ඊයේ (12) දිනයට අදාළව ගත්තාම, (156/3039) 5%ක් පමණ වෙනවා. කොවිඩ් මර්දන වැඩපිළිවෙළ ඉතා අසාර්ථක රටවල පවා මේ දෛනික මරණ අනුපාතය 3%ක පමණ අගයක්. ඉතා සාර්ථක කොවිඩ් මර්දන වැඩපිළිවෙළක් සහිත අපේ රටේ මෙවැනි 5%කටත් වැඩි මරණ අනුපාතයක් පෙන්වීමට අවශ්‍යව ඇත්තේ කාටද? ඒ නිසා අපි ඉල්ලා සිටිනවා ජනතාවගෙන් වසංගතය වසන් කරලා, ඔවුන්ගේ ජීවිත සමග සෙල්ලම් කරන මේ නිලධාරී තුන්කට්ටුවට එරෙහිව නීතිය ක්‍රියාත්මක කරන ලෙස”

අනුරුද්ධ බණ්ඩාර රණවාරණ,
මාධ්‍ය ලේකම්,
ජාතික නිදහස් පෙරමුණ

116,252 views

31 Comments to “05 වැනිදා සිට දෛනික ආසාදිතයන් 5000 පැන්නා.. හමුදා ලොක්කෙක් වෛද්‍යවරු දෙදෙනෙක් දත්ත වෙනස් කලා..- මුසම්මිල් හෙලිදරවුවක…”

  1. Jayaratne says:

    In the name of God, please lock down. Human life is more valuable than anything else.

  2. lataatan says:

    මේ කතාවේ ප්‍රස්තුතය රජය දත්ත වෙනස් කරලා අඩුවෙන් අසාදනය පෙන්නුම් කරලා ජනතාව අන්දනවා වගේ වුනාට, අන්තිම කොටසසින් කියන්නේ ඊට වඩා භයානක කතාවක්, මේ රටේ ගුවන් හමුදාව විසින් ක්‍රියාත්මක කරන කොවිඩ් දත්ත පධතිය විපක්ෂ විසින් ඔවුන්ට ඔනවිදියට හසුරනවා කියන එක. මේක ජාතික ආරක්ෂාවත් බින්දුවයි කියනවා වගේ වැඩක්.

  3. dev says:

    රජිතල ඇති ඔතන. ගුරු වර්ජනේ නිසා වැඩි උනා කියන එක වලක්වනන කාට හරි ඔන ඇති.මෙක ගුරු පොකුර කියල නම් කරන්න ව්හාම

  4. Sirisoma says:

    Another Gilmart ??? How about numbers coming from other Government Institutions?

  5. ප්‍රසාද් says:

    නම් ගම් හෙලි කරන්න.
    තවත් කම්පුටර් ජිල්මාට් ද

  6. Wijebahu says:

    You idiots whose fault is that? You have all the powers in the world and still fall into opposition gilmart who has only 50 MP’s.🤣🤣 which says Sir and you are bloody fail. People are sick with your conspiracy theories to cover the inability 😀

  7. Saman says:

    Lol
    We know mune

  8. මුසාමිල් සහෝදරයා! ඔයා නම් සුපිරියි!ඔහොම යං! ඔහොම ය්ං ! ඣාතික නිදහස් පෙරමුන වෙතින් , මෙරට දේශප්‍රෙමි ජනතාව ඉල්ලා සිටින එක් කර්තව්‍යක් තමා මේ! සත්‍ය ජනතාව ඉදිරියේ තැබීම! බලාගෙනයි !බැසිල්ගේ පොහොට්ටු බත් බැලයෝ ටික ආයෙත් ගේමට සෙට් වෙයි !

  9. ගාමිණී සෙනෙවිරත්න says:

    සංඝ වෙනයි භික්ෂු වෙනයි. පිරිත් වෙනයි ලවුඩ්ස්පීකර් පිරිත් වෙනයි. බණ වෙනයි කවිබණ වෙනයි. ඇත්ත වෙනයි බොරුව වෙනයි. අනාගත දියසෙන් කුමරා වෙනයි මරා වෙනයි. සබ්බ දුක්කා සමිජ්ජතූ..

  10. මාක්ස්වාදී ජෙප්පා says:

    ඇයි මේ පොහොට්ටුවෙ පිස්සො එක එකා කෙලගන්නෙ?

Main News